4.6.8

अथ होवाच कतमो वस् तद् वेद यथा गायत्र्या उत्तमे अक्षरे पुनर् यज्ञम् अपिगच्छत इति

atha hovāca katamo vas tad veda yathā gāyatryā uttame akṣare punar yajñam apigacchata iti

4.6.9

अथ होवाच कतमो वस् तद् वेद यथा दक्षिणाः प्रतिगृहीता न हिंसन्तीति

atha hovāca katamo vas tad veda yathā dakṣiṇāḥ pratigṛhītā na hiṃsantīti

4.7.1

एतान् हैनान् पञ्च प्रश्नान् पप्रच्छ

etān hainān pañca praśnān papraccha

4.7.2

तेषां ह कुरुपञ्चालानाम् बको दाल्भ्यो ऽनूचान आस

teṣāṃ ha kurupañcālānām bako dālbhyo 'nūcāna āsa

4.7.3

स होवाच यथाश्रावितप्रत्याश्राविते देवान् गच्छत इति प्राच्यां वै राजन् दिश्य् आश्रावितप्रत्याश्राविते देवान् गच्छतः

sa hovāca yathāśrāvitapratyāśrāvite devān gacchata iti prācyāṃ vai rājan diśy āśrāvitapratyāśrāvite devān gacchataḥ

4.7.3.2

तस्मात् प्राङ् तिष्ठन्न् आश्रावयति प्राङ् तिष्ठन् प्रत्याश्रावयतीति

tasmāt prāṅ tiṣṭhann āśrāvayati prāṅ tiṣṭhan pratyāśrāvayatīti

4.7.4

अथ होवाच यद्विदुषः सूद्गाता सुहोता स्वध्वर्युः सुमानुषविद् आजायत इति यो वै मनुष्यस्य सम्भूतिं वेदेति होवाच तस्य सूद्गाता सुहोता स्वध्वर्युः सुमानुषविद् आजायत इति प्राणा उ ह वाव राजन् मनुष्यस्य सम्भूतिर् एवेति

atha hovāca yadviduṣaḥ sūdgātā suhotā svadhvaryuḥ sumānuṣavid ājāyata iti yo vai manuṣyasya sambhūtiṃ vedeti hovāca tasya sūdgātā suhotā svadhvaryuḥ sumānuṣavid ājāyata iti prāṇā u ha vāva rājan manuṣyasya sambhūtir eveti

4.7.5

अथ होवाच यच् छन्दांसि प्रयुज्यन्ते यत् तानि सर्वाणि संस्तुतान्य् अभिसंपद्यन्त इति गायत्रीम् उ ह वाव राजन् सर्वाणि छन्दांसि संस्तुतान्य् अभिसंपद्यन्त इति

atha hovāca yac chandāṃsi prayujyante yat tāni sarvāṇi saṃstutāny abhisaṃpadyanta iti gāyatrīm u ha vāva rājan sarvāṇi chandāṃsi saṃstutāny abhisaṃpadyanta iti

4.7.6

अथ होवाच यथा गायत्र्या उत्तमे अक्षरे पुनर् यज्ञम् अपिगच्छत इति वषट्कारेणो ह वाव राजन् गायत्र्या उत्तमे अक्षरे पुनर् यज्ञम् अपिगच्छत इति

atha hovāca yathā gāyatryā uttame akṣare punar yajñam apigacchata iti vaṣaṭkāreṇo ha vāva rājan gāyatryā uttame akṣare punar yajñam apigacchata iti

4.7.7

अथ होवाच यथा दक्षिणाः प्रतिगृहीता न हिंसन्तीति

atha hovāca yathā dakṣiṇāḥ pratigṛhītā na hiṃsantīti

4.8.1

यो वै गायत्र्यै मुखं वेदेति होवाच तं दक्षिणा प्रतिगृहीता न हिंसन्तीति

yo vai gāyatryai mukhaṃ vedeti hovāca taṃ dakṣiṇā pratigṛhītā na hiṃsantīti

4.8.2

अग्निर् ह वाव राजन् गायत्रीमुखम्

agnir ha vāva rājan gāyatrīmukham

4.8.2.2

तस्माद् यद् अग्नाव् अभ्यादधाति भूयान् एव स तेन भवति वर्धते

tasmād yad agnāv abhyādadhāti bhūyān eva sa tena bhavati vardhate

4.8.2.3

एवम् एवैवं विद्वान् ब्राह्मणः प्रतिगृह्णन् भूयान् एव भवति वर्धत उ

evam evaivaṃ vidvān brāhmaṇaḥ pratigṛhṇan bhūyān eva bhavati vardhata u

4.8.3

स होवाचानूचानो वै किलायम् ब्राह्मण आस

sa hovācānūcāno vai kilāyam brāhmaṇa āsa

4.8.3.2

त्वाम् अहम् अनेन यज्ञेनैमीति

tvām aham anena yajñenaimīti

4.8.4

तस्य वै ते तथोद्गास्यामीति होवाच यथैकराड् एव भूत्वा स्वर्गं लोकम् एष्यसीति

tasya vai te tathodgāsyāmīti hovāca yathaikarāḍ eva bhūtvā svargaṃ lokam eṣyasīti

4.8.5

तस्मा एतेन गायत्रेणोद्गीथेनोज्जगौ

tasmā etena gāyatreṇodgīthenojjagau

4.8.5.2

स हैकराड् एव भूत्वा स्वर्गं लोकम् इयाय

sa haikarāḍ eva bhūtvā svargaṃ lokam iyāya

4.8.5.3

तेन हैतेनैकराड् एव भूत्वा स्वर्गं लोकम् एति य एवं वेद

tena haitenaikarāḍ eva bhūtvā svargaṃ lokam eti ya evaṃ veda