7.38

आपत्काले तु निस्तीर्णे शौचाचारं तु चिन्तयेत्

āpatkāle tu nistīrṇe śaucācāraṃ tu cintayet

7.38.2

शुद्धिं समुद्धरेत् पश्चात् स्वस्थो धर्मं समाचरेत्

śuddhiṃ samuddharet paścāt svastho dharmaṃ samācaret

8.1

गवां बन्धनयोक्त्रेषु भवेन् मृत्युर् अकामतः

gavāṃ bandhanayoktreṣu bhaven mṛtyur akāmataḥ

8.1.2

अकामकृतपापस्य प्रायश्चित्तं कथं भवेत्

akāmakṛtapāpasya prāyaścittaṃ kathaṃ bhavet

8.2

वेदवेदाङ्गविदुषां धर्मशास्त्रं विजानताम्

vedavedāṅgaviduṣāṃ dharmaśāstraṃ vijānatām

8.2.2

स्वकर्मरतविप्राणां स्वकं पापं निवेदयेत्

svakarmarataviprāṇāṃ svakaṃ pāpaṃ nivedayet

8.3

सावित्र्याश् चापि गायत्र्याः संध्योपास्त्यग्निकार्ययोः

sāvitryāś cāpi gāyatryāḥ saṃdhyopāstyagnikāryayoḥ

8.3.2

अज्ञानात् कृषिकर्तारो ब्राह्मणा नामधारकाः

ajñānāt kṛṣikartāro brāhmaṇā nāmadhārakāḥ

8.4

अव्रतानाम् अमन्त्राणां जातिमात्रोपजीविनाम्

avratānām amantrāṇāṃ jātimātropajīvinām

8.4.2

सहस्रशः समेतानां परिषत्त्वं न विद्यते

sahasraśaḥ sametānāṃ pariṣattvaṃ na vidyate

8.5

यद् वदन्ति तमोमूढा मूर्खा धर्मम् अतद्विदः

yad vadanti tamomūḍhā mūrkhā dharmam atadvidaḥ

8.5.2

तत् पापं शतधा भूत्वा तद्वक्तॄन् अधिगच्छति

tat pāpaṃ śatadhā bhūtvā tadvaktṝn adhigacchati

8.6

अज्ञात्वा धर्मशास्त्राणि प्रायश्चित्तं ददाति यः

ajñātvā dharmaśāstrāṇi prāyaścittaṃ dadāti yaḥ

8.6.2

प्रायश्चित्ती भवेत् पूतः किल्बिषं पर्षदि व्रजेत्

prāyaścittī bhavet pūtaḥ kilbiṣaṃ parṣadi vrajet

8.7

चत्वारो वा त्रयो वापि यं ब्रूयुर् वेदपारगाः

catvāro vā trayo vāpi yaṃ brūyur vedapāragāḥ

8.7.2

स धर्मेति विज्ञेयो नेतरैस् तु सहस्रशः

sa dharmeti vijñeyo netarais tu sahasraśaḥ

8.8

प्रमाणमार्गं मार्गन्तो ये धर्मं प्रवदन्ति वै

pramāṇamārgaṃ mārganto ye dharmaṃ pravadanti vai

8.8.2

तेषाम् उद्विजते पापं सद्भूतगुणवादिनाम्

teṣām udvijate pāpaṃ sadbhūtaguṇavādinām

8.9

यथाश्मनि स्थितं तोयं मारुतार्केण शुध्यति

yathāśmani sthitaṃ toyaṃ mārutārkeṇa śudhyati

8.9.2

एवं परिषदादेशान् नाशयेत् तस्य दुष्कृतम्

evaṃ pariṣadādeśān nāśayet tasya duṣkṛtam

Parāśaradharmasaṃhitā