Kaiyadevanighaṇṭu

āyurveda

Notable Lemmas:

kapha (25 Occurences)uṣṇa (22 Occurences)viṣa (21 Occurences)pitta (20 Occurences)tikta (18 Occurences)laghu (17 Occurences)kaṭuka (17 Occurences)kuṣṭha (17 Occurences)pāka (16 Occurences)

41–60 of 297 verses

2.21

रूक्षं दृश्यं कफश्वासपाण्डुताकफवातजित्

rūkṣaṃ dṛśyaṃ kaphaśvāsapāṇḍutākaphavātajit

2.21.2

मेहघ्नं पित्तलं किंचित् तद्वद् विद्याद् भुजंगकम्

mehaghnaṃ pittalaṃ kiṃcit tadvad vidyād bhujaṃgakam

2.22

अयः कालायसं तीक्ष्णं पिण्डं पारवसं घनम्

ayaḥ kālāyasaṃ tīkṣṇaṃ piṇḍaṃ pāravasaṃ ghanam

2.22.2

लोहं कृष्णं घनलोहं वीरं चीमरम् आयसम्

lohaṃ kṛṣṇaṃ ghanalohaṃ vīraṃ cīmaram āyasam

2.23

शस्त्रकुण्ठं चाश्मसारो रक्षणं समयान्तकम्

śastrakuṇṭhaṃ cāśmasāro rakṣaṇaṃ samayāntakam

2.23.2

सिंहानं लोहविष्ठा तु मण्डूरं स्याद् अयोमलः

siṃhānaṃ lohaviṣṭhā tu maṇḍūraṃ syād ayomalaḥ

2.24

सिङ्घाणकं लोहकिट्टं शस्त्रचूर्णमयोरजः

siṅghāṇakaṃ lohakiṭṭaṃ śastracūrṇamayorajaḥ

2.24.2

लोहं तिक्तं सरं शीतं कषायं मधुरं गुरु

lohaṃ tiktaṃ saraṃ śītaṃ kaṣāyaṃ madhuraṃ guru

2.25

रूक्षं वयस्यं चक्षुष्यं लेखनं वातलं जयेत्

rūkṣaṃ vayasyaṃ cakṣuṣyaṃ lekhanaṃ vātalaṃ jayet

2.25.2

कफपित्तं गरं शूलं शोफार्शःकुष्ठपाण्डुताः

kaphapittaṃ garaṃ śūlaṃ śophārśaḥkuṣṭhapāṇḍutāḥ

2.26

मेहमेदःकृमींस्तेषां किट्टं तद्वद्यथायसम्

mehamedaḥkṛmīṃsteṣāṃ kiṭṭaṃ tadvadyathāyasam

2.26.2

अयस्कान्तं तीक्ष्णशीतं मेहमारुतपाण्डुजित्

ayaskāntaṃ tīkṣṇaśītaṃ mehamārutapāṇḍujit

2.27

वयसः स्थापनं वृष्यं शोफकुष्ठगरं जयेत्

vayasaḥ sthāpanaṃ vṛṣyaṃ śophakuṣṭhagaraṃ jayet

2.27.2

रसेन्द्रः पारदः सूतो हेमबीजं रजस्वलः

rasendraḥ pāradaḥ sūto hemabījaṃ rajasvalaḥ

2.28

त्रिलोचनो हेमनिधिः शिवपुत्रो रसोत्तमः

trilocano hemanidhiḥ śivaputro rasottamaḥ

2.28.2

रसलोहं लोकनाथो ज्ञानरेतो महानलः

rasalohaṃ lokanātho jñānareto mahānalaḥ

2.29

पारदः कृमिकुष्ठघ्नः चक्षुष्यश्च रसायनम्

pāradaḥ kṛmikuṣṭhaghnaḥ cakṣuṣyaśca rasāyanam

2.29.2

अभ्रकं चाभ्रपटलं निर्मलं वरपीतकम्

abhrakaṃ cābhrapaṭalaṃ nirmalaṃ varapītakam

2.30

मेधाह्वं पीतकं शुभ्रं गिरिजं गिरिजामलम्

medhāhvaṃ pītakaṃ śubhraṃ girijaṃ girijāmalam

2.30.2

अभ्रकं मधुरं शीतं कषायं गुरु धातुकृत्

abhrakaṃ madhuraṃ śītaṃ kaṣāyaṃ guru dhātukṛt