Dharmalib

34081–34100 of 56499 verses

13.12.40.2

पुरुषोत्पादिता ये ते कथं द्वेष्याः सुतास्तव

puruṣotpāditā ye te kathaṃ dveṣyāḥ sutāstava

13.12.41

स्त्रीभूतस्य हि ये जाताः स्नेहस्तेभ्यो ऽधिकः कथम्

strībhūtasya hi ye jātāḥ snehastebhyo 'dhikaḥ katham

13.12.41.2

कारणं श्रोतुम् इच्छामि तन्मे वक्तुम् इहार्हसि

kāraṇaṃ śrotum icchāmi tanme vaktum ihārhasi

13.12.42

स्त्र्युवाच

stryuvāca

13.12.42.2

स्त्रियास्त्वभ्यधिकः स्नेहो न तथा पुरुषस्य वै

striyāstvabhyadhikaḥ sneho na tathā puruṣasya vai

13.12.42.3

तस्मात् ते शक्र जीवन्तु ये जाताः स्त्रीकृतस्य वै

tasmāt te śakra jīvantu ye jātāḥ strīkṛtasya vai

13.12.43

भीष्म उवाच

bhīṣma uvāca

13.12.43.2

एवम् उक्ते ततस्त्विन्द्रः प्रीतो वाक्यम् उवाच ह

evam ukte tatastvindraḥ prīto vākyam uvāca ha

13.12.43.3

सर्व एवेह जीवन्तु पुत्रास्ते सत्यवादिनि

sarva eveha jīvantu putrāste satyavādini

13.12.44

वरं च वृणु राजेन्द्र यं त्वम् इच्छसि सुव्रत

varaṃ ca vṛṇu rājendra yaṃ tvam icchasi suvrata

13.12.44.2

पुरुषत्वम् अथ स्त्रीत्वं मत्तो यद् अभिकाङ्क्षसि

puruṣatvam atha strītvaṃ matto yad abhikāṅkṣasi

13.12.45

स्त्र्युवाच

stryuvāca

13.12.45.2

स्त्रीत्वम् एव वृणे शक्र प्रसन्ने त्वयि वासव

strītvam eva vṛṇe śakra prasanne tvayi vāsava

13.12.46

एवम् उक्तस्तु देवेन्द्रस्तां स्त्रियं प्रत्युवाच ह

evam uktastu devendrastāṃ striyaṃ pratyuvāca ha

13.12.46.2

पुरुषत्वं कथं त्यक्त्वा स्त्रीत्वं रोचयसे विभो

puruṣatvaṃ kathaṃ tyaktvā strītvaṃ rocayase vibho

13.12.47

एवम् उक्तः प्रत्युवाच स्त्रीभूतो राजसत्तमः

evam uktaḥ pratyuvāca strībhūto rājasattamaḥ

13.12.47.2

स्त्रियाः पुरुषसंयोगे प्रीतिर् अभ्यधिका सदा

striyāḥ puruṣasaṃyoge prītir abhyadhikā sadā

13.12.47.3

एतस्मात् कारणाच्छक्र स्त्रीत्वम् एव वृणोम्यहम्

etasmāt kāraṇācchakra strītvam eva vṛṇomyaham

13.12.48

रमे चैवाधिकं स्त्रीत्वे सत्यं वै देवसत्तम

rame caivādhikaṃ strītve satyaṃ vai devasattama

13.12.48.2

स्त्रीभावेन हि तुष्टो ऽस्मि गम्यतां त्रिदशाधिप

strībhāvena hi tuṣṭo 'smi gamyatāṃ tridaśādhipa