Madanapālanighaṇṭu

āyurveda

Notable Lemmas:

kapha (113 Occurences)uṣṇa (90 Occurences)pitta (76 Occurences)vāta (74 Occurences)laghu (67 Occurences)tikta (65 Occurences)jit (59 Occurences)kuṣṭha (58 Occurences)

21–40 of 977 verses

Abhayādivarga.11

नृणामभयदा यस्मादभया तत्प्रकीर्तिता

nṛṇāmabhayadā yasmādabhayā tatprakīrtitā

Abhayādivarga.11.2

रोहिणी तु गुणारोहाच्चेतनाच्चेतकी मता

rohiṇī tu guṇārohāccetanāccetakī matā

Abhayādivarga.12

जीवन्ती स्वर्णवर्णाभा पूतनास्थिमती

jīvantī svarṇavarṇābhā pūtanāsthimatī

Abhayādivarga.12.2

अमृता त्रिदला प्रोक्ता विजया तुम्बरूपिणी

amṛtā tridalā proktā vijayā tumbarūpiṇī

Abhayādivarga.13

पञ्चाङ्गी त्वभया ज्ञेया मता वृत्ता तु रोहिणी

pañcāṅgī tvabhayā jñeyā matā vṛttā tu rohiṇī

Abhayādivarga.13.2

त्र्यङ्गी चेतकी ज्ञेया कर्म तासामथोच्यते

tryaṅgī cetakī jñeyā karma tāsāmathocyate

Abhayādivarga.14

सर्वरोगेषु जीवन्ती प्रलेपे पूतना हिता

sarvarogeṣu jīvantī pralepe pūtanā hitā

Abhayādivarga.14.2

शुद्ध्यर्थममृता प्रोक्ता विजया सर्वरोगहृत्

śuddhyarthamamṛtā proktā vijayā sarvarogahṛt

Abhayādivarga.15

अक्षिरोगे ऽभया शस्ता रोहिणी व्रणरोहिणी

akṣiroge 'bhayā śastā rohiṇī vraṇarohiṇī

Abhayādivarga.15.2

चेतकी चूर्णयोगे स्यात्सप्तधैवम् प्रकीर्तिता

cetakī cūrṇayoge syātsaptadhaivam prakīrtitā

Abhayādivarga.16

शोणाच्छिन्ना गुडनिभा किंचिदम्ला कषायिणी

śoṇācchinnā guḍanibhā kiṃcidamlā kaṣāyiṇī

Abhayādivarga.16.2

स्थूलत्वक् सरसा स्वल्पबीजा गुर्वी हरीतकी

sthūlatvak sarasā svalpabījā gurvī harītakī

Abhayādivarga.17

चर्विता वर्धयत्यग्निं पेषिता मलशोधिनी

carvitā vardhayatyagniṃ peṣitā malaśodhinī

Abhayādivarga.17.2

स्विन्ना संग्राहिणी प्रोक्ता भृष्टा पथ्या त्रिदोषनुत्

svinnā saṃgrāhiṇī proktā bhṛṣṭā pathyā tridoṣanut

Abhayādivarga.18

ग्रीष्मे तुल्यगुडां सुसैन्धवयुतां मेघावनद्धाम्बरे सार्द्धं शर्करया शरद्यमलया शुण्ठ्या तुषारागमे

grīṣme tulyaguḍāṃ susaindhavayutāṃ meghāvanaddhāmbare sārddhaṃ śarkarayā śaradyamalayā śuṇṭhyā tuṣārāgame

Abhayādivarga.18.2

पिप्पल्या शिशिरे वसन्तसमये क्षौद्रेण संयोजितां राजन्प्राप्य हरीतकीमिव गदा नश्यन्तु ते शत्रवः

pippalyā śiśire vasantasamaye kṣaudreṇa saṃyojitāṃ rājanprāpya harītakīmiva gadā naśyantu te śatravaḥ

Abhayādivarga.19

शिवा हरीतकी पथ्या चेतकी विजया जया

śivā harītakī pathyā cetakī vijayā jayā

Abhayādivarga.19.2

प्रपथ्या प्रमथामोघा कायस्था प्राणदामृता

prapathyā pramathāmoghā kāyasthā prāṇadāmṛtā

Abhayādivarga.20

जीवनीया हैमवती पूतना पृतनाभया

jīvanīyā haimavatī pūtanā pṛtanābhayā

Abhayādivarga.20.2

वयस्था नन्दिनी ज्ञेया श्रेयसी रोहिणी तथा

vayasthā nandinī jñeyā śreyasī rohiṇī tathā