Dharmalib

1–20 of 801 verses

1.1

प्रणम्य सार्वं सर्वज्ञं मनोवाक्कायकर्मभिः

praṇamya sārvaṃ sarvajñaṃ manovākkāyakarmabhiḥ

1.1.2

काव्यालंकार इत्येष यथाबुद्धि विधास्यते

kāvyālaṃkāra ityeṣa yathābuddhi vidhāsyate

1.2

धर्मार्थकाममोक्षेषु वैचक्षण्यं कलासु च

dharmārthakāmamokṣeṣu vaicakṣaṇyaṃ kalāsu ca

1.2.2

प्रीतिं करोति कीर्तिं च साधुकाव्यनिबन्धनम्

prītiṃ karoti kīrtiṃ ca sādhukāvyanibandhanam

1.3

अधनस्येव दातृत्वं क्लीबस्येवास्त्रकौशलम्

adhanasyeva dātṛtvaṃ klībasyevāstrakauśalam

1.3.2

अज्ञस्येव प्रगल्भत्वम् अकवेः शास्त्रवेदनम्

ajñasyeva pragalbhatvam akaveḥ śāstravedanam

1.4

विनयेन विना का श्रीः का निशा शशिना विना

vinayena vinā kā śrīḥ kā niśā śaśinā vinā

1.4.2

रहिता सत्कवित्वेन कीदृशी वाग्विदग्धता

rahitā satkavitvena kīdṛśī vāgvidagdhatā

1.5

गुरूपदेशादध्येतुं शास्त्रं जडधियो ऽप्यलम्

gurūpadeśādadhyetuṃ śāstraṃ jaḍadhiyo 'pyalam

1.5.2

काव्यं तु जायते जातु कस्यचित् प्रतिभावतः

kāvyaṃ tu jāyate jātu kasyacit pratibhāvataḥ

1.6

उपेयुषामपि दिवं संनिबन्धविधायिनाम्

upeyuṣāmapi divaṃ saṃnibandhavidhāyinām

1.6.2

आस्त एव निरातङ्कं कान्तं काव्यमयं वपुः

āsta eva nirātaṅkaṃ kāntaṃ kāvyamayaṃ vapuḥ

1.7

रुणद्धि रोदसी चास्य यावत् कीर्तिर् अनश्वरी

ruṇaddhi rodasī cāsya yāvat kīrtir anaśvarī

1.7.2

तावत् किलायम् अध्यास्ते सुकृती वैबुधं पदम्

tāvat kilāyam adhyāste sukṛtī vaibudhaṃ padam

1.8

अतो ऽभिवाञ्छता कीर्तिं स्थेयसीम् आ भुवः

ato 'bhivāñchatā kīrtiṃ stheyasīm ā bhuvaḥ

1.8.2

यत्नो विदितवेद्येन विधेयः काव्यलक्षणः

yatno viditavedyena vidheyaḥ kāvyalakṣaṇaḥ

1.9

शब्दश्छन्दोऽभिधानार्था इतिहासाश्रयाः कथाः

śabdaśchando'bhidhānārthā itihāsāśrayāḥ kathāḥ

1.9.2

लोको युक्तिः कलाश्चेति मन्तव्याः

loko yuktiḥ kalāśceti mantavyāḥ

1.10

शब्दाभिधेये विज्ञाय कृत्वा तद्विदुपासनाम्

śabdābhidheye vijñāya kṛtvā tadvidupāsanām

1.10.2

विलोक्यान्यनिबन्धांश्च कार्यः काव्यक्रियादरः

vilokyānyanibandhāṃśca kāryaḥ kāvyakriyādaraḥ