Dharmalib

6821–6840 of 56499 verses

12.29.37.2

तावतीः प्रददौ गाः स शिबिर् औशीनरो ऽध्वरे

tāvatīḥ pradadau gāḥ sa śibir auśīnaro 'dhvare

12.29.38

नोद्यन्तारं धुरं तस्य कंचिन्मेने प्रजापतिः

nodyantāraṃ dhuraṃ tasya kaṃcinmene prajāpatiḥ

12.29.38.2

न भूतं न भविष्यन्तं सर्वराजसु भारत

na bhūtaṃ na bhaviṣyantaṃ sarvarājasu bhārata

12.29.38.3

अन्यत्रौशीनराच्छैब्याद् राजर्षेर् इन्द्रविक्रमात्

anyatrauśīnarācchaibyād rājarṣer indravikramāt

12.29.39

स चेन्ममार सृञ्जय चतुर्भद्रतरस्त्वया

sa cenmamāra sṛñjaya caturbhadratarastvayā

12.29.39.2

पुत्रात् पुण्यतरश्चैव मा पुत्रम् अनुतप्यथाः

putrāt puṇyataraścaiva mā putram anutapyathāḥ

12.29.39.3

अदक्षिणम् अयज्वानं तं वै संशाम्य मा शुचः

adakṣiṇam ayajvānaṃ taṃ vai saṃśāmya mā śucaḥ

12.29.40

भरतं चैव दौःषन्तिं मृतं सृञ्जय शुश्रुम

bharataṃ caiva dauḥṣantiṃ mṛtaṃ sṛñjaya śuśruma

12.29.40.2

शाकुन्तलिं महेष्वासं भूरिद्रविणतेजसम्

śākuntaliṃ maheṣvāsaṃ bhūridraviṇatejasam

12.29.41

यो बद्ध्वा त्रिंशतो ह्यश्वान् देवेभ्यो यमुनाम् अनु

yo baddhvā triṃśato hyaśvān devebhyo yamunām anu

12.29.41.2

सरस्वतीं विंशतिं च गङ्गाम् अनु चतुर्दश

sarasvatīṃ viṃśatiṃ ca gaṅgām anu caturdaśa

12.29.42

अश्वमेधसहस्रेण राजसूयशतेन च

aśvamedhasahasreṇa rājasūyaśatena ca

12.29.42.2

इष्टवान् स महातेजा दौःषन्तिर् भरतः पुरा

iṣṭavān sa mahātejā dauḥṣantir bharataḥ purā

12.29.43

भरतस्य महत् कर्म सर्वराजसु पार्थिवाः

bharatasya mahat karma sarvarājasu pārthivāḥ

12.29.43.2

खं मर्त्या इव बाहुभ्यां नानुगन्तुम् अशक्नुवन्

khaṃ martyā iva bāhubhyāṃ nānugantum aśaknuvan

12.29.44

परं सहस्राद् यो बद्ध्वा हयान् वेदीं विचित्य च

paraṃ sahasrād yo baddhvā hayān vedīṃ vicitya ca

12.29.44.2

सहस्रं यत्र पद्मानां कण्वाय भरतो ददौ

sahasraṃ yatra padmānāṃ kaṇvāya bharato dadau

12.29.45

स चेन्ममार सृञ्जय चतुर्भद्रतरस्त्वया

sa cenmamāra sṛñjaya caturbhadratarastvayā

12.29.45.2

पुत्रात् पुण्यतरश्चैव मा पुत्रम् अनुतप्यथाः

putrāt puṇyataraścaiva mā putram anutapyathāḥ

12.29.46

रामं दाशरथिं चैव मृतं शुश्रुम सृञ्जय

rāmaṃ dāśarathiṃ caiva mṛtaṃ śuśruma sṛñjaya