Madanapālanighaṇṭu

āyurveda

Notable Lemmas:

kapha (113 Occurences)uṣṇa (90 Occurences)pitta (76 Occurences)vāta (74 Occurences)laghu (67 Occurences)tikta (65 Occurences)jit (59 Occurences)kuṣṭha (58 Occurences)

221–240 of 977 verses

Abhayādivarga.104

दन्तीद्वयं सरम् पाकरसयोः कटु दीपनम्

dantīdvayaṃ saram pākarasayoḥ kaṭu dīpanam

Abhayādivarga.104.2

तीक्ष्णोष्णं हन्ति पित्तास्रकफशोफोदरकृमीन्

tīkṣṇoṣṇaṃ hanti pittāsrakaphaśophodarakṛmīn

Abhayādivarga.105

जयपालो दन्तिबीजं ख्यातं तत् तित्तिरीफलम्

jayapālo dantibījaṃ khyātaṃ tat tittirīphalam

Abhayādivarga.105.2

जयपालो गुरुः स्निग्धो रेची पित्तकफापहः

jayapālo guruḥ snigdho recī pittakaphāpahaḥ

Abhayādivarga.106

मूर्वा मधुरसा देवी पृथक्पर्णी त्रिपर्ण्यपि

mūrvā madhurasā devī pṛthakparṇī triparṇyapi

Abhayādivarga.106.2

देवश्रेणी स्वादुरसा स्निग्धपर्णी च मोरटा

devaśreṇī svādurasā snigdhaparṇī ca moraṭā

Abhayādivarga.107

जालिनी दीपनी तिक्तवल्कला च पृथक्त्वचा

jālinī dīpanī tiktavalkalā ca pṛthaktvacā

Abhayādivarga.107.2

मधुश्रवा मधुश्रेणी स्रुवा मधुमती च सा

madhuśravā madhuśreṇī sruvā madhumatī ca sā

Abhayādivarga.108

लघुपर्णी मधूली च पीलुपर्णी च पीलुनी

laghuparṇī madhūlī ca pīluparṇī ca pīlunī

Abhayādivarga.108.2

गोपवल्ली तेजनी च मूर्वा वृष्या बलप्रदा

gopavallī tejanī ca mūrvā vṛṣyā balapradā

Abhayādivarga.108.3

श्लेष्मकृत् पित्तवातघ्नी ग्राहिणी गुल्मनाशिनी

śleṣmakṛt pittavātaghnī grāhiṇī gulmanāśinī

Abhayādivarga.109

तृवृत् कुम्भारुणा त्र्यस्रा भण्डी कोटरवासिनी

tṛvṛt kumbhāruṇā tryasrā bhaṇḍī koṭaravāsinī

Abhayādivarga.109.2

सर्वानुभूतिस् त्रिवृता त्रिपुटा सरला सिता

sarvānubhūtis trivṛtā tripuṭā saralā sitā

Abhayādivarga.110

तृवृत् तिक्ता सरा रूक्षा स्वादुर् उष्णा समीरनुत्

tṛvṛt tiktā sarā rūkṣā svādur uṣṇā samīranut

Abhayādivarga.110.2

कटुः पाके ज्वरश्लेष्मपित्तशोफोदरापहा

kaṭuḥ pāke jvaraśleṣmapittaśophodarāpahā

Abhayādivarga.111

तृवृत् काला कालमेषी कालपर्ण्यर्धचन्द्रिका

tṛvṛt kālā kālameṣī kālaparṇyardhacandrikā

Abhayādivarga.111.2

सुषेणा स्यान्मालविका मसूरविदला मता

suṣeṇā syānmālavikā masūravidalā matā

Abhayādivarga.112

तृवृत् काला हीनगुणा तस्यास् तीव्रविरेचिनी

tṛvṛt kālā hīnaguṇā tasyās tīvravirecinī

Abhayādivarga.112.2

मूर्च्छादाहमदभ्रान्तिकण्ठोत्कर्षणकारिणी

mūrcchādāhamadabhrāntikaṇṭhotkarṣaṇakāriṇī

Abhayādivarga.113

ऐन्द्रवारुण्यथेन्द्राह्वा वृषभाक्षी गवादिनी

aindravāruṇyathendrāhvā vṛṣabhākṣī gavādinī