Madanapālanighaṇṭu

āyurveda

Notable Lemmas:

kapha (113 Occurences)uṣṇa (90 Occurences)pitta (76 Occurences)vāta (74 Occurences)laghu (67 Occurences)tikta (65 Occurences)jit (59 Occurences)kuṣṭha (58 Occurences)

61–80 of 977 verses

Abhayādivarga.30.2

वासन्तो ऽक्षो विन्ध्यजातः संवर्तस्तिलपुष्पकः

vāsanto 'kṣo vindhyajātaḥ saṃvartastilapuṣpakaḥ

Abhayādivarga.31

विभीतकः स्वादुपाकः कषायः कफपित्तनुत्

vibhītakaḥ svādupākaḥ kaṣāyaḥ kaphapittanut

Abhayādivarga.31.2

उष्णवीर्यो हिमस्पर्शो भेदनः कासनाशनः

uṣṇavīryo himasparśo bhedanaḥ kāsanāśanaḥ

Abhayādivarga.32

रूक्षो नेत्रहितः केश्यो मज्जातो मदकारकः

rūkṣo netrahitaḥ keśyo majjāto madakārakaḥ

Abhayādivarga.32.2

त्रिफलैतत्त्रयेण स्याद्वरा श्रेष्ठा फलोत्तमा

triphalaitattrayeṇa syādvarā śreṣṭhā phalottamā

Abhayādivarga.33

त्रिफला कुष्ठमेहास्रकफपित्तविनाशिनी

triphalā kuṣṭhamehāsrakaphapittavināśinī

Abhayādivarga.33.2

चक्षुष्या रोपणी हृद्या वयसः स्थापनी सरा

cakṣuṣyā ropaṇī hṛdyā vayasaḥ sthāpanī sarā

Abhayādivarga.34

भूधात्री बहुपत्रा स्याज्जटातामलकी शिवा

bhūdhātrī bahupatrā syājjaṭātāmalakī śivā

Abhayādivarga.34.2

भूधात्री वातकृत्तिक्ता कषाया मधुरा हिमा

bhūdhātrī vātakṛttiktā kaṣāyā madhurā himā

Abhayādivarga.35

पिपासाकासपित्तास्रकफपाण्डुक्षतापहा

pipāsākāsapittāsrakaphapāṇḍukṣatāpahā

Abhayādivarga.35.2

प्राचीनामलकम् प्राची नागरं रक्तकम् मतम्

prācīnāmalakam prācī nāgaraṃ raktakam matam

Abhayādivarga.36

तत्पक्वम् पित्तकफकृच्छुष्कं गुरु समीरजित्

tatpakvam pittakaphakṛcchuṣkaṃ guru samīrajit

Abhayādivarga.36.2

वासा वृषः सिंहमुखो भिषङ्माता ऽटरूषकः

vāsā vṛṣaḥ siṃhamukho bhiṣaṅmātā 'ṭarūṣakaḥ

Abhayādivarga.37

शुक्ला हैमवती चैव सिंही स्याद् वाजिदन्तिका

śuklā haimavatī caiva siṃhī syād vājidantikā

Abhayādivarga.37.2

वासको वातकृत् स्वर्यः कफपित्तास्रनाशनः

vāsako vātakṛt svaryaḥ kaphapittāsranāśanaḥ

Abhayādivarga.38

श्वासकासज्वरच्छर्दिमेहकुष्ठक्षयापहः

śvāsakāsajvaracchardimehakuṣṭhakṣayāpahaḥ

Abhayādivarga.38.2

गुडूची कुण्डली छिन्ना वयस्थामृतवल्लरी

guḍūcī kuṇḍalī chinnā vayasthāmṛtavallarī

Abhayādivarga.39

छिन्नोद्भवा छिन्नरुहामृतकन्दा विलासिनी

chinnodbhavā chinnaruhāmṛtakandā vilāsinī

Abhayādivarga.39.2

वत्सादनी चन्द्रहासा जीवन्ती चक्रलक्षणा

vatsādanī candrahāsā jīvantī cakralakṣaṇā

Abhayādivarga.40

गुडूची कटुका लघ्वी स्वादुपाका रसायनी

guḍūcī kaṭukā laghvī svādupākā rasāyanī