6.5

अहं वः कथयिष्यामि निखिलेन तपोधनाः

ahaṃ vaḥ kathayiṣyāmi nikhilena tapodhanāḥ

6.5.2

संग्रहं कारिकां चैव निरुक्तं च यथाक्रमम्

saṃgrahaṃ kārikāṃ caiva niruktaṃ ca yathākramam

6.6

न शक्यमस्य नाट्यस्य गन्तुमन्तं कथञ्चन

na śakyamasya nāṭyasya gantumantaṃ kathañcana

6.6.2

कस्माद् बहुत्वाज्ज्ञानानां शिल्पानां वाप्यनन्ततः

kasmād bahutvājjñānānāṃ śilpānāṃ vāpyanantataḥ

6.7

एकस्यापि न वै शक्यस्त्वन्तो ज्ञानार्णवस्य हि

ekasyāpi na vai śakyastvanto jñānārṇavasya hi

6.7.2

गन्तुं किं पुनरन्येषां ज्ञानानाम् अर्थतत्त्वतः

gantuṃ kiṃ punaranyeṣāṃ jñānānām arthatattvataḥ

6.8

किंत्वल्पसूत्रग्रन्थार्थम् अनुमानप्रसाधकम्

kiṃtvalpasūtragranthārtham anumānaprasādhakam

6.8.2

नाट्यस्यास्य प्रवक्ष्यामि रसभावादिसङ्ग्रहम्

nāṭyasyāsya pravakṣyāmi rasabhāvādisaṅgraham

6.9

विस्तरेणोपदिष्टानामर्थानां सूत्रभाष्ययोः

vistareṇopadiṣṭānāmarthānāṃ sūtrabhāṣyayoḥ

6.9.2

निबन्धो यः समासेन सङ्ग्रहं तं विदुर्बुधाः

nibandho yaḥ samāsena saṅgrahaṃ taṃ vidurbudhāḥ

6.10

रसा भावा ह्यभिनयाः धर्मी वृत्तिप्रवृत्तयः

rasā bhāvā hyabhinayāḥ dharmī vṛttipravṛttayaḥ

6.10.2

सिद्धिः स्वरास्तथातोद्यं गानं रङ्गश्च सङ्ग्रहः

siddhiḥ svarāstathātodyaṃ gānaṃ raṅgaśca saṅgrahaḥ

6.11

अल्पाभिधानेनार्थो यः समासेनोच्यते बुधैः

alpābhidhānenārtho yaḥ samāsenocyate budhaiḥ

6.11.2

सूत्रतः सानुमन्तव्या कारिकार्थप्रदर्शिनी

sūtrataḥ sānumantavyā kārikārthapradarśinī

6.12

नानानामाश्रयोत्पन्नं निघण्टुनिगमान्वितम्

nānānāmāśrayotpannaṃ nighaṇṭunigamānvitam

6.12.2

धात्वर्थहेतुसंयुक्तं नानासिद्धान्तसाधितम्

dhātvarthahetusaṃyuktaṃ nānāsiddhāntasādhitam

6.13

स्थापितो ऽर्थो भवेद्यत्र समासेनार्थसूचकः

sthāpito 'rtho bhavedyatra samāsenārthasūcakaḥ

6.13.2

धात्वर्थवचनेनेह निरुक्तं तत्प्रचक्षते

dhātvarthavacaneneha niruktaṃ tatpracakṣate

6.14

सङ्ग्रहो यो मया प्रोक्तः समासेन द्विजोत्तमाः

saṅgraho yo mayā proktaḥ samāsena dvijottamāḥ

6.14.2

विस्तरं तस्य वक्ष्यामि सनिरुक्तं सकारिकम्

vistaraṃ tasya vakṣyāmi saniruktaṃ sakārikam

Nāṭyaśāstra