3.6

अद्य क्रियाः कामदुघाः क्रतूनां सत्याशिषः सम्प्रति भूमिदेवाः

adya kriyāḥ kāmadughāḥ kratūnāṃ satyāśiṣaḥ samprati bhūmidevāḥ

3.6.2

आ संसृतेर् अस्मि जगत्सु जातस् त्वय्यागते यद् बहुमानपात्रम्

ā saṃsṛter asmi jagatsu jātas tvayyāgate yad bahumānapātram

3.7

श्रियं विकर्षत्य् अपहन्त्य् अघानि श्रेयः परिस्नौति तनोति कीर्तिम्

śriyaṃ vikarṣaty apahanty aghāni śreyaḥ parisnauti tanoti kīrtim

3.7.2

संदर्शनं लोकगुरोर् अमोघम् अमोघं तवात्मयोनेर् इव किं न धत्ते

saṃdarśanaṃ lokaguror amogham amoghaṃ tavātmayoner iva kiṃ na dhatte

3.8

श्च्योतन्मयूखे ऽपि हिमद्युतौ मे ननिर्वृतं निर्वृतिम् एति

'pi himadyutau me nanirvṛtaṃ nirvṛtim eti cakṣuḥ

3.8.2

समुझितज्ञातिवियोगखेदं त्वत्संनिधावुच्छ्वसतीव चेतः

samujhitajñātiviyogakhedaṃ tvatsaṃnidhāvucchvasatīva cetaḥ

3.9

निरास्पदं प्रश्नकुतूहलित्वम् अस्मास्वधीनं किमु निःस्पृहाणाम्

nirāspadaṃ praśnakutūhalitvam asmāsvadhīnaṃ kimu niḥspṛhāṇām

3.9.2

तथापि कल्याणकरीं गिरं ते मां श्रोतुम् इच्छा मुखरीकरोति

tathāpi kalyāṇakarīṃ giraṃ te māṃ śrotum icchā mukharīkaroti

3.10

इत्य् उक्तवान् उक्तिविशेषरम्यं मनः समाधाय जयोपपत्तौ

ity uktavān uktiviśeṣaramyaṃ manaḥ samādhāya jayopapattau

3.10.2

उदारचेता गिरम् इत्युदारां द्वैपायनेनाभिदधे नरेन्द्रः

udāracetā giram ityudārāṃ dvaipāyanenābhidadhe narendraḥ

3.11

चिचीषतां जन्मवताम् अलघ्वीं यशोवतंसाम् उभयत्र भूतिम्

cicīṣatāṃ janmavatām alaghvīṃ yaśovataṃsām ubhayatra bhūtim

3.11.2

अभ्यर्हिता बन्धुषु तुल्यरूपा वृत्तिर् विशेषेण तपोधनानाम्

abhyarhitā bandhuṣu tulyarūpā vṛttir viśeṣeṇa tapodhanānām

3.12

तथापि निघ्नं नृप तावकीनैः प्रह्वीकृतं मे हृदयं गुणौघैः

tathāpi nighnaṃ nṛpa tāvakīnaiḥ prahvīkṛtaṃ me hṛdayaṃ guṇaughaiḥ

3.12.2

वीतस्पृहाणाम् अपि मुक्तिभाजां भवन्ति भव्येषु हि पक्षपाताः

vītaspṛhāṇām api muktibhājāṃ bhavanti bhavyeṣu hi pakṣapātāḥ

3.13

सुता न यूयं किमु तस्य राज्ञः सुयोधनं वा न गुणैर् अतीताः

sutā na yūyaṃ kimu tasya rājñaḥ suyodhanaṃ vā na guṇair atītāḥ

3.13.2

यस् त्यक्तवान् वः स वृथा बलाद् वा मोहं विधत्ते विषयाभिलाषः

yas tyaktavān vaḥ sa vṛthā balād vā mohaṃ vidhatte viṣayābhilāṣaḥ

3.14

जहातु नैनं कथम् अर्थसिद्धिः संशय्य कर्णादिषु तिष्ठते यः

jahātu nainaṃ katham arthasiddhiḥ saṃśayya karṇādiṣu tiṣṭhate yaḥ

3.14.2

असाद्युयोगा हि जयान्तरायाः प्रमाथिनीनां विपदां

hi jayāntarāyāḥ pramāthinīnāṃ vipadāṃ padāni

3.15

पथश् च्युतायां समितौ रिपूणां धर्म्यां दधानेन धुरं चिराय

pathaś cyutāyāṃ samitau ripūṇāṃ dharmyāṃ dadhānena dhuraṃ cirāya

3.15.2

त्वया विपत्स्वप्यविपत्ति रम्यम् आविष्कृतं प्रेम परं गुणेषु

tvayā vipatsvapyavipatti ramyam āviṣkṛtaṃ prema paraṃ guṇeṣu

Kirātārjunīya