3.3

तं प्रतीतं स्वधर्मेण ब्रह्मदायहरं पितुः

taṃ pratītaṃ svadharmeṇa brahmadāyaharaṃ pituḥ

3.3.2

स्रग्विणं तल्प आसीनम् अर्हयेत् प्रथमं गवा

sragviṇaṃ talpa āsīnam arhayet prathamaṃ gavā

3.4

गुरुणानुमतः स्नात्वा समावृत्तो यथाविधि

guruṇānumataḥ snātvā samāvṛtto yathāvidhi

3.4.2

उद्वहेत द्विजो भार्यां सवर्णां लक्षणान्विताम्

udvaheta dvijo bhāryāṃ savarṇāṃ lakṣaṇānvitām

3.5

असपिण्डा च या मातुर् असगोत्रा च या पितुः

asapiṇḍā ca yā mātur asagotrā ca yā pituḥ

3.5.2

सा प्रशस्ता द्विजातीनां दारकर्मणि मैथुने

sā praśastā dvijātīnāṃ dārakarmaṇi maithune

3.6

महान्त्य् अपि समृद्धानि गोऽजाविधनधान्यतः

mahānty api samṛddhāni go'jāvidhanadhānyataḥ

3.6.2

स्त्रीसंबन्धे दशैतानि कुलानि परिवर्जयेत्

strīsaṃbandhe daśaitāni kulāni parivarjayet

3.7

हीनक्रियं निष्पुरुषं निश्छन्दो रोमशार्शसम्

hīnakriyaṃ niṣpuruṣaṃ niśchando romaśārśasam

3.7.2

क्षयामयाव्यपस्मारिश्वित्रिकुष्ठिकुलानि च

kṣayāmayāvyapasmāriśvitrikuṣṭhikulāni ca

3.8

नोद्वहेत् कपिलां कन्यां नाधिकाङ्गीं न रोगिणीम्

nodvahet kapilāṃ kanyāṃ nādhikāṅgīṃ na rogiṇīm

3.8.2

नालोमिकां नातिलोमां न वाचाटां न पिङ्गलाम्

nālomikāṃ nātilomāṃ na vācāṭāṃ na piṅgalām

3.9

न ऋक्षवृक्षनदीनाम्नीं नान्त्यपर्वतनामिकाम्

na ṛkṣavṛkṣanadīnāmnīṃ nāntyaparvatanāmikām

3.9.2

न पक्ष्यहिप्रेष्यनाम्नीं न च भीषणनामिकाम्

na pakṣyahipreṣyanāmnīṃ na ca bhīṣaṇanāmikām

3.10

अव्यङ्गाङ्गीं सौम्यनाम्नीं हंसवारणगामिनीम्

avyaṅgāṅgīṃ saumyanāmnīṃ haṃsavāraṇagāminīm

3.10.2

तनुलोमकेशदशनां मृद्वङ्गीम् उद्वहेत् स्त्रियम्

tanulomakeśadaśanāṃ mṛdvaṅgīm udvahet striyam

3.11

यस्यास् तु न भवेद् भ्राता न विज्ञायेत वा पिता

yasyās tu na bhaved bhrātā na vijñāyeta vā pitā

3.11.2

नोपयच्छेत तां प्राज्ञः पुत्रिकाधर्मशङ्कया

nopayaccheta tāṃ prājñaḥ putrikādharmaśaṅkayā

3.12

सवर्णाग्रे द्विजातीनां प्रशस्ता दारकर्मणि

savarṇāgre dvijātīnāṃ praśastā dārakarmaṇi

3.12.2

कामतस् तु प्रवृत्तानाम् इमाः स्युः क्रमशो ऽवराः

kāmatas tu pravṛttānām imāḥ syuḥ kramaśo 'varāḥ

Manusmṛti