Madanapālanighaṇṭu

āyurveda

Notable Lemmas:

kapha (113 Occurences)uṣṇa (90 Occurences)pitta (76 Occurences)vāta (74 Occurences)laghu (67 Occurences)tikta (65 Occurences)jit (59 Occurences)kuṣṭha (58 Occurences)

41–60 of 977 verses

Abhayādivarga.21

हरीतकी पञ्चरसालवणा तुवरोत्कटा

harītakī pañcarasālavaṇā tuvarotkaṭā

Abhayādivarga.21.2

रूक्षोष्णा दीपनी मेध्या स्वादुपाका रसायिनी

rūkṣoṣṇā dīpanī medhyā svādupākā rasāyinī

Abhayādivarga.22

सरा बुद्धिप्रदायुष्या चक्षुष्या बृंहणी लघुः

sarā buddhipradāyuṣyā cakṣuṣyā bṛṃhaṇī laghuḥ

Abhayādivarga.22.2

श्वासकासप्रमेहार्शःकुष्ठशोफोदरकृमीन्

śvāsakāsapramehārśaḥkuṣṭhaśophodarakṛmīn

Abhayādivarga.23

वैस्वर्यग्रहणीदोषविबन्धविषमज्वरान्

vaisvaryagrahaṇīdoṣavibandhaviṣamajvarān

Abhayādivarga.23.2

गुल्माध्मानव्रणच्छर्दिहिक्काकण्डूहृदामयान्

gulmādhmānavraṇacchardihikkākaṇḍūhṛdāmayān

Abhayādivarga.24

कामलां शूलम् आनाहं प्लीहानं चापकर्षति

kāmalāṃ śūlam ānāhaṃ plīhānaṃ cāpakarṣati

Abhayādivarga.24.2

मधुराम्लतया वातं कषायस्वादुभावतः

madhurāmlatayā vātaṃ kaṣāyasvādubhāvataḥ

Abhayādivarga.24.3

पित्तं हन्ति कफं तद्वत्कटुत्वेन हरीतकी

pittaṃ hanti kaphaṃ tadvatkaṭutvena harītakī

Abhayādivarga.25

अध्वातिखिन्नः परिहीनतेजा रूक्षः कृशो लङ्घनकर्शितश्च

adhvātikhinnaḥ parihīnatejā rūkṣaḥ kṛśo laṅghanakarśitaśca

Abhayādivarga.25.2

पित्ताधिको गर्भवती च नारी ज्वर्यल्पवीर्यस्त्वभयां न खादेत्

pittādhiko garbhavatī ca nārī jvaryalpavīryastvabhayāṃ na khādet

Abhayādivarga.26

धात्रीफलामृतफलामलकं श्रीफलं शिवम्

dhātrīphalāmṛtaphalāmalakaṃ śrīphalaṃ śivam

Abhayādivarga.26.2

तद्वद् धात्रीफलं वृष्यं विशेषाद् रक्तपित्तजित्

tadvad dhātrīphalaṃ vṛṣyaṃ viśeṣād raktapittajit

Abhayādivarga.27

अम्लत्वात् पवनं हन्ति पित्तम् माधुर्यशैत्यतः

amlatvāt pavanaṃ hanti pittam mādhuryaśaityataḥ

Abhayādivarga.27.2

कफं रूक्षकषायत्वात् तस्मात् किम् अधिकम् फलम्

kaphaṃ rūkṣakaṣāyatvāt tasmāt kim adhikam phalam

Abhayādivarga.28

कुर्यात्पित्तं तदम्लत्वात् कफम् माधुर्यशैत्यतः

kuryātpittaṃ tadamlatvāt kapham mādhuryaśaityataḥ

Abhayādivarga.28.2

वातं रूक्षकषायत्वाद् एवं किं न विपर्ययः

vātaṃ rūkṣakaṣāyatvād evaṃ kiṃ na viparyayaḥ

Abhayādivarga.29

धात्र्यास्त्रिदोषहन्तृत्वं शक्त्यैव मुनिभिः स्मृतम्

dhātryāstridoṣahantṛtvaṃ śaktyaiva munibhiḥ smṛtam

Abhayādivarga.29.2

सम्भावनावशादुक्ता रसादेरपि हेतुता

sambhāvanāvaśāduktā rasāderapi hetutā

Abhayādivarga.30

विभीतकः कर्षफलो भूतावासः कलिद्रुमः

vibhītakaḥ karṣaphalo bhūtāvāsaḥ kalidrumaḥ