Dharmalib

Mṛgendratantra

agamaśaiva

Notable Lemmas:

artha (24 Occurences)guṇa (14 Occurences)

1–20 of 459 verses

1.1

परमेशं नमस्कृत्य भरद्वाजम् ऋषिं ततः

parameśaṃ namaskṛtya bharadvājam ṛṣiṃ tataḥ

1.1.2

हराद् इन्द्रक्रमायातं ज्ञानं शृणुत सुव्रताः

harād indrakramāyātaṃ jñānaṃ śṛṇuta suvratāḥ

1.2

नारायणाश्रमे पुण्ये भरद्वाजादयो द्विजाः

nārāyaṇāśrame puṇye bharadvājādayo dvijāḥ

1.2.2

तेपुः शिवं प्रतिष्ठाप्य तदेकाहितमानसाः

tepuḥ śivaṃ pratiṣṭhāpya tadekāhitamānasāḥ

1.3

अथ तान् भावितान् मत्वा कदाचित् त्रिदशाधिपः

atha tān bhāvitān matvā kadācit tridaśādhipaḥ

1.3.2

तद् आश्रमपदं भेजे स्वयं तापसवेषभृत्

tad āśramapadaṃ bheje svayaṃ tāpasaveṣabhṛt

1.4

स तैः सम्पूजितः पृष्ट्वा तांश् च सर्वान् अनामयम्

sa taiḥ sampūjitaḥ pṛṣṭvā tāṃś ca sarvān anāmayam

1.4.2

प्रोवाच चोदनाधर्मः किम् अर्थं नानुवर्त्यते

provāca codanādharmaḥ kim arthaṃ nānuvartyate

1.5

त ऊचुर् नन्व् अयं धर्मश् चोदनाविहितो मुने

ta ūcur nanv ayaṃ dharmaś codanāvihito mune

1.5.2

देवताराधनोपायस् तपसाभीष्टसिद्धये

devatārādhanopāyas tapasābhīṣṭasiddhaye

1.6

वेदे ऽस्ति संहिता रौद्री वाच्या रुद्रश् च देवता

vede 'sti saṃhitā raudrī vācyā rudraś ca devatā

1.6.2

सांनिध्यकरणे ऽप्य् अस्मिन् विहितः काल्पिको विधिः

sāṃnidhyakaraṇe 'py asmin vihitaḥ kālpiko vidhiḥ

1.7

इत्य् उक्ते ऽपि परं भावं जिज्ञासुः प्रहसन् प्रभुः

ity ukte 'pi paraṃ bhāvaṃ jijñāsuḥ prahasan prabhuḥ

1.7.2

तान् आह मिथ्या ज्ञानं वः शब्दमात्रं हि देवता

tān āha mithyā jñānaṃ vaḥ śabdamātraṃ hi devatā

1.8

शब्देतरत्वे युगपद्भिन्नदेशेषु यष्टृषु

śabdetaratve yugapadbhinnadeśeṣu yaṣṭṛṣu

1.8.2

न सा प्रयाति सांनिध्यं मूर्तत्वाद् अस्मदादिवत्

na sā prayāti sāṃnidhyaṃ mūrtatvād asmadādivat

1.9

न च तत्साधकं किंचित् प्रमाणं भात्य् अबाधितम्

na ca tatsādhakaṃ kiṃcit pramāṇaṃ bhāty abādhitam

1.9.2

वाक्यं तद् अन्यथासिद्धं लोकवादाः क्व साधवः

vākyaṃ tad anyathāsiddhaṃ lokavādāḥ kva sādhavaḥ

1.10

इत्य् अनीशवचोवारिवेलानुन्नो ऽब्धिनेव सः

ity anīśavacovārivelānunno 'bdhineva saḥ

1.10.2

शक्रेण न चचालैषां धीशैलः सारगौरवात्

śakreṇa na cacālaiṣāṃ dhīśailaḥ sāragauravāt