Madanapālanighaṇṭu

āyurveda

Notable Lemmas:

kapha (113 Occurences)uṣṇa (90 Occurences)pitta (76 Occurences)vāta (74 Occurences)laghu (67 Occurences)tikta (65 Occurences)jit (59 Occurences)kuṣṭha (58 Occurences)

81–100 of 977 verses

Abhayādivarga.40.2

संग्राहिणी कषायोष्णा वृष्या तिक्ताग्निदीपनी

saṃgrāhiṇī kaṣāyoṣṇā vṛṣyā tiktāgnidīpanī

Abhayādivarga.41

कामलाकुष्ठवातासृग्ज्वरपित्तकृमीन् जयेत्

kāmalākuṣṭhavātāsṛgjvarapittakṛmīn jayet

Abhayādivarga.41.2

घृतेन वातं सगुडा विबन्धम् पित्तं सिताढ्या मधुना कफं च

ghṛtena vātaṃ saguḍā vibandham pittaṃ sitāḍhyā madhunā kaphaṃ ca

Abhayādivarga.41.3

वातास्रम् उग्रं रुबुतैलमिश्रा शुंठ्यामवातं शमयेद् गुडूची

vātāsram ugraṃ rubutailamiśrā śuṃṭhyāmavātaṃ śamayed guḍūcī

Abhayādivarga.42

बिल्वः शलाटुः शैलूषो मालूरश्च सदाफलः

bilvaḥ śalāṭuḥ śailūṣo mālūraśca sadāphalaḥ

Abhayādivarga.42.2

लक्ष्मीफलो गन्धगर्भः शांडिल्यः कण्टकी मतः

lakṣmīphalo gandhagarbhaḥ śāṃḍilyaḥ kaṇṭakī mataḥ

Abhayādivarga.43

बिल्वं ग्राहि कषायोष्णं कटु दीपनपाचनम्

bilvaṃ grāhi kaṣāyoṣṇaṃ kaṭu dīpanapācanam

Abhayādivarga.43.2

हृद्यम् बालं लघु स्निग्धं तिक्तं वातकफापहम्

hṛdyam bālaṃ laghu snigdhaṃ tiktaṃ vātakaphāpaham

Abhayādivarga.44

वृद्धं गुरु त्रिदोषं स्याद्दुर्जरम् पूतिमारुतम्

vṛddhaṃ guru tridoṣaṃ syāddurjaram pūtimārutam

Abhayādivarga.44.2

विदाहि विष्टम्भकरं मधुरं वह्निमान्द्यकृत्

vidāhi viṣṭambhakaraṃ madhuraṃ vahnimāndyakṛt

Abhayādivarga.45

ग्रहणीकफवातामशूलघ्नी बिल्वपेशिका

grahaṇīkaphavātāmaśūlaghnī bilvapeśikā

Abhayādivarga.45.2

अग्निमन्थो जयः केतुररणिर्वैजयन्तिका

agnimantho jayaḥ keturaraṇirvaijayantikā

Abhayādivarga.45.3

अग्निमन्थः श्वयथुहृद् वीर्योष्णः कफवातनुत्

agnimanthaḥ śvayathuhṛd vīryoṣṇaḥ kaphavātanut

Abhayādivarga.46

पाटला कामदूती स्यात्कुम्भीका कालवृन्तिका

pāṭalā kāmadūtī syātkumbhīkā kālavṛntikā

Abhayādivarga.46.2

स्थाल्यमोघा मधोदूर्ती ताम्रपुष्पाम्बुवासिनी

sthālyamoghā madhodūrtī tāmrapuṣpāmbuvāsinī

Abhayādivarga.46.3

अन्या फलेरुहा श्वेता कुम्भीका काष्ठपाटला

anyā phaleruhā śvetā kumbhīkā kāṣṭhapāṭalā

Abhayādivarga.47

पाटलारुचिशोफार्शःश्वासतृट्छर्दिनाशिनी

pāṭalāruciśophārśaḥśvāsatṛṭchardināśinī

Abhayādivarga.47.2

अनुष्णं तुवरं स्वादु तत्पुष्पं कफरक्तनुत्

anuṣṇaṃ tuvaraṃ svādu tatpuṣpaṃ kapharaktanut

Abhayādivarga.47.3

पित्तातिसारदाहघ्नं फलं हिक्कास्रपित्तजित्

pittātisāradāhaghnaṃ phalaṃ hikkāsrapittajit

Abhayādivarga.48

काश्मीरी सर्वतोभद्रा श्रीपर्णी कृष्णवृन्तिका

kāśmīrī sarvatobhadrā śrīparṇī kṛṣṇavṛntikā