Kaiyadevanighaṇṭu

āyurveda

Notable Lemmas:

kapha (25 Occurences)uṣṇa (22 Occurences)viṣa (21 Occurences)pitta (20 Occurences)tikta (18 Occurences)laghu (17 Occurences)kaṭuka (17 Occurences)kuṣṭha (17 Occurences)pāka (16 Occurences)

181–200 of 297 verses

2.91.2

शार्दूलजं व्याघ्रनखं व्यालप्रहरणं नखम्

śārdūlajaṃ vyāghranakhaṃ vyālapraharaṇaṃ nakham

2.92

व्याघ्राङ्घ्रिजं व्याघ्रतलं कूटस्थं चक्रकारकम्

vyāghrāṅghrijaṃ vyāghratalaṃ kūṭasthaṃ cakrakārakam

2.92.2

शार्दूलं पौरसं पौरं

śārdūlaṃ paurasaṃ pauraṃ

2.93

नखद्वयं लघु स्वादु कटुकं रसपाकयोः

nakhadvayaṃ laghu svādu kaṭukaṃ rasapākayoḥ

2.93.2

तिक्तोष्णं शुक्रलं वर्ण्यं हृद्यं हन्ति कफानिलौ

tiktoṣṇaṃ śukralaṃ varṇyaṃ hṛdyaṃ hanti kaphānilau

2.94

विषकुष्ठनखस्वेददौर्गन्ध्याश्रोग्रहज्वरान्

viṣakuṣṭhanakhasvedadaurgandhyāśrograhajvarān

2.94.2

सैन्धवं रुचकं कृष्णं विडं सामुद्रमौद्भिदम्

saindhavaṃ rucakaṃ kṛṣṇaṃ viḍaṃ sāmudramaudbhidam

2.95

रोमकं पांशुजं चेति लवणाष्टकमुच्यते

romakaṃ pāṃśujaṃ ceti lavaṇāṣṭakamucyate

2.95.2

लवणं लवणं सर्वं पाचनं रोचनं मृदु

lavaṇaṃ lavaṇaṃ sarvaṃ pācanaṃ rocanaṃ mṛdu

2.96

मधुरं सृष्टविण्मूत्रं स्निग्धरूक्षं बलापहम्

madhuraṃ sṛṣṭaviṇmūtraṃ snigdharūkṣaṃ balāpaham

2.96.2

वीर्योष्णं दीपनं तीक्ष्णं कफपित्तविवर्धनम्

vīryoṣṇaṃ dīpanaṃ tīkṣṇaṃ kaphapittavivardhanam

2.97

विदाहि गुर्वभिष्यन्दि गुल्मोदावर्तशूलजित्

vidāhi gurvabhiṣyandi gulmodāvartaśūlajit

2.97.2

सैन्धवं प्रवरं तेषां मधुरं रसपाकयोः

saindhavaṃ pravaraṃ teṣāṃ madhuraṃ rasapākayoḥ

2.98

सैन्धवं सिन्धु सिन्धूत्थं नादेयं विमलं वरम्

saindhavaṃ sindhu sindhūtthaṃ nādeyaṃ vimalaṃ varam

2.98.2

शिवं शीतशिवं शुद्धं सिन्धुजं लवणं परम्

śivaṃ śītaśivaṃ śuddhaṃ sindhujaṃ lavaṇaṃ param

2.99

शिलात्मकं मणिमन्थं धौतेयं च पटूत्तमम्

śilātmakaṃ maṇimanthaṃ dhauteyaṃ ca paṭūttamam

2.99.2

सैन्धवं लवणं स्वादु दीपनं पाचनं लघु

saindhavaṃ lavaṇaṃ svādu dīpanaṃ pācanaṃ laghu

2.100

स्निग्धं रुच्यं हिमं वृष्यं सूक्ष्मं नेत्र्यं त्रिदोषहृत्

snigdhaṃ rucyaṃ himaṃ vṛṣyaṃ sūkṣmaṃ netryaṃ tridoṣahṛt

2.100.2

सौवर्चलं हृद्यगन्धं सुगन्धि रुचकं स्मृतम्

sauvarcalaṃ hṛdyagandhaṃ sugandhi rucakaṃ smṛtam

2.101

सौगन्धिकं च जरणम् अक्षम् अन्यद् अगन्धिकम्

saugandhikaṃ ca jaraṇam akṣam anyad agandhikam