Dharmalib

10801–10820 of 56499 verses

12.77.8

आह्वायका देवलका नक्षत्रग्रामयाजकाः

āhvāyakā devalakā nakṣatragrāmayājakāḥ

12.77.8.2

एते ब्राह्मणचण्डाला महापथिकपञ्चमाः

ete brāhmaṇacaṇḍālā mahāpathikapañcamāḥ

12.77.9

एतेभ्यो बलिम् आदद्याद्धीनकोशो महीपतिः

etebhyo balim ādadyāddhīnakośo mahīpatiḥ

12.77.9.2

ऋते ब्रह्मसमेभ्यश्च देवकल्पेभ्य एव च

ṛte brahmasamebhyaśca devakalpebhya eva ca

12.77.10

अब्राह्मणानां वित्तस्य स्वामी राजेति वैदिकम्

abrāhmaṇānāṃ vittasya svāmī rājeti vaidikam

12.77.10.2

ब्राह्मणानां च ये केचिद् विकर्मस्था भवन्त्युत

brāhmaṇānāṃ ca ye kecid vikarmasthā bhavantyuta

12.77.11

विकर्मस्थास्तु नोपेक्ष्या जातु राज्ञा कथंचन

vikarmasthāstu nopekṣyā jātu rājñā kathaṃcana

12.77.11.2

नियम्याः संविभज्याश्च धर्मानुग्रहकाम्यया

niyamyāḥ saṃvibhajyāśca dharmānugrahakāmyayā

12.77.12

यस्य स्म विषये राज्ञः स्तेनो भवति वै द्विजः

yasya sma viṣaye rājñaḥ steno bhavati vai dvijaḥ

12.77.12.2

राज्ञ एवापराधं तं मन्यन्ते तद्विदो जनाः

rājña evāparādhaṃ taṃ manyante tadvido janāḥ

12.77.13

अवृत्त्या यो भवेत् स्तेनो वेदवित् स्नातकस्तथा

avṛttyā yo bhavet steno vedavit snātakastathā

12.77.13.2

राजन् स राज्ञा भर्तव्य इति धर्मविदो विदुः

rājan sa rājñā bhartavya iti dharmavido viduḥ

12.77.14

स चेन्नो परिवर्तेत कृतवृत्तिः परंतप

sa cenno parivarteta kṛtavṛttiḥ paraṃtapa

12.77.14.2

ततो निर्वासनीयः स्यात् तस्माद् देशात् सबान्धवः

tato nirvāsanīyaḥ syāt tasmād deśāt sabāndhavaḥ

12.78.1

युधिष्ठिर उवाच

yudhiṣṭhira uvāca

12.78.1.2

केषां राजा प्रभवति वित्तस्य भरतर्षभ

keṣāṃ rājā prabhavati vittasya bharatarṣabha

12.78.1.3

कया च वृत्त्या वर्तेत तन्मे ब्रूहि पितामह

kayā ca vṛttyā varteta tanme brūhi pitāmaha

12.78.2

भीष्म उवाच

bhīṣma uvāca

12.78.2.2

अब्राह्मणानां वित्तस्य स्वामी राजेति वैदिकम्

abrāhmaṇānāṃ vittasya svāmī rājeti vaidikam

12.78.2.3

ब्राह्मणानां च ये केचिद् विकर्मस्था भवन्त्युत

brāhmaṇānāṃ ca ye kecid vikarmasthā bhavantyuta