Kaiyadevanighaṇṭu

āyurveda

Notable Lemmas:

kapha (25 Occurences)uṣṇa (22 Occurences)viṣa (21 Occurences)pitta (20 Occurences)tikta (18 Occurences)laghu (17 Occurences)kaṭuka (17 Occurences)kuṣṭha (17 Occurences)pāka (16 Occurences)

281–297 of 297 verses

2.141.2

माणिक्यं शस्यको ज्ञेयो रत्नं वसुमणिस्तथा

māṇikyaṃ śasyako jñeyo ratnaṃ vasumaṇistathā

2.142

पौतिकं मौक्तिकं मुक्ता मुक्ताफलरसोद्भवे

pautikaṃ mauktikaṃ muktā muktāphalarasodbhave

2.142.2

गारुत्मतं मरकतम् अश्मगर्भो हरिन्मणिः

gārutmataṃ marakatam aśmagarbho harinmaṇiḥ

2.143

वज्राह्वपद्मरागेन्द्रनीलवैदूर्यविद्रुमाः

vajrāhvapadmarāgendranīlavaidūryavidrumāḥ

2.143.2

अर्केन्दुकान्तमणयौ मुक्तामरकतादयः

arkendukāntamaṇayau muktāmarakatādayaḥ

2.144

कषाया मधुराः शीताश्चक्षुष्या लेखनाः सराः

kaṣāyā madhurāḥ śītāścakṣuṣyā lekhanāḥ sarāḥ

2.144.2

मङ्गल्या धारणात्ते तु पापालक्ष्मीविषापहाः

maṅgalyā dhāraṇātte tu pāpālakṣmīviṣāpahāḥ

2.145

राजावर्तः कृष्णमणिः सुवर्णाभो घनप्रभः

rājāvartaḥ kṛṣṇamaṇiḥ suvarṇābho ghanaprabhaḥ

2.145.2

प्रमेहनाशकृच्छर्दिरोगघ्नो राजवर्तकः

pramehanāśakṛcchardirogaghno rājavartakaḥ

2.146

वज्रतुल्यगुणो हृद्यो वैक्रान्तो विषनाशनः

vajratulyaguṇo hṛdyo vaikrānto viṣanāśanaḥ

2.146.2

कुष्ठक्षयज्वरहरो देहलोहकरः स्मृतः

kuṣṭhakṣayajvaraharo dehalohakaraḥ smṛtaḥ

2.147

मङ्कोलूकः शिलाधातुः श्यामशुक्ला सिता खटी

maṅkolūkaḥ śilādhātuḥ śyāmaśuklā sitā khaṭī

2.147.2

नाडीतरङ्गकश्चान्यो धवलः पाण्डुरः स्मृतः

nāḍītaraṅgakaścānyo dhavalaḥ pāṇḍuraḥ smṛtaḥ

2.148

खटिका मधुरा शोफविषदाहास्रजित्

khaṭikā madhurā śophaviṣadāhāsrajit

2.148.2

अन्यः क्षीरपाकश्चान्यः सुधापाषाणको मतः

anyaḥ kṣīrapākaścānyaḥ sudhāpāṣāṇako mataḥ

2.149

नानाधातुमयी कारा वालुका सिकता मता

nānādhātumayī kārā vālukā sikatā matā

2.149.2

प्रलोभिनी लोकमाता सूक्ष्मा स्वर्णसमुद्भवा

pralobhinī lokamātā sūkṣmā svarṇasamudbhavā