Dvitīyaḥ paricchedaḥ.26

किं पद्मम् अन्तर्भ्रान्तालि किं ते लोलेक्षणं मुखम्

kiṃ padmam antarbhrāntāli kiṃ te lolekṣaṇaṃ mukham

Dvitīyaḥ paricchedaḥ.26.2

मम दोलायते चित्तम् इतीयं संशयोपमा

mama dolāyate cittam itīyaṃ saṃśayopamā

Dvitīyaḥ paricchedaḥ.27

न पद्मस्येन्दुनिग्राह्यस्येन्दुलज्जाकरी द्युतिः

na padmasyendunigrāhyasyendulajjākarī dyutiḥ

Dvitīyaḥ paricchedaḥ.27.2

अतस् त्वन्मुखम् एवेदम् इत्य् असौ निर्णयोपमा

atas tvanmukham evedam ity asau nirṇayopamā

Dvitīyaḥ paricchedaḥ.28

शिशिरांशुप्रतिस्पर्धि श्रीमत् सुरभिगन्धि च

śiśirāṃśupratispardhi śrīmat surabhigandhi ca

Dvitīyaḥ paricchedaḥ.28.2

अम्भोजम् इव ते वक्त्रम् इति श्लेषोपमा स्मृता

ambhojam iva te vaktram iti śleṣopamā smṛtā

Dvitīyaḥ paricchedaḥ.29

सरूपशब्दवाच्यत्वात् सा समानोपमा यथा

sarūpaśabdavācyatvāt sā samānopamā yathā

Dvitīyaḥ paricchedaḥ.29.2

बालेवोद्यानमालेयं सालकाननशोभिनी

bālevodyānamāleyaṃ sālakānanaśobhinī

Dvitīyaḥ paricchedaḥ.30

पद्मं बहुरजश् चन्द्रः क्षयी ताभ्यां तवाननम्

padmaṃ bahurajaś candraḥ kṣayī tābhyāṃ tavānanam

Dvitīyaḥ paricchedaḥ.30.2

समानम् अपि सोत्सेकम् इति निन्दोपमा स्मृता

samānam api sotsekam iti nindopamā smṛtā

Dvitīyaḥ paricchedaḥ.31

ब्रह्मणो ऽप्य् उद्भवः पद्मं चन्द्रः शंभुशिरोधृतः

brahmaṇo 'py udbhavaḥ padmaṃ candraḥ śaṃbhuśirodhṛtaḥ

Dvitīyaḥ paricchedaḥ.31.2

तौ तुल्यौ त्वन्मुखेनेति सा प्रशंसोपमोच्यते

tau tulyau tvanmukheneti sā praśaṃsopamocyate

Dvitīyaḥ paricchedaḥ.32

चन्द्रेण त्वन्मुखं तुल्यम् इत्य् आचिख्यासु मे मनः

candreṇa tvanmukhaṃ tulyam ity ācikhyāsu me manaḥ

Dvitīyaḥ paricchedaḥ.32.2

स गुणो वास्तु दोषो वेत्य् आचिख्यासोपमां विदुः

sa guṇo vāstu doṣo vety ācikhyāsopamāṃ viduḥ

Dvitīyaḥ paricchedaḥ.33

शतपत्त्रं शरच्चन्द्रस् त्वदाननम् इति त्रयम्

śatapattraṃ śaraccandras tvadānanam iti trayam

Dvitīyaḥ paricchedaḥ.33.2

परस्परविरोधीति सा विरोधोपमा मता

parasparavirodhīti sā virodhopamā matā

Dvitīyaḥ paricchedaḥ.34

न जातु शक्तिर् इन्दोस् ते मुखेन प्रतिगर्जितुम्

na jātu śaktir indos te mukhena pratigarjitum

Dvitīyaḥ paricchedaḥ.34.2

कलङ्किनो जडस्येति प्रतिषेधोपमैव सा

kalaṅkino jaḍasyeti pratiṣedhopamaiva sā

Dvitīyaḥ paricchedaḥ.35

मृगेक्षणाङ्कं ते वक्त्रम् मृगेणैवाङ्कितः शशी

mṛgekṣaṇāṅkaṃ te vaktram mṛgeṇaivāṅkitaḥ śaśī

Dvitīyaḥ paricchedaḥ.35.2

तथापि सम एवासौ नोत्कर्षीति चटूपमा

tathāpi sama evāsau notkarṣīti caṭūpamā

Kāvyādarśa