3.39.6

एतस्य ह वा इदम् अक्षरस्य क्रतोः शुभ्रम् इत्य् आचक्षते

etasya ha vā idam akṣarasya kratoḥ śubhram ity ācakṣate

3.39.7

एतस्य ह वा इदम् अक्षरस्य क्रतोर् वृषभ इत्य् आचक्षते

etasya ha vā idam akṣarasya krator vṛṣabha ity ācakṣate

3.39.8

एतस्य ह वा इदम् अक्षरस्य क्रतोर् दर्भ इत्य् आचक्षते

etasya ha vā idam akṣarasya krator darbha ity ācakṣate

3.39.9

एतस्य ह वा इदम् अक्षरस्य क्रतोर् यो भातीत्य् आचक्षते

etasya ha vā idam akṣarasya krator yo bhātīty ācakṣate

3.39.10

एतस्य ह वा इदम् अक्षरस्य क्रतोः सम्भवतीत्य् आचक्षते

etasya ha vā idam akṣarasya kratoḥ sambhavatīty ācakṣate

3.39.11

तद् यत् किं च भा३ इति च भा३ इति च तद् एतन् मिथुनं गायत्रम्

tad yat kiṃ ca bhā3 iti ca bhā3 iti ca tad etan mithunaṃ gāyatram

3.39.11.2

प्र मिथुनेन जायते य एवं

mithunena jāyate ya evaṃ veda

3.40.1

तद् एतद् अमृतं गायत्रम्

tad etad amṛtaṃ gāyatram

3.40.1.2

एतेन वै प्रजापतिर् अमृतत्वम् अगच्छद् एतेन देवा एतेनर्षयः

etena vai prajāpatir amṛtatvam agacchad etena devā etenarṣayaḥ

3.40.2

तद् एतद् ब्रह्म प्रजापतये ऽब्रवीत् प्रजापतिः परमेष्ठिने प्राजापत्याय परमेष्ठी प्राजापत्यो देवाय सवित्रे देवः सविताग्नये ऽग्निर् इन्द्रायेन्द्रः काश्यपाय काश्यप ऋश्यशृङ्गाय काश्यपायर्श्यशृङ्गः काश्यपो देवतरसे श्यावसायनाय काश्यपाय देवतराः श्यावसायनः काश्यपः श्रुषाय वाह्नेयाय काश्यपाय श्रुषो वाह्नेयः काश्यप इन्द्रोताय दैवापाय शौनकायेन्द्रोतो दैवापः शौनको दृतय ऐन्द्रोतये शौनकाय दृतिर् ऐन्द्रोतिः शौनकः पुलुषाय प्राचीनयोग्याय पुलुषः प्राचीनयोग्यः सत्ययज्ञाय पौलुषये प्राचीनयोग्याय सत्ययज्ञः पौलुषिः प्राचीनयोग्यः सोमशुष्माय सात्ययज्ञये प्राचीनयोग्याय सोमशुष्मः सात्ययज्ञिः प्राचीनयोग्यो हृत्स्वाशयायाल्लकेयाय माहावृषाय राज्ञे हृत्स्वाशय आल्लकेयो माहावृषो राजा जनश्रुताय काण्ड्वियाय जनश्रुतः काण्ड्वियः सायकाय जानश्रुतेयाय काण्ड्वियाय सायको जानश्रुतेयः काण्ड्वियो नगरिणे जानश्रुतेयाय काण्ड्वियाय नगरी जानश्रुतेयः काण्ड्वियः शङ्गाय शाट्यायनय आत्रेयाय शङ्गः शाट्यायनिर् आत्रेयो रामाय क्रातुजातेयाय वैयाघ्रपद्याय रामः क्रातुजातेयो वैयाघ्रपद्यः

tad etad brahma prajāpataye 'bravīt prajāpatiḥ parameṣṭhine prājāpatyāya parameṣṭhī prājāpatyo devāya savitre devaḥ savitāgnaye 'gnir indrāyendraḥ kāśyapāya kāśyapa ṛśyaśṛṅgāya kāśyapāyarśyaśṛṅgaḥ kāśyapo devatarase śyāvasāyanāya kāśyapāya devatarāḥ śyāvasāyanaḥ kāśyapaḥ śruṣāya vāhneyāya kāśyapāya śruṣo vāhneyaḥ kāśyapa indrotāya daivāpāya śaunakāyendroto daivāpaḥ śaunako dṛtaya aindrotaye śaunakāya dṛtir aindrotiḥ śaunakaḥ puluṣāya prācīnayogyāya puluṣaḥ prācīnayogyaḥ satyayajñāya pauluṣaye prācīnayogyāya satyayajñaḥ pauluṣiḥ prācīnayogyaḥ somaśuṣmāya sātyayajñaye prācīnayogyāya somaśuṣmaḥ sātyayajñiḥ prācīnayogyo hṛtsvāśayāyāllakeyāya māhāvṛṣāya rājñe hṛtsvāśaya āllakeyo māhāvṛṣo rājā janaśrutāya kāṇḍviyāya janaśrutaḥ kāṇḍviyaḥ sāyakāya jānaśruteyāya kāṇḍviyāya sāyako jānaśruteyaḥ kāṇḍviyo nagariṇe jānaśruteyāya kāṇḍviyāya nagarī jānaśruteyaḥ kāṇḍviyaḥ śaṅgāya śāṭyāyanaya ātreyāya śaṅgaḥ śāṭyāyanir ātreyo rāmāya krātujāteyāya vaiyāghrapadyāya rāmaḥ krātujāteyo vaiyāghrapadyaḥ

3.41.1

शङ्खाय बाभ्रव्याय शङ्खो बाभ्रव्यो दक्षाय कात्यायनय आत्रेयाय दक्षः कात्यायनिर् आत्रेयः कंसाय वारकये कंसो वारकिः प्रोष्ठपादाय वारक्याय प्रोष्ठपादो वारक्यः कंसाय वारक्याय कंसो वारक्यो जयन्ताय वारक्याय जयन्तो वारक्यः कुबेराय वारक्याय कुबेरो वारक्यो जयन्ताय वारक्याय जयन्तो वारक्यो जनश्रुताय वारक्याय जनश्रुतो वारक्यः सुदत्ताय पाराशर्याय सुदत्तः पाराशर्यो ऽषाढायोत्तराय पाराशर्यायाषाढ उत्तरः पाराशर्यो विपश्चिते शकुनिमित्राय पाराशर्याय विपश्चिच्छकुनिमित्रः पाराशर्यो जयन्ताय पाराशर्याय जयन्तः पाराशर्यः

śaṅkhāya bābhravyāya śaṅkho bābhravyo dakṣāya kātyāyanaya ātreyāya dakṣaḥ kātyāyanir ātreyaḥ kaṃsāya vārakaye kaṃso vārakiḥ proṣṭhapādāya vārakyāya proṣṭhapādo vārakyaḥ kaṃsāya vārakyāya kaṃso vārakyo jayantāya vārakyāya jayanto vārakyaḥ kuberāya vārakyāya kubero vārakyo jayantāya vārakyāya jayanto vārakyo janaśrutāya vārakyāya janaśruto vārakyaḥ sudattāya pārāśaryāya sudattaḥ pārāśaryo 'ṣāḍhāyottarāya pārāśaryāyāṣāḍha uttaraḥ pārāśaryo vipaścite śakunimitrāya pārāśaryāya vipaścicchakunimitraḥ pārāśaryo jayantāya pārāśaryāya jayantaḥ pārāśaryaḥ

3.42.1

श्यामजयन्ताय लौहित्याय श्यामजयन्तो लौहित्यः पल्लिगुप्ताय लौहित्याय पल्लिगुप्तो लौहित्यः सत्यश्रवसे लौहित्याय सत्यश्रवा लौहित्यः कृष्णधृतये सात्यकये कृष्णधृतिः सात्यकिः श्यामसुजयन्ताय लौहित्याय श्यामसुजयन्तो लौहित्यः कृष्णदत्ताय लौहित्याय कृष्णदत्तो लौहित्यो मित्रभूतये लौहित्याय मित्रभूतिर् लौहित्यः श्यामजयन्ताय लौहित्याय श्यामजयन्तो लौहित्यस् त्रिवेदाय कृष्णराताय लौहित्याय त्रिवेदः कृष्णरातो लौहित्यो यशस्विने जयन्ताय लौहित्याय यशस्वी जयन्तो लौहित्यो जयकाय लौहित्याय जयको लौहित्यः कृष्णराताय लौहित्याय कृष्णरातो लौहित्यो दक्षजयन्ताय लौहित्याय दक्षजयन्तो लौहित्यो विपश्चिते दृढजयन्ताय लौहित्याय विपश्चिद् दृढजयन्तो लौहित्यो वैपश्चिताय दार्ढजयन्तये दृढजयन्ताय लौहित्याय वैपश्चितो दार्ढजयन्तिर् दृढजयन्तो लौहित्यो वैपश्चिताय दार्ढजयन्तये गुप्ताय लौहित्याय

śyāmajayantāya lauhityāya śyāmajayanto lauhityaḥ palliguptāya lauhityāya palligupto lauhityaḥ satyaśravase lauhityāya satyaśravā lauhityaḥ kṛṣṇadhṛtaye sātyakaye kṛṣṇadhṛtiḥ sātyakiḥ śyāmasujayantāya lauhityāya śyāmasujayanto lauhityaḥ kṛṣṇadattāya lauhityāya kṛṣṇadatto lauhityo mitrabhūtaye lauhityāya mitrabhūtir lauhityaḥ śyāmajayantāya lauhityāya śyāmajayanto lauhityas trivedāya kṛṣṇarātāya lauhityāya trivedaḥ kṛṣṇarāto lauhityo yaśasvine jayantāya lauhityāya yaśasvī jayanto lauhityo jayakāya lauhityāya jayako lauhityaḥ kṛṣṇarātāya lauhityāya kṛṣṇarāto lauhityo dakṣajayantāya lauhityāya dakṣajayanto lauhityo vipaścite dṛḍhajayantāya lauhityāya vipaścid dṛḍhajayanto lauhityo vaipaścitāya dārḍhajayantaye dṛḍhajayantāya lauhityāya vaipaścito dārḍhajayantir dṛḍhajayanto lauhityo vaipaścitāya dārḍhajayantaye guptāya lauhityāya

3.42.2

तद् एतद् अमृतं गायत्रम् अथ यान्य् अन्यानि गीतानि काम्यान्य् एव तानि काम्यान्य् एव तानि

tad etad amṛtaṃ gāyatram atha yāny anyāni gītāni kāmyāny eva tāni kāmyāny eva tāni

4.1.1

श्वेताश्वो दर्शतो हरिनीलो ऽसि हरितस्पृशः समानबुद्धो मा हिंसीः

śvetāśvo darśato harinīlo 'si haritaspṛśaḥ samānabuddho mā hiṃsīḥ

4.1.1.2

न मां त्वं वेत्थ प्रद्रव

na māṃ tvaṃ vettha pradrava

4.1.2

यद् अभ्यवचरणो ऽभ्यवैषि स्वपन्तम् पुरुषम् अकोविदम् अश्ममयेन वर्मणा वरुणो ऽन्तर्दधातु मा

yad abhyavacaraṇo 'bhyavaiṣi svapantam puruṣam akovidam aśmamayena varmaṇā varuṇo 'ntardadhātu mā

4.1.3

यद् अभ्यवचरणो ऽभ्यवैषि स्वपन्तम् पुरुषम् अकोविदम् अयस्मयेन वर्मणा वरुणो ऽन्तर्दधातु मा

yad abhyavacaraṇo 'bhyavaiṣi svapantam puruṣam akovidam ayasmayena varmaṇā varuṇo 'ntardadhātu mā

4.1.4

यद् अभ्यवचरणो ऽभ्यवैषि स्वपन्तम् पुरुषम् अकोविदं लोहमयेन वर्मणा वरुणो ऽन्तर्दधातु मा

yad abhyavacaraṇo 'bhyavaiṣi svapantam puruṣam akovidaṃ lohamayena varmaṇā varuṇo 'ntardadhātu mā

4.1.5

यद् अभ्यवचरणो ऽभ्यवैषि स्वपन्तम् पुरुषम् अकोविदं रजतमयेन वर्मणा वरुणो ऽन्तर्दधातु मा

yad abhyavacaraṇo 'bhyavaiṣi svapantam puruṣam akovidaṃ rajatamayena varmaṇā varuṇo 'ntardadhātu mā

4.1.6

यद् अभ्यवचरणो ऽभ्यवैषि स्वपन्तम् पुरुषम् अकोविदं सुवर्णमयेन वर्मणा वरुणो ऽन्तर्दधातु मा

yad abhyavacaraṇo 'bhyavaiṣi svapantam puruṣam akovidaṃ suvarṇamayena varmaṇā varuṇo 'ntardadhātu mā