Dharmalib

Kāṭhakasaṃhitā

yajurveda

Notable Lemmas:

agni (414 Occurences)bhū (372 Occurences)

2021–2040 of 5437 verses

9.16.4

तं मनसानूद्द्रुत्याजुहोत्

taṃ manasānūddrutyājuhot

9.16.5

तेन यज्ञम् असृजत

tena yajñam asṛjata

9.16.6

सो ऽस्माद् यज्ञस् सृष्टः पराङ् ऐत्

so 'smād yajñas sṛṣṭaḥ parāṅ ait

9.16.7

तं ग्रहेणानूद्द्रुत्यागृह्णात्

taṃ graheṇānūddrutyāgṛhṇāt

9.16.8

तद् ग्रहस्य ग्रहत्वम्

tad grahasya grahatvam

9.16.9

दीक्षिष्यमाणस् सप्तहोत्रा पुरस्ताज् जुहुयात्

dīkṣiṣyamāṇas saptahotrā purastāj juhuyāt

9.16.10

यज्ञम् एव सृष्ट्वालभ्य प्रतनुते

yajñam eva sṛṣṭvālabhya pratanute

9.16.11

ग्रहो भवति

graho bhavati

9.16.12

यज्ञस्य सृष्टस्य धृत्यै

yajñasya sṛṣṭasya dhṛtyai

9.16.13

यज्ञं सृष्ट्वा सो ऽकामयत

yajñaṃ sṛṣṭvā so 'kāmayata

9.16.14

दर्शपूर्णमासौ सृजेयेति

darśapūrṇamāsau sṛjeyeti

9.16.15

स एतं चतुर्होतारम् अपश्यत्

sa etaṃ caturhotāram apaśyat

9.16.16

तं मनसानूद्द्रुत्याजुहोत्

taṃ manasānūddrutyājuhot

9.16.17

तेन दर्शपूर्णमासा असृजत

tena darśapūrṇamāsā asṛjata

9.16.18

ता अस्माद् दर्शपूर्णमासौ सृष्टौ पराञ्चा ऐताम्

tā asmād darśapūrṇamāsau sṛṣṭau parāñcā aitām

9.16.19

तौ ग्रहेणानूद्द्रुत्यागृह्णात्

tau graheṇānūddrutyāgṛhṇāt

9.16.20

तद् ग्रहस्य ग्रहत्वम्

tad grahasya grahatvam

9.16.21

दर्शपूर्णमासा आलप्स्यमानश् चतुर्होत्रा पुरस्ताज् जुहुयात्

darśapūrṇamāsā ālapsyamānaś caturhotrā purastāj juhuyāt

9.16.22

दर्शपूर्णमासा एव सृष्ट्वालभ्य प्रतनुते

darśapūrṇamāsā eva sṛṣṭvālabhya pratanute

9.16.23

ग्रहो भवति

graho bhavati