7.64.2

तथा हि शेषेन्द्रियवृत्तिर् आसां सर्वात्मना चक्षुर् इव प्रविष्टा

tathā hi śeṣendriyavṛttir āsāṃ sarvātmanā cakṣur iva praviṣṭā

7.65

स्थाने तपो दुश्चरम् एतदर्थम् अपर्णया पेलवयापि तप्तम्

sthāne tapo duścaram etadartham aparṇayā pelavayāpi taptam

7.65.2

या दास्यम् अप्य् अस्य लभेत नारी सा स्यात् कृतार्था किमुताङ्कशय्याम्

yā dāsyam apy asya labheta nārī sā syāt kṛtārthā kimutāṅkaśayyām

7.66

परस्परेण स्पृहणीयशोभं न चेद् इदं द्वन्द्वम् अयोजयिष्यत्

paraspareṇa spṛhaṇīyaśobhaṃ na ced idaṃ dvandvam ayojayiṣyat

7.66.2

अस्मिन् द्वये रूपविधानयत्नः पत्युः प्रजानां विफलो ऽभविष्यत्

asmin dvaye rūpavidhānayatnaḥ patyuḥ prajānāṃ viphalo 'bhaviṣyat

7.67

न नूनम् आरूढरुषा शरीरम् अनेन दग्धं कुसुमायुधस्य

na nūnam ārūḍharuṣā śarīram anena dagdhaṃ kusumāyudhasya

7.67.2

व्रीडाद् अमुं देवम् उदीक्ष्य मन्ये संन्यस्तदेहः स्वयम् एव कामः

vrīḍād amuṃ devam udīkṣya manye saṃnyastadehaḥ svayam eva kāmaḥ

7.68

अनेन संबन्धम् उपेत्य दिष्ट्या मनोरथप्रार्थितम् ईश्वरेण

anena saṃbandham upetya diṣṭyā manorathaprārthitam īśvareṇa

7.68.2

मूर्धानम् आलि क्षितिधारणोच्चम् उच्चैस्तरां वक्ष्यति

mūrdhānam āli kṣitidhāraṇoccam uccaistarāṃ vakṣyati

7.69

इत्य् ओषधिप्रस्थविलासिनीनां शृण्वन् कथाः श्रोत्रसुखास् त्रिनेत्रः

ity oṣadhiprasthavilāsinīnāṃ śṛṇvan kathāḥ śrotrasukhās trinetraḥ

7.69.2

केयूरचूर्णीकृतलाजमुष्टिं हिमालयस्यालयम् आससाद

keyūracūrṇīkṛtalājamuṣṭiṃ himālayasyālayam āsasāda

7.70

तत्रावतीर्याच्युतदत्तहस्तः शरद्घनाद् दीधितिमान् इवोक्ष्णः

tatrāvatīryācyutadattahastaḥ śaradghanād dīdhitimān ivokṣṇaḥ

7.70.2

क्रान्तानि पूर्वं कमलासनेन कक्ष्यान्तराण्य् अद्रिपतेर् विवेश

krāntāni pūrvaṃ kamalāsanena kakṣyāntarāṇy adripater viveśa

7.71

तम् अन्वग् इन्द्रप्रमुखाश् च देवाः सप्तर्षिपूर्वाः परमर्षयश्

tam anvag indrapramukhāś ca devāḥ saptarṣipūrvāḥ paramarṣayaś

7.71.2

गणाश् च गिर्यालयम् अभ्यगच्छन् प्रशस्तम् आरम्भम् इवोत्तमार्थाः

gaṇāś ca giryālayam abhyagacchan praśastam ārambham ivottamārthāḥ

7.72

तत्रेश्वरो विष्टरभाग् यथावत् सरत्नम् अर्घ्यं मधुमच् च गव्यम्

tatreśvaro viṣṭarabhāg yathāvat saratnam arghyaṃ madhumac ca gavyam

7.72.2

नवे दुकूले च नगोपनीतं प्रत्यग्रहीत् सर्वम् अमन्त्रवर्जम्

nave dukūle ca nagopanītaṃ pratyagrahīt sarvam amantravarjam

7.73

दुकूलवासाः स वधूसमीपं निन्ये विनीतैर् अवरोधरक्षैः

dukūlavāsāḥ sa vadhūsamīpaṃ ninye vinītair avarodharakṣaiḥ

7.73.2

वेलासमीपं स्फुटफेनराजिर् नवैर् उदन्वान् इव चन्द्रपादैः

velāsamīpaṃ sphuṭaphenarājir navair udanvān iva candrapādaiḥ

7.74

तया प्रवृद्धाननचन्द्रकान्त्या प्रफुल्लचक्षुःकुमुदः कुमार्या

tayā pravṛddhānanacandrakāntyā praphullacakṣuḥkumudaḥ kumāryā

Kumārasaṃbhava