3.10.4

एभिः सप्तरत्नैः समन्वागतो भविष्यति

ebhiḥ saptaratnaiḥ samanvāgato bhaviṣyati

3.10.5

भवति चास्य पुत्रसहस्रं शूराणां वीराणां वराङ्गरूपिणां परसैन्यप्रमर्दकानाम्

bhavati cāsya putrasahasraṃ śūrāṇāṃ vīrāṇāṃ varāṅgarūpiṇāṃ parasainyapramardakānām

3.10.6

स इमां महापृथिवीं ससागरपर्यन्ताम् अखिलाम् अकण्टकाम् अदण्डेनाशस्त्रेणाभिनिर्जित्याध्यासयति

sa imāṃ mahāpṛthivīṃ sasāgaraparyantām akhilām akaṇṭakām adaṇḍenāśastreṇābhinirjityādhyāsayati

3.10.7

सचेद् अगारादनगारिकां प्रव्रजिष्यति वान्तछन्दरागो नेता अनन्यदेवः शास्ता देवानां च मनुष्याणां चेति

saced agārādanagārikāṃ pravrajiṣyati vāntachandarāgo netā ananyadevaḥ śāstā devānāṃ ca manuṣyāṇāṃ ceti

3.11

तथा अन्ये ऽपि देवपुत्रा जम्बुद्वीपमागत्य प्रत्येकबुद्धेभ्य आरोचयन्ति स्म रिञ्चत मार्षा बुद्धक्षेत्रम्

tathā anye 'pi devaputrā jambudvīpamāgatya pratyekabuddhebhya ārocayanti sma riñcata mārṣā buddhakṣetram

3.11.2

इतो द्वादशवत्सरे बोधिसत्त्वो मातुः कुक्षिमवक्रमिष्यति

ito dvādaśavatsare bodhisattvo mātuḥ kukṣimavakramiṣyati

3.12

तेन खलु पुनर्भिक्षवः समयेन राजगृहे महानगरे गोलाङ्गुलपरिवर्तने पर्वते मातङ्गो नाम प्रत्येकबुद्धो विहरति स्म

tena khalu punarbhikṣavaḥ samayena rājagṛhe mahānagare golāṅgulaparivartane parvate mātaṅgo nāma pratyekabuddho viharati sma

3.12.2

स तं शब्दं श्रुत्वा कर्दम इव शिलायां प्रस्थाय विहायसा सप्ततालमात्रम् अत्युद्गम्य च तेजोधातुं समापद्योल्केव परिनिर्वाणो ऽयम्

sa taṃ śabdaṃ śrutvā kardama iva śilāyāṃ prasthāya vihāyasā saptatālamātram atyudgamya ca tejodhātuṃ samāpadyolkeva parinirvāṇo 'yam

3.12.3

यत्तस्य पित्तश्लेष्मस्नाय्वस्थिमांसरुधिरं चासीत् तत्सर्वं तेजसा पर्यवदानमगच्छत्

yattasya pittaśleṣmasnāyvasthimāṃsarudhiraṃ cāsīt tatsarvaṃ tejasā paryavadānamagacchat

3.12.4

शुद्धशरीराण्येव भूमौ प्रापतन्

śuddhaśarīrāṇyeva bhūmau prāpatan

3.12.5

अद्यापि च तानि ऋषिपदान्येव संज्ञायन्ते

adyāpi ca tāni ṛṣipadānyeva saṃjñāyante

3.13

तेन खलु पुनर्भिक्षवः समयेन वाराणस्यां ऋषिपतने मृगदावे पञ्च प्रत्येकबुद्धशतानि विहरन्ति स्म

tena khalu punarbhikṣavaḥ samayena vārāṇasyāṃ ṛṣipatane mṛgadāve pañca pratyekabuddhaśatāni viharanti sma

3.13.2

ते ऽपि तं शब्दं श्रुत्वा विहायसा सप्ततालमात्रमत्युद्गम्य तेजोधातुं समापद्योल्केव परिनिर्वान्ति स्म

te 'pi taṃ śabdaṃ śrutvā vihāyasā saptatālamātramatyudgamya tejodhātuṃ samāpadyolkeva parinirvānti sma

3.13.3

यत्तेषां पित्तश्लेष्ममांसास्थिस्नायुरुधिरं चाभूत् तत्सर्वं तेजसा पर्यवदानमगच्छत्

yatteṣāṃ pittaśleṣmamāṃsāsthisnāyurudhiraṃ cābhūt tatsarvaṃ tejasā paryavadānamagacchat

3.13.4

शुद्धशरीराण्येव भूमौ प्रापतन्

śuddhaśarīrāṇyeva bhūmau prāpatan

3.13.5

अस्मिन्नृषयः पतिता इति तस्मात्प्रभृति ऋषिपतनसंज्ञोदपादि

asminnṛṣayaḥ patitā iti tasmātprabhṛti ṛṣipatanasaṃjñodapādi

3.13.6

अभयदत्ताश्च तस्मिन् मृगाः प्रतिवसन्ति इति तदग्रेण मृगदावस्य मृगदाव इति संज्ञोदपादि

abhayadattāśca tasmin mṛgāḥ prativasanti iti tadagreṇa mṛgadāvasya mṛgadāva iti saṃjñodapādi

3.14

इति हि भिक्षवो बोधिसत्त्वस्तुषितवरभवनस्थितश्चत्वारि महाविलोकितानि विलोकयति स्म

iti hi bhikṣavo bodhisattvastuṣitavarabhavanasthitaścatvāri mahāvilokitāni vilokayati sma

3.14.2

कतमानि चत्वारि तद्यथा कालविलोकितं द्वीपविलोकितं देशविलोकितं कुलविलोकितम्

katamāni catvāri tadyathā kālavilokitaṃ dvīpavilokitaṃ deśavilokitaṃ kulavilokitam

3.15

किं कारणं भिक्षवो बोधिसत्त्वः कालविलोकितं विलोकयति स्म न बोधिसत्त्व आदिप्रवृत्ते लोके सत्त्वसंवर्तनीकालसमये मातुः कुक्षिमवक्रामति अथ तर्हि यदा व्यक्तो लोकः सुस्थितो भवति जाति प्रज्ञायते जरा प्रज्ञायते व्याधि प्रज्ञायते मरणं प्रज्ञायते तदा बोधिसत्त्वो

kiṃ kāraṇaṃ bhikṣavo bodhisattvaḥ kālavilokitaṃ vilokayati sma na bodhisattva ādipravṛtte loke sattvasaṃvartanīkālasamaye mātuḥ kukṣimavakrāmati atha tarhi yadā vyakto lokaḥ susthito bhavati jāti prajñāyate jarā prajñāyate vyādhi prajñāyate maraṇaṃ prajñāyate tadā bodhisattvo

Lalitavistara