2.84.2

कार्यः शैलगुहाकारो द्विभूमिर्नाट्यमण्डपः

kāryaḥ śailaguhākāro dvibhūmirnāṭyamaṇḍapaḥ

2.85

मन्दवातायनोपेतो निर्वातो धीरशब्दवान्

mandavātāyanopeto nirvāto dhīraśabdavān

2.85.2

तस्मान्निवातः कर्तव्यः कर्तृभिर्नाट्यमण्डपः

tasmānnivātaḥ kartavyaḥ kartṛbhirnāṭyamaṇḍapaḥ

2.86

गम्भीरस्वरता येन कुतपस्य भविष्यति

gambhīrasvaratā yena kutapasya bhaviṣyati

2.86.2

भित्तिकर्मविधिं कृत्वा भित्तिलेपं प्रदापयेत्

bhittikarmavidhiṃ kṛtvā bhittilepaṃ pradāpayet

2.87

सुधाकर्म बहिस्तस्य विधातव्यं प्रयत्नतः

sudhākarma bahistasya vidhātavyaṃ prayatnataḥ

2.87.2

भित्तिष्वथ विलिप्तासु परिमृष्टासु सर्वतः

bhittiṣvatha viliptāsu parimṛṣṭāsu sarvataḥ

2.88

समासु जातशोभासु चित्रकर्म प्रयोजयेत्

samāsu jātaśobhāsu citrakarma prayojayet

2.88.2

चित्रकर्मणि चालेख्याः पुरुषाः स्त्रीजनास्तथा

citrakarmaṇi cālekhyāḥ puruṣāḥ strījanāstathā

2.89

लताबन्धाश्च कर्तव्याश्चरितं चात्मभोगजम्

latābandhāśca kartavyāścaritaṃ cātmabhogajam

2.89.2

एवं विकृष्टं कर्तव्यं नाट्यवेश्म प्रयोक्तृभिः

evaṃ vikṛṣṭaṃ kartavyaṃ nāṭyaveśma prayoktṛbhiḥ

2.90

पुनरेव हि वक्ष्यामि चतुरश्रस्य लक्षणम्

punareva hi vakṣyāmi caturaśrasya lakṣaṇam

2.90.2

समन्ततश्च कर्तव्या हस्ता द्वात्रिंशदेव तु

samantataśca kartavyā hastā dvātriṃśadeva tu

2.91

शुभभूमिविभागस्थो नाट्यज्ञैर्नाट्यमण्डपः

śubhabhūmivibhāgastho nāṭyajñairnāṭyamaṇḍapaḥ

2.91.2

यो विधिः पूर्वमुक्तस्तु लक्षणं मङ्गलानि च

yo vidhiḥ pūrvamuktastu lakṣaṇaṃ maṅgalāni ca

2.92

विकृष्टे तान्यशेषाणि चतुरश्रे ऽपि कारयेत्

vikṛṣṭe tānyaśeṣāṇi caturaśre 'pi kārayet

2.92.2

चतुरश्रं समं कृत्वा सूत्रेण प्रविभज्य च

caturaśraṃ samaṃ kṛtvā sūtreṇa pravibhajya ca

2.93

बाह्यतः सर्वतः कार्या भित्तिः श्लिष्टेष्टका दृढा

bāhyataḥ sarvataḥ kāryā bhittiḥ śliṣṭeṣṭakā dṛḍhā

2.93.2

तत्राभ्यन्तरतः कार्या रङ्गपीठोपरि स्थिताः

tatrābhyantarataḥ kāryā raṅgapīṭhopari sthitāḥ

2.94

दश प्रयोक्तृभिः स्तम्भाः शक्ता मण्डपधारणे

daśa prayoktṛbhiḥ stambhāḥ śaktā maṇḍapadhāraṇe

Nāṭyaśāstra