Madanapālanighaṇṭu

āyurveda

Notable Lemmas:

kapha (113 Occurences)uṣṇa (90 Occurences)pitta (76 Occurences)vāta (74 Occurences)laghu (67 Occurences)tikta (65 Occurences)jit (59 Occurences)kuṣṭha (58 Occurences)

501–520 of 977 verses

Abhayādivarga.236.2

विष्टम्भिनी हिमा रुच्या सरा हृद्यास्रपित्तनुत्

viṣṭambhinī himā rucyā sarā hṛdyāsrapittanut

Abhayādivarga.237

रूक्षा हन्ति कफश्वासकुष्ठमेहज्वरकृमीन्

rūkṣā hanti kaphaśvāsakuṣṭhamehajvarakṛmīn

Abhayādivarga.237.2

तत्फलम् पित्तकृत् श्वेतकुष्ठवातकफापहम्

tatphalam pittakṛt śvetakuṣṭhavātakaphāpaham

Abhayādivarga.238

भृङ्गराजो भेकराजो मार्कवः केशरञ्जनः

bhṛṅgarājo bhekarājo mārkavaḥ keśarañjanaḥ

Abhayādivarga.238.2

अङ्गारको भृङ्गरजो भृङ्गाह्वः सूर्यवल्लभः

aṅgārako bhṛṅgarajo bhṛṅgāhvaḥ sūryavallabhaḥ

Abhayādivarga.239

भृङ्गराजः कटुस्तिक्तो रूक्षोष्णः कफवातजित्

bhṛṅgarājaḥ kaṭustikto rūkṣoṣṇaḥ kaphavātajit

Abhayādivarga.239.2

दन्त्यो रसायनो रुच्यः कुष्ठनेत्रशिरोऽर्तिनुत्

dantyo rasāyano rucyaḥ kuṣṭhanetraśiro'rtinut

Abhayādivarga.240

पर्पटः कवचो रेणुः पित्तहा यवकण्टकः

parpaṭaḥ kavaco reṇuḥ pittahā yavakaṇṭakaḥ

Abhayādivarga.240.2

वरस्तिक्तः पर्पटकः पृथ्विकश्चर्मकण्टकः

varastiktaḥ parpaṭakaḥ pṛthvikaścarmakaṇṭakaḥ

Abhayādivarga.241

पर्पटो हन्ति पित्तास्रभ्रमतृष्णाकफज्वरान्

parpaṭo hanti pittāsrabhramatṛṣṇākaphajvarān

Abhayādivarga.241.2

संग्राही शीतलस्तिक्तो दाहनुद्वातलो लघुः

saṃgrāhī śītalastikto dāhanudvātalo laghuḥ

Abhayādivarga.242

शणपुष्पी माल्यपुष्पी धावनी शणघण्टिका

śaṇapuṣpī mālyapuṣpī dhāvanī śaṇaghaṇṭikā

Abhayādivarga.242.2

बृहत्पुष्पी स्वल्पघण्टा घण्टाशब्दोरुपुष्पिका

bṛhatpuṣpī svalpaghaṇṭā ghaṇṭāśabdorupuṣpikā

Abhayādivarga.243

शणपुष्पी कटुः पित्तश्लेष्मजिच्छर्दिकारिणी

śaṇapuṣpī kaṭuḥ pittaśleṣmajicchardikāriṇī

Abhayādivarga.243.2

त्रायमाणा सुरत्राणा त्रायन्ती गिरिसानुजा

trāyamāṇā suratrāṇā trāyantī girisānujā

Abhayādivarga.243.3

बलभद्रा कृतत्राणा वार्षिकं त्रायमाणकः

balabhadrā kṛtatrāṇā vārṣikaṃ trāyamāṇakaḥ

Abhayādivarga.243.4

त्रायमाणा सरा पित्तज्वरश्लेष्मास्रशूलजित्

trāyamāṇā sarā pittajvaraśleṣmāsraśūlajit

Abhayādivarga.244

महाजालिनिका चर्मरङ्गा स्यात् पीतकीलिका

mahājālinikā carmaraṅgā syāt pītakīlikā

Abhayādivarga.244.2

आवर्तकी बिन्दुकिनी विभाण्डी रक्तपुष्पिका

āvartakī bindukinī vibhāṇḍī raktapuṣpikā

Abhayādivarga.245

महाजालिनिका तिक्ता रेचनी कफपित्तजित्

mahājālinikā tiktā recanī kaphapittajit