Dharmalib

5381–5400 of 56499 verses

5.49.38

यः स काशिपती राजा वाराणस्यां महारथः

yaḥ sa kāśipatī rājā vārāṇasyāṃ mahārathaḥ

5.49.38.2

स तेषाम् अभवद् योद्धा तेन वस्ते ऽभ्ययुञ्जत

sa teṣām abhavad yoddhā tena vaste 'bhyayuñjata

5.49.39

शिशुभिर् दुर्जयैः संख्ये द्रौपदेयैर् महात्मभिः

śiśubhir durjayaiḥ saṃkhye draupadeyair mahātmabhiḥ

5.49.39.2

आशीविषसमस्पर्शैः पाण्डवा अभ्ययुञ्जत

āśīviṣasamasparśaiḥ pāṇḍavā abhyayuñjata

5.49.40

यः कृष्णसदृशो वीर्ये युधिष्ठिरसमो दमे

yaḥ kṛṣṇasadṛśo vīrye yudhiṣṭhirasamo dame

5.49.40.2

तेनाभिमन्युना संख्ये पाण्डवा अभ्ययुञ्जत

tenābhimanyunā saṃkhye pāṇḍavā abhyayuñjata

5.49.41

यश्चैवाप्रतिमो वीर्ये धृष्टकेतुर् महायशाः

yaścaivāpratimo vīrye dhṛṣṭaketur mahāyaśāḥ

5.49.41.2

दुःसहः समरे क्रुद्धः शैशुपालिर् महारथः

duḥsahaḥ samare kruddhaḥ śaiśupālir mahārathaḥ

5.49.41.3

तेन वश्चेदिराजेन पाण्डवा अभ्ययुञ्जत

tena vaścedirājena pāṇḍavā abhyayuñjata

5.49.42

यः संश्रयः पाण्डवानां देवानाम् इव वासवः

yaḥ saṃśrayaḥ pāṇḍavānāṃ devānām iva vāsavaḥ

5.49.42.2

तेन वो वासुदेवेन पाण्डवा अभ्ययुञ्जत

tena vo vāsudevena pāṇḍavā abhyayuñjata

5.49.43

तथा चेदिपतेर् भ्राता शरभो भरतर्षभ

tathā cedipater bhrātā śarabho bharatarṣabha

5.49.43.2

करकर्षेण सहितस्ताभ्यां वस्ते ऽभ्ययुञ्जत

karakarṣeṇa sahitastābhyāṃ vaste 'bhyayuñjata

5.49.44

जारासंधिः सहदेवो जयत्सेनश्च तावुभौ

jārāsaṃdhiḥ sahadevo jayatsenaśca tāvubhau

5.49.44.2

द्रुपदश्च महातेजा बलेन महता वृतः

drupadaśca mahātejā balena mahatā vṛtaḥ

5.49.44.3

त्यक्तात्मा पाण्डवार्थाय योत्स्यमानो व्यवस्थितः

tyaktātmā pāṇḍavārthāya yotsyamāno vyavasthitaḥ

5.49.45

एते चान्ये च बहवः प्राच्योदीच्या महीक्षितः

ete cānye ca bahavaḥ prācyodīcyā mahīkṣitaḥ

5.49.45.2

शतशो यान् अपाश्रित्य धर्मराजो व्यवस्थितः

śataśo yān apāśritya dharmarājo vyavasthitaḥ

5.50.1

धृतराष्ट्र उवाच

dhṛtarāṣṭra uvāca

5.50.1.2

सर्व एते महोत्साहा ये त्वया परिकीर्तिताः

sarva ete mahotsāhā ye tvayā parikīrtitāḥ