1.2.40

उत् तिष्ठत इत्यैन्द्रम्

ut tiṣṭhata ityaindram

1.2.41

अग्निर् भूयाम् इति तिसृभिर् उपसमादधाति अस्मै क्षत्राणि एतम् इध्मम् इति वा

agnir bhūyām iti tisṛbhir upasamādadhāti asmai kṣatrāṇi etam idhmam iti vā

1.3.1

युनज्मि त्वा ब्रह्मणा दैव्येन हव्यायास्मै वोढेव जातवेदः इन्धानास् त्वा सुप्रजसः सुवीरा ज्योग् जीवेम बलिहृतो वयं ते इति

yunajmi tvā brahmaṇā daivyena havyāyāsmai voḍheva jātavedaḥ indhānās tvā suprajasaḥ suvīrā jyog jīvema balihṛto vayaṃ te iti

1.3.2

दक्षिणतो जाङ्मायनम् उदपात्रम् उपसाद्याभिमन्त्रयते तथोदपात्रं धारय यथाग्रे ब्रह्मणस्पतिः सत्यधर्मा अदीधरद् देवस्य सवितुः सवे

dakṣiṇato jāṅmāyanam udapātram upasādyābhimantrayate tathodapātraṃ dhāraya yathāgre brahmaṇaspatiḥ satyadharmā adīdharad devasya savituḥ save

1.3.3

अथोदकम् आसिञ्चति इहेत देवीर् अमृतं वसाना हिरण्यवर्णा अनवद्यरूपाः आपः समुद्रो वरुणश् च राजा संपातभागान् हविषो जुषन्ताम् इन्द्रप्रशिष्टा वरुणप्रसूता अपः समुद्राद् दिवम् उद् वहन्तु इन्द्रप्रशिष्टा वरुणप्रसूता दिवस् पृथिव्या श्रियम् उद् वहन्तु इति

athodakam āsiñcati iheta devīr amṛtaṃ vasānā hiraṇyavarṇā anavadyarūpāḥ āpaḥ samudro varuṇaś ca rājā saṃpātabhāgān haviṣo juṣantām indrapraśiṣṭā varuṇaprasūtā apaḥ samudrād divam ud vahantu indrapraśiṣṭā varuṇaprasūtā divas pṛthivyā śriyam ud vahantu iti

1.3.4

ऋतं त्वा सत्येन परिषिञ्चामि जातवेदः इति सह हविर्भिः पर्युक्ष्य जीवाभिर् आचम्योत्थाय वेदप्रपद्भिः प्रपद्यत ॐ प्रपद्ये भूः प्रपद्ये भुवः प्रपद्ये स्वः प्रपद्ये जनत् प्रपद्ये इति

ṛtaṃ tvā satyena pariṣiñcāmi jātavedaḥ iti saha havirbhiḥ paryukṣya jīvābhir ācamyotthāya vedaprapadbhiḥ prapadyata oṃ prapadye bhūḥ prapadye bhuvaḥ prapadye svaḥ prapadye janat prapadye iti

1.3.5

प्रपद्य पश्चात् स्तीर्णस्य दर्भान् आस्तीर्य अहे दैधिषव्योद् अतस् तिष्ठान्य् अस्य सदने सीद यो ऽस्मत् पाकतर इति ब्रह्मासनम् अन्वीक्षते

prapadya paścāt stīrṇasya darbhān āstīrya ahe daidhiṣavyod atas tiṣṭhāny asya sadane sīda yo 'smat pākatara iti brahmāsanam anvīkṣate

1.3.6

निरस्तः पराग्वसुः सह पाप्मना निरस्तः सो ऽस्तु यो ऽस्मान् द्वेष्टि यं च वयं द्विष्म इति दक्षिणा तृणं निरस्यति

nirastaḥ parāgvasuḥ saha pāpmanā nirastaḥ so 'stu yo 'smān dveṣṭi yaṃ ca vayaṃ dviṣma iti dakṣiṇā tṛṇaṃ nirasyati

1.3.7

तद् अन्वालभ्य जपति इदम् अहम् अर्वाग्वसोः सदने सीदाम्यृतस्य सदने सीदामि सत्यस्य सदने सीदामीष्टस्य सदने सीदामि पूर्तस्य सदने सीदामि मामृषद् देव बर्हिः स्वासस्थं त्वाध्यासदेयम् ऊर्णम्रदम् अनभिशोकम्

tad anvālabhya japati idam aham arvāgvasoḥ sadane sīdāmyṛtasya sadane sīdāmi satyasya sadane sīdāmīṣṭasya sadane sīdāmi pūrtasya sadane sīdāmi māmṛṣad deva barhiḥ svāsasthaṃ tvādhyāsadeyam ūrṇamradam anabhiśokam

1.3.8

विमृग्वरीं इत्युपविश्यासनीयं ब्रह्मजपं जपति बृहस्पतिर् ब्रह्मा ब्रह्मसदन आसिष्यते बृहस्पते यज्ञं गोपाय यद् उद् उद्वत उन् निवतः शकेयम् इति

vimṛgvarīṃ ityupaviśyāsanīyaṃ brahmajapaṃ japati bṛhaspatir brahmā brahmasadana āsiṣyate bṛhaspate yajñaṃ gopāya yad ud udvata un nivataḥ śakeyam iti

1.3.9

दर्भैः स्रुवं निर्मृज्य निष्टप्तं रक्षो निष्टप्ता अरातयः प्रत्युष्टं रक्षः प्रत्युष्टा अरातयः इति प्रतप्य मूले स्रुवं गृहीत्वा जपति विष्णोर् हस्तो ऽसि दक्षिणः पूष्णा दत्तो बृहस्पतेः तं त्वाहं स्रुवम् आ ददे देवानां हव्यवाहनम् अयं स्रुवो वि दधाति होमान् शताक्षरछन्दसा जागतेन सर्वा यज्ञस्य समनक्ति विष्ठा बार्हस्पत्येष्टिः शर्मणा दैव्येन इति

darbhaiḥ sruvaṃ nirmṛjya niṣṭaptaṃ rakṣo niṣṭaptā arātayaḥ pratyuṣṭaṃ rakṣaḥ pratyuṣṭā arātayaḥ iti pratapya mūle sruvaṃ gṛhītvā japati viṣṇor hasto 'si dakṣiṇaḥ pūṣṇā datto bṛhaspateḥ taṃ tvāhaṃ sruvam ā dade devānāṃ havyavāhanam ayaṃ sruvo vi dadhāti homān śatākṣarachandasā jāgatena sarvā yajñasya samanakti viṣṭhā bārhaspatyeṣṭiḥ śarmaṇā daivyena iti

1.3.10

ॐ भूः शं भूत्यै त्वा गृह्णे भूतये इति प्रथमं ग्रहं गृह्णाति

oṃ bhūḥ śaṃ bhūtyai tvā gṛhṇe bhūtaye iti prathamaṃ grahaṃ gṛhṇāti

1.3.11

ॐ भुवः शं पुष्ट्यै त्वा गृह्णे पुष्टये इति द्वितीयम्

oṃ bhuvaḥ śaṃ puṣṭyai tvā gṛhṇe puṣṭaye iti dvitīyam

1.3.12

ॐ स्वः शं त्वा गृह्णे सहस्रपोषाय इति तृतीयम्

oṃ svaḥ śaṃ tvā gṛhṇe sahasrapoṣāya iti tṛtīyam

1.3.13

ॐ जगच्छं त्वा गृह्णे ऽपरिमितपोषाय इति चतुर्थम्

oṃ jagacchaṃ tvā gṛhṇe 'parimitapoṣāya iti caturtham

1.3.14

राजकर्माभिचारिकेषु अमुष्य त्वा प्राणाय गृह्णे ऽपानाय व्यानाय समानायोदानाय इति पञ्चमम्

rājakarmābhicārikeṣu amuṣya tvā prāṇāya gṛhṇe 'pānāya vyānāya samānāyodānāya iti pañcamam

1.3.15

अग्नाव् अग्निः हृदा पूतम् पुरस्ताद् युक्तः यज्ञस्य चक्षुः इति जुहोति

agnāv agniḥ hṛdā pūtam purastād yuktaḥ yajñasya cakṣuḥ iti juhoti

1.3.16

पश्चाद् अग्नेर् मध्यदेशे समानत्र पुरस्ताद्धोमान्

paścād agner madhyadeśe samānatra purastāddhomān

1.3.17

दक्षिणेनाग्निम् उदपात्र आज्याहुतीनां संपातान् आनयति

dakṣiṇenāgnim udapātra ājyāhutīnāṃ saṃpātān ānayati

1.3.18

पुरस्ताद्धोम आज्यभागः संस्थितहोमः समृद्धिः शान्तानाम्

purastāddhoma ājyabhāgaḥ saṃsthitahomaḥ samṛddhiḥ śāntānām

Kauśikasūtra