3.9.3

अस्तोमा वा एते यच्छन्दोमा अयुजो हि स्तोमा युग्मन्ति छन्दांसि यद् एषा युजिनी चतुश्चत्वारिंशस्य विष्टुतिस् तेनास्तोमाः

astomā vā ete yacchandomā ayujo hi stomā yugmanti chandāṃsi yad eṣā yujinī catuścatvāriṃśasya viṣṭutis tenāstomāḥ

3.9.4

एषा वै प्रतिष्ठिता चतुश्चत्वारिंशस्य विष्टुतिः प्रतितिष्ठति य एतया स्तुते

eṣā vai pratiṣṭhitā catuścatvāriṃśasya viṣṭutiḥ pratitiṣṭhati ya etayā stute

3.10.1

चतुर्दशभ्यो हिंकरोति स तिसृभिः स दशभिः स एकया पञ्चदशभ्यो हिंकरोति स एकया स तिसृभिः स एकादशभिः पञ्चदशभ्यो हिंकरोति स एकादशभिः स एकया स तिसृभिर् निर्मध्या

caturdaśabhyo hiṃkaroti sa tisṛbhiḥ sa daśabhiḥ sa ekayā pañcadaśabhyo hiṃkaroti sa ekayā sa tisṛbhiḥ sa ekādaśabhiḥ pañcadaśabhyo hiṃkaroti sa ekādaśabhiḥ sa ekayā sa tisṛbhir nirmadhyā

3.10.2

अस्तीव वा अयं लोको ऽस्तीवासौ छिद्रम् इवेदम् अन्तरिक्षं यद् एषा निर्मध्या भवतीमान् एव लोकान् अनुप्रजायते प्र प्रजया प्र पशुभिर् जायते य एतया स्तुते

astīva vā ayaṃ loko 'stīvāsau chidram ivedam antarikṣaṃ yad eṣā nirmadhyā bhavatīmān eva lokān anuprajāyate pra prajayā pra paśubhir jāyate ya etayā stute

3.11.1

पञ्चदशभ्यो हिंकरोति स तिसृभिः स एकादशभिः स एकया पञ्चदशभ्यो हिंकरोति स एकया स तिसृभिः स एकादशभिः चतुर्दशभ्यो हिंकरोति स दशभिः स एकया स तिसृभिः

pañcadaśabhyo hiṃkaroti sa tisṛbhiḥ sa ekādaśabhiḥ sa ekayā pañcadaśabhyo hiṃkaroti sa ekayā sa tisṛbhiḥ sa ekādaśabhiḥ caturdaśabhyo hiṃkaroti sa daśabhiḥ sa ekayā sa tisṛbhiḥ

3.11.2

आज्यानां प्रथमा पृष्ठानां द्वितीयोक्थानां तृतीया

ājyānāṃ prathamā pṛṣṭhānāṃ dvitīyokthānāṃ tṛtīyā

3.11.3

याज्यानां सा होतुर् या पृष्ठानां सा मैत्रावरुणस्य योक्थानां सा ब्राह्मणाच्छंसिनो यैव होतुः साच्छावाकस्य या पृष्ठानां सा होतुर् योक्थानां सा मैत्रावरुणस्य याज्यानां सा ब्राह्मणाच्छंसिनो यैव होतुः साच्छावाकस्य योक्थानां सा होतुर् याज्यानां सा मैत्रावरुणस्य या पृष्ठानां सा ब्राह्मणाच्छंसिनो यैव होतुः साच्छावाकस्य सर्वा आज्येषु सर्वाः पृष्ठेषु सर्वा उक्थेषु

yājyānāṃ sā hotur yā pṛṣṭhānāṃ sā maitrāvaruṇasya yokthānāṃ sā brāhmaṇācchaṃsino yaiva hotuḥ sācchāvākasya yā pṛṣṭhānāṃ sā hotur yokthānāṃ sā maitrāvaruṇasya yājyānāṃ sā brāhmaṇācchaṃsino yaiva hotuḥ sācchāvākasya yokthānāṃ sā hotur yājyānāṃ sā maitrāvaruṇasya yā pṛṣṭhānāṃ sā brāhmaṇācchaṃsino yaiva hotuḥ sācchāvākasya sarvā ājyeṣu sarvāḥ pṛṣṭheṣu sarvā uktheṣu

3.11.4

पशवो वै समीषन्ती यद् एषा सर्वाणि सवनान्य् अनुसंचरत्य् अनुसवनम् एवैनं पशुभिः समर्धयति पशुमान् भवति य एतया स्तुते

paśavo vai samīṣantī yad eṣā sarvāṇi savanāny anusaṃcaraty anusavanam evainaṃ paśubhiḥ samardhayati paśumān bhavati ya etayā stute

3.12.1

षोडशभ्यो हिंकरोति स तिसृभिः स द्वादशभिः स एकया षोडशभ्यो हिंकरोति स एकया स तिसृभिः स द्वादशभिः षोडशभ्यो हिंकरोति स द्वादशभिः स एकया स तिसृभिः

ṣoḍaśabhyo hiṃkaroti sa tisṛbhiḥ sa dvādaśabhiḥ sa ekayā ṣoḍaśabhyo hiṃkaroti sa ekayā sa tisṛbhiḥ sa dvādaśabhiḥ ṣoḍaśabhyo hiṃkaroti sa dvādaśabhiḥ sa ekayā sa tisṛbhiḥ

3.12.2

अन्तो वा अष्टाचत्वारिंशः पशवश् छन्दोमा यत् षोडशभ्यः षोडशभ्यो हिंकरोति षोडशकलाः पशवः कलाशस् तत् पशून् आप्नोति

anto vā aṣṭācatvāriṃśaḥ paśavaś chandomā yat ṣoḍaśabhyaḥ ṣoḍaśabhyo hiṃkaroti ṣoḍaśakalāḥ paśavaḥ kalāśas tat paśūn āpnoti

3.12.3

द्वादशभिर् विहितैका परिचरा द्वादश मासाः संवत्सरो यजमानः परिचरा यद् द्वादशभिर् विदधात्य् एका परिचरा भवति यजमानम् एव तद् अन्ततस् संवत्सरे पशुषु प्रतिष्ठापयत्य् एषा वै प्रतिष्ठिताष्टाचत्वारिंशस्य विष्टुतिः प्रतितिष्ठति य एतया स्तुते

dvādaśabhir vihitaikā paricarā dvādaśa māsāḥ saṃvatsaro yajamānaḥ paricarā yad dvādaśabhir vidadhāty ekā paricarā bhavati yajamānam eva tad antatas saṃvatsare paśuṣu pratiṣṭhāpayaty eṣā vai pratiṣṭhitāṣṭācatvāriṃśasya viṣṭutiḥ pratitiṣṭhati ya etayā stute

3.13.1

षोडशभ्यो हिंकरोति स तिसृभिः स दशभिः स तिसृभिः षोडशभ्यो हिंकरोति स तिसृभिः स तिसृभिः स दशभिः षोडशभ्यो हिंकरोति स दशभिः स तिसृभिः स तिसृभिर् नेदीयःसंक्रमा

ṣoḍaśabhyo hiṃkaroti sa tisṛbhiḥ sa daśabhiḥ sa tisṛbhiḥ ṣoḍaśabhyo hiṃkaroti sa tisṛbhiḥ sa tisṛbhiḥ sa daśabhiḥ ṣoḍaśabhyo hiṃkaroti sa daśabhiḥ sa tisṛbhiḥ sa tisṛbhir nedīyaḥsaṃkramā

3.13.2

अन्तो वा अष्टाचत्वारिंशो यथा महावृक्षस्याग्रं सृप्त्वा नेदीयःसंक्रमात् संक्रामत्य् एवम् एतन् नेदीयःसंक्रमया नेदीयःसंक्रमात् संक्रामति

anto vā aṣṭācatvāriṃśo yathā mahāvṛkṣasyāgraṃ sṛptvā nedīyaḥsaṃkramāt saṃkrāmaty evam etan nedīyaḥsaṃkramayā nedīyaḥsaṃkramāt saṃkrāmati

3.13.3

दशभिर् विहिता तिस्रः परिचरा दशाक्षरा विराड् एतावान् पुरुषो यद् आत्मा प्रजा जाया यद् दशभिर् विदधाति तिस्रः परिचरा भवन्ति यजमानम् एव तद् विराज्य् अन्नाद्ये ऽन्ततः प्रतिष्ठापयत्यन्नादो भवति य एतया स्तुते

daśabhir vihitā tisraḥ paricarā daśākṣarā virāḍ etāvān puruṣo yad ātmā prajā jāyā yad daśabhir vidadhāti tisraḥ paricarā bhavanti yajamānam eva tad virājy annādye 'ntataḥ pratiṣṭhāpayatyannādo bhavati ya etayā stute

4.1.1

गावः वै एतत् सत्त्रम् आसत

gāvaḥ vai etat sattram āsata

4.1.2

तासाम् दशसु _ शृङ्गाणि अजायन्त

tāsām daśasu _ śṛṅgāṇi ajāyanta

4.1.3

ताः अब्रुवन् अरास्म उत्तिष्ठाम उपशाः नः अज्ञत इति

tāḥ abruvan arāsma uttiṣṭhāma upaśāḥ naḥ ajñata iti

4.1.4

ताः उदतिष्ठन्

tāḥ udatiṣṭhan

4.1.5

तासाम् तु एव ब्रुवन् आसामहै एव इमौ द्वादशौ मासौ सं संवत्सरम् आपयाम इति

tāsām tu eva bruvan āsāmahai eva imau dvādaśau māsau saṃ saṃvatsaram āpayāma iti

4.1.6

तासाम् द्वादशसु _ शृङ्गाणि प्रावर्तन्त

tāsām dvādaśasu _ śṛṅgāṇi prāvartanta

Pañcaviṃśabrāhmaṇa