Dharmalib

81–100 of 56499 verses

1.1.15.3

श्रुतं मे भारताख्यानं धर्मकामार्थमोक्षदम्

śrutaṃ me bhāratākhyānaṃ dharmakāmārthamokṣadam

1.1.15.4

जनमेजयेन पृष्टः सन् वैशम्पायन उक्तवान्

janamejayena pṛṣṭaḥ san vaiśampāyana uktavān

1.1.15.5

ऋषीणाम् अग्रतस् तत्र धर्मिष्ठानां महात्मनाम्

ṛṣīṇām agratas tatra dharmiṣṭhānāṃ mahātmanām

1.1.15.6

व्यासदेवाज्ञया तत्र यद् वैशम्पायनस् तदा

vyāsadevājñayā tatra yad vaiśampāyanas tadā

1.1.15.7

श्रुतं वै भारताख्यानं वेदार्थैश्चोपबृंहितम्

śrutaṃ vai bhāratākhyānaṃ vedārthaiścopabṛṃhitam

1.1.15.8

तत्र मे विदितं सर्वं भारताख्यानम् आदितः

tatra me viditaṃ sarvaṃ bhāratākhyānam āditaḥ

1.1.16

ऋषय ऊचुः

ṛṣaya ūcuḥ

1.1.16.2

द्वैपायनेन यत् प्रोक्तं पुराणं परमर्षिणा

dvaipāyanena yat proktaṃ purāṇaṃ paramarṣiṇā

1.1.16.3

सुरैर् ब्रह्मर्षिभिश्चैव श्रुत्वा यद् अभिपूजितम्

surair brahmarṣibhiścaiva śrutvā yad abhipūjitam

1.1.17

तस्याख्यानवरिष्ठस्य विचित्रपदपर्वणः

tasyākhyānavariṣṭhasya vicitrapadaparvaṇaḥ

1.1.17.2

सूक्ष्मार्थन्याययुक्तस्य वेदार्थैर् भूषितस्य च

sūkṣmārthanyāyayuktasya vedārthair bhūṣitasya ca

1.1.18

भारतस्येतिहासस्य पुण्यां ग्रन्थार्थसंयुताम्

bhāratasyetihāsasya puṇyāṃ granthārthasaṃyutām

1.1.18.2

संस्कारोपगतां ब्राह्मीं नानाशास्त्रोपबृंहिताम्

saṃskāropagatāṃ brāhmīṃ nānāśāstropabṛṃhitām

1.1.19

जनमेजयस्य यां राज्ञो वैशम्पायन उक्तवान्

janamejayasya yāṃ rājño vaiśampāyana uktavān

1.1.19.2

यथावत् स ऋषिस् तुष्ट्या सत्त्रे द्वैपायनाज्ञया

yathāvat sa ṛṣis tuṣṭyā sattre dvaipāyanājñayā

1.1.20

वेदैश् चतुर्भिः समितां व्यासस्याद्भुतकर्मणः

vedaiś caturbhiḥ samitāṃ vyāsasyādbhutakarmaṇaḥ

1.1.20.2

संहितां श्रोतुम् इच्छामो धर्म्यां पापभयापहाम्

saṃhitāṃ śrotum icchāmo dharmyāṃ pāpabhayāpahām

1.1.21

सूत उवाच

sūta uvāca

1.1.21.2

आद्यं पुरुषम् ईशानं पुरुहूतं पुरुष्टुतम्

ādyaṃ puruṣam īśānaṃ puruhūtaṃ puruṣṭutam

1.1.21.3

ऋतम् एकाक्षरं ब्रह्म व्यक्ताव्यक्तं सनातनम्

ṛtam ekākṣaraṃ brahma vyaktāvyaktaṃ sanātanam