8.13

एवं विद्याद् उपादानं व्युत्सर्गाद् इति कर्मणः

evaṃ vidyād upādānaṃ vyutsargād iti karmaṇaḥ

8.13.2

कर्तुश्च कर्मकर्तृभ्यां शेषान् भावान् विभावयेत्

kartuśca karmakartṛbhyāṃ śeṣān bhāvān vibhāvayet

9.1

दर्शनश्रवणादीनि वेदनादीनि चाप्यथ

darśanaśravaṇādīni vedanādīni cāpyatha

9.1.2

भवन्ति यस्य प्राग् एभ्यः सो ऽस्तीत्येके वदन्त्युत

bhavanti yasya prāg ebhyaḥ so 'stītyeke vadantyuta

9.2

कथं ह्यविद्यमानस्य दर्शनादि भविष्यति

kathaṃ hyavidyamānasya darśanādi bhaviṣyati

9.2.2

भावस्य तस्मात् प्राग् एभ्यः सो ऽस्ति भावो व्यवस्थितः

bhāvasya tasmāt prāg ebhyaḥ so 'sti bhāvo vyavasthitaḥ

9.3

दर्शनश्रवणादिभ्यो वेदनादिभ्य एव च

darśanaśravaṇādibhyo vedanādibhya eva ca

9.3.2

यः प्राग् व्यवस्थितो भावः केन प्रज्ञप्यते ऽथ सः

yaḥ prāg vyavasthito bhāvaḥ kena prajñapyate 'tha saḥ

9.4

विनापि दर्शनादीनि यदि चासौ व्यवस्थितः

vināpi darśanādīni yadi cāsau vyavasthitaḥ

9.4.2

अमून्यपि भविष्यन्ति विना तेन न संशयः

amūnyapi bhaviṣyanti vinā tena na saṃśayaḥ

9.5

अज्यते केनचित् कश्चित् किंचित् केनचिद् अज्यते

ajyate kenacit kaścit kiṃcit kenacid ajyate

9.5.2

कुतः किंचिद् विना कश्चित् किंचित् किंचिद् विना कुतः

kutaḥ kiṃcid vinā kaścit kiṃcit kiṃcid vinā kutaḥ

9.6

सर्वेभ्यो दर्शनादिभ्यः कश्चित् पूर्वो न विद्यते

sarvebhyo darśanādibhyaḥ kaścit pūrvo na vidyate

9.6.2

अज्यते दर्शनादीनाम् अन्येन पुनर् अन्यदा

ajyate darśanādīnām anyena punar anyadā

9.7

सर्वेभ्यो दर्शनादिभ्यो यदि पूर्वो न विद्यते

sarvebhyo darśanādibhyo yadi pūrvo na vidyate

9.7.2

एकैकस्मात् कथं पूर्वो दर्शनादेः स विद्यते

ekaikasmāt kathaṃ pūrvo darśanādeḥ sa vidyate

9.8

द्रष्टा स एव स श्रोता स एव यदि वेदकः

draṣṭā sa eva sa śrotā sa eva yadi vedakaḥ

9.8.2

एकैकस्माद् भवेत् पूर्वम् एवं चैतन्न युज्यते

ekaikasmād bhavet pūrvam evaṃ caitanna yujyate

9.9

द्रष्टान्य एव श्रोतान्यो वेदको ऽन्यः पुनर् यदि

draṣṭānya eva śrotānyo vedako 'nyaḥ punar yadi

9.9.2

सति स्याद् द्रष्टरि श्रोता बहुत्वं चात्मनां भवेत्

sati syād draṣṭari śrotā bahutvaṃ cātmanāṃ bhavet

Mūlamadhyamakārikāḥ