1.4.14

शुक्रियस्य प्रवर्ग्यकल्पे नियमो व्याख्यातस् त्रयोविंशं तु संमील्य

śukriyasya pravargyakalpe niyamo vyākhyātas trayoviṃśaṃ tu saṃmīlya

1.4.15

गवां तु न सकाशे गोनामानि गर्भिणीनाम् असकाशे ऽष्टापदीं रेतो मूत्रमिति च

gavāṃ tu na sakāśe gonāmāni garbhiṇīnām asakāśe 'ṣṭāpadīṃ reto mūtramiti ca

1.4.16

शुनासीर्यस्य च सौर्ये चक्षुष्कामस्य चक्षुर् नो धेहि चक्षुष इति सूर्यो ऽपो ऽवगाहत इति चादित्यसौर्ययाम्यानि षडृचानि दिवाधीयीत

śunāsīryasya ca saurye cakṣuṣkāmasya cakṣur no dhehi cakṣuṣa iti sūryo 'po 'vagāhata iti cādityasauryayāmyāni ṣaḍṛcāni divādhīyīta

1.4.17

उपाकृत्योत्सृज्य च त्र्यहं पञ्चरात्रम् एके

upākṛtyotsṛjya ca tryahaṃ pañcarātram eke

1.4.18

वेदारम्भणे समाप्तौ चाकालम्

vedārambhaṇe samāptau cākālam

1.5.1

अथातो ऽन्तरकल्पं व्याख्यास्यामः

athāto 'ntarakalpaṃ vyākhyāsyāmaḥ

1.5.2

दर्भमयं वासः परिधायाचम्यापां नप्त्र इति तीरे जपित्वापो ऽवगाह्य ॐ भूर्भुवः स्वस् तत् सवितुरिति

darbhamayaṃ vāsaḥ paridhāyācamyāpāṃ naptra iti tīre japitvāpo 'vagāhya oṃ bhūrbhuvaḥ svas tat savituriti

1.5.3

दर्भपाणिस् त्रिः सावित्रीम् अधीते त्रींश्चादितो ऽनुवाकान्

darbhapāṇis triḥ sāvitrīm adhīte trīṃścādito 'nuvākān

1.5.4

आपो देवीर् हविष्मतीर् इमा निग्राभ्याः स्थ महि त्रीणाम् अवो ऽस्तु अग्नेर् आयुर् असि देवीर् आपो अपां नपाद् देवीर् आपो मधुमतीर् अग्नये स्वाहा रात्रीं रात्रीम् इत्य् अष्टौ

āpo devīr haviṣmatīr imā nigrābhyāḥ stha mahi trīṇām avo 'stu agner āyur asi devīr āpo apāṃ napād devīr āpo madhumatīr agnaye svāhā rātrīṃ rātrīm ity aṣṭau

1.5.5

या ओषधयः समन्या यन्ति पुनन्तु मा पितरो ऽग्नेर् मन्वे स शेवृधम् अधिधाः कया नश् चित्र आभुवद् ऊतीति तिस्रः

yā oṣadhayaḥ samanyā yanti punantu mā pitaro 'gner manve sa śevṛdham adhidhāḥ kayā naś citra ābhuvad ūtīti tisraḥ

1.5.6

तच्छंयोर् आवृणीमह इति मार्जयित्वा वासांस्य् उत्सृज्याचार्यान् पितृधर्मेण तर्पयन्ति

tacchaṃyor āvṛṇīmaha iti mārjayitvā vāsāṃsy utsṛjyācāryān pitṛdharmeṇa tarpayanti

1.5.7

श्राद्धकल्पेन शेषो व्याख्यातः

śrāddhakalpena śeṣo vyākhyātaḥ

1.6.1

अथातो ऽग्निं प्रवर्तयन्ति

athāto 'gniṃ pravartayanti

1.6.2

उत्तरतो ग्रामस्य पुरस्ताद् वा शुचौ देशे वेद्याकृतिं कृत्वाहवनीयस्थाने सप्त छन्दांसि प्रतिष्ठाप्य विष्टरान् दर्भमुष्टीन् वा दक्षिणाग्निस्थाने प्रौगाकृतिं कौसितं खात्वा पश्चाद् उत्करम् अपां पूरयित्वा गार्हपत्यस्थाने ऽग्निं प्रणीय युञ्जानः प्रथमं मन इत्य् अष्टौ हुत्वाकूतम् अग्निं प्रयुजं स्वाहेति षड् जुहोति विश्वो देवस्य नेतुर् इति सप्तमीम्

uttarato grāmasya purastād vā śucau deśe vedyākṛtiṃ kṛtvāhavanīyasthāne sapta chandāṃsi pratiṣṭhāpya viṣṭarān darbhamuṣṭīn vā dakṣiṇāgnisthāne praugākṛtiṃ kausitaṃ khātvā paścād utkaram apāṃ pūrayitvā gārhapatyasthāne 'gniṃ praṇīya yuñjānaḥ prathamaṃ mana ity aṣṭau hutvākūtam agniṃ prayujaṃ svāheti ṣaḍ juhoti viśvo devasya netur iti saptamīm

1.6.3

यज्ञियानां समिधां त्रींस्त्रीन् समित्पूलान् उपकल्प्य प्राक् स्विष्टकृतस् तिष्ठन्तो व्याहृतिपूर्वकं खण्डिलस्यादितस् त्रिभिर् अनुवाकैर् एकैकेन स्वाहाकारान्ताभिर् आदधति

yajñiyānāṃ samidhāṃ trīṃstrīn samitpūlān upakalpya prāk sviṣṭakṛtas tiṣṭhanto vyāhṛtipūrvakaṃ khaṇḍilasyāditas tribhir anuvākair ekaikena svāhākārāntābhir ādadhati

1.6.4

आपोहिष्टीयाभिः कौसितान् मार्जयित्वा धानाभिर् ब्राह्मणान् स्वस्ति वाचयन्ति धानाभिर् ब्राह्मणान् स्वस्ति वाचयन्ति

āpohiṣṭīyābhiḥ kausitān mārjayitvā dhānābhir brāhmaṇān svasti vācayanti dhānābhir brāhmaṇān svasti vācayanti

1.7.1

अथोपनिषदर्हाः

athopaniṣadarhāḥ

1.7.1.2

ब्रह्मचारी सुचरिती मेधावी कर्मकृद् धनदः प्रियो विद्यां वा विद्ययान्वेष्यन्

brahmacārī sucaritī medhāvī karmakṛd dhanadaḥ priyo vidyāṃ vā vidyayānveṣyan

1.7.2

तानि तीर्थानि ब्रह्मणः

tāni tīrthāni brahmaṇaḥ

1.7.3

भार्यां विन्दते

bhāryāṃ vindate

Mānavagṛhyasūtra