Kaiyadevanighaṇṭu

āyurveda

Notable Lemmas:

kapha (25 Occurences)uṣṇa (22 Occurences)viṣa (21 Occurences)pitta (20 Occurences)tikta (18 Occurences)laghu (17 Occurences)kaṭuka (17 Occurences)kuṣṭha (17 Occurences)pāka (16 Occurences)

101–120 of 297 verses

2.51

गैरिको मधुरः स्निग्धो विशदस्तुवरो हिमः

gairiko madhuraḥ snigdho viśadastuvaro himaḥ

2.51.2

चक्षुष्यो दाहहृल्लासकफपित्तविषापहः

cakṣuṣyo dāhahṛllāsakaphapittaviṣāpahaḥ

2.52

सुवर्णगैरिकं तद्वत् चक्षुष्यं वमिवातनुत्

suvarṇagairikaṃ tadvat cakṣuṣyaṃ vamivātanut

2.52.2

तुत्थं कर्परिकातुत्थम् अमृतासङ्गमेव च

tutthaṃ karparikātuttham amṛtāsaṅgameva ca

2.53

अन्यद् वितुन्नकं दृश्यं किटिभं हेमतारकम्

anyad vitunnakaṃ dṛśyaṃ kiṭibhaṃ hematārakam

2.53.2

मयूरग्रीवकं चान्यत् खर्परं कर्परी तथा

mayūragrīvakaṃ cānyat kharparaṃ karparī tathā

2.54

तुत्थकं कटुकं क्षारं कषायं विशदं लघु

tutthakaṃ kaṭukaṃ kṣāraṃ kaṣāyaṃ viśadaṃ laghu

2.54.2

लेखनं भेदनं शीतं चक्षुष्यं कफजन्तुजित्

lekhanaṃ bhedanaṃ śītaṃ cakṣuṣyaṃ kaphajantujit

2.55

विषाश्मकुष्ठकण्डूघ्नं तद्गुणं कार्परं स्मृतम्

viṣāśmakuṣṭhakaṇḍūghnaṃ tadguṇaṃ kārparaṃ smṛtam

2.55.2

मयूरग्रीवसंकाशं घृतगोक्षीरसंनिभम्

mayūragrīvasaṃkāśaṃ ghṛtagokṣīrasaṃnibham

2.56

आयसे चामलसंयुक्ते घृष्टं ताम्रसमं भवेत्

āyase cāmalasaṃyukte ghṛṣṭaṃ tāmrasamaṃ bhavet

2.56.2

अप्सु संप्लवते चापि मायूरं तुत्थलक्षणम्

apsu saṃplavate cāpi māyūraṃ tutthalakṣaṇam

2.57

पारावतकपोताभं भिन्नं वह्निसमप्रभम्

pārāvatakapotābhaṃ bhinnaṃ vahnisamaprabham

2.57.2

रौप्यानुकारि यत्सत्त्वं तुत्थं चक्षुष्यमुत्तमम्

raupyānukāri yatsattvaṃ tutthaṃ cakṣuṣyamuttamam

2.58

काशीशं धातुकाशीशं शोधनं खेचरं तथा

kāśīśaṃ dhātukāśīśaṃ śodhanaṃ khecaraṃ tathā

2.58.2

द्वितीयं पुष्पकाशीशं लोमशं च मलीमसम्

dvitīyaṃ puṣpakāśīśaṃ lomaśaṃ ca malīmasam

2.59

काशीशमम्लं सक्षारं कषायोष्णं दृशोर्हितम्

kāśīśamamlaṃ sakṣāraṃ kaṣāyoṣṇaṃ dṛśorhitam

2.59.2

तिक्तं केश्यं विषश्वित्रसकृच्छ्राश्मकफापहम्

tiktaṃ keśyaṃ viṣaśvitrasakṛcchrāśmakaphāpaham

2.60

याती हिङ्गुलकं रक्तं पार्वतं चूर्णपारदम्

yātī hiṅgulakaṃ raktaṃ pārvataṃ cūrṇapāradam

2.61

मणिरागकरं म्लेच्छं गैरिकं हंसपादिकम्

maṇirāgakaraṃ mlecchaṃ gairikaṃ haṃsapādikam