1.9.1

अधीत्य वेदं स्नानम्

adhītya vedaṃ snānam

1.9.2

तद्व्याख्यास्यामः

tadvyākhyāsyāmaḥ

1.9.3

उदगयन आपूर्यमाणपक्षे रोहिण्यां मृगशिरसि तिष्य उत्तरयोः फल्गुन्योर्हस्ते चित्रायां विशाखयोर्वैतेषु स्नायात्

udagayana āpūryamāṇapakṣe rohiṇyāṃ mṛgaśirasi tiṣya uttarayoḥ phalgunyorhaste citrāyāṃ viśākhayorvaiteṣu snāyāt

1.9.4

यत्रापस्तद्गत्वाग्निमुपसमाधाय व्याहृतिपर्यन्तं कृत्वा पालाशीं समिधमादधातीमं स्तोममर्हते जातवेदसे रथम् इव संमहेमा मनीषया भद्रा हि नः प्रमतिरस्य संसद्य् अग्ने सख्ये मा रिषामा वयं तव स्वाहेति

yatrāpastadgatvāgnimupasamādhāya vyāhṛtiparyantaṃ kṛtvā pālāśīṃ samidhamādadhātīmaṃ stomamarhate jātavedase ratham iva saṃmahemā manīṣayā bhadrā hi naḥ pramatirasya saṃsady agne sakhye mā riṣāmā vayaṃ tava svāheti

1.9.5

अथ व्याहृतिभिर्जुहोति यथा पुरस्तात्

atha vyāhṛtibhirjuhoti yathā purastāt

1.9.6

त्र्यायुषं जमदग्नेः कश्यपस्य त्र्यायुषं यद्देवानां त्र्यायुषं तन्मे अस्तु त्र्यायुषं स्वाहा

tryāyuṣaṃ jamadagneḥ kaśyapasya tryāyuṣaṃ yaddevānāṃ tryāyuṣaṃ tanme astu tryāyuṣaṃ svāhā

1.9.7

इमं मे वरुण तत्त्वा यामि त्वं नो अग्ने स त्वं नो अग्ने त्वमग्ने अयासि प्रजापते यदस्य कर्मणो ऽत्यरीरिचम् इति चात्रैके जयाभ्यातानान् राष्ट्रभृत इत्युपजुह्वति यथा पुरस्तात्

imaṃ me varuṇa tattvā yāmi tvaṃ no agne sa tvaṃ no agne tvamagne ayāsi prajāpate yadasya karmaṇo 'tyarīricam iti cātraike jayābhyātānān rāṣṭrabhṛta ityupajuhvati yathā purastāt

1.9.8

ब्राह्मणानन्नेन परिविष्य पुण्याहं स्वस्त्ययनम् ऋद्धिम् इति वाचयित्वा व्रतं विसृजते ऽग्ने व्रतपते व्रतम् अचारिषम् इत्येतैः

brāhmaṇānannena pariviṣya puṇyāhaṃ svastyayanam ṛddhim iti vācayitvā vrataṃ visṛjate 'gne vratapate vratam acāriṣam ityetaiḥ

1.9.9

व्रतं विसृज्य उद् उ त्यं चित्रम् इति द्वाभ्याम् आदित्यम् उपतिष्ठते

vrataṃ visṛjya ud u tyaṃ citram iti dvābhyām ādityam upatiṣṭhate

1.9.10

उद् उत्तमं वरुण पाशम् अस्मद् इत्य् उत्तरीयं ब्रह्मचारिवासो निधायान्यत् परिधायावाधमम् इत्यन्तरीयं वि मध्यमम् इति मेखलाम् अथा वयम् आदित्य व्रत इति दण्डं मेखलां दण्डं कृष्णाजिनं चाप्सु प्रवेश्यापरेणाग्निं प्राङ्मुख उपविश्य क्षुरं संमृशति क्षुरो नामासि स्वधितिस्ते पिता नमस्ते अस्तु मा मा हिंसीर् इति

ud uttamaṃ varuṇa pāśam asmad ity uttarīyaṃ brahmacārivāso nidhāyānyat paridhāyāvādhamam ityantarīyaṃ vi madhyamam iti mekhalām athā vayam āditya vrata iti daṇḍaṃ mekhalāṃ daṇḍaṃ kṛṣṇājinaṃ cāpsu praveśyāpareṇāgniṃ prāṅmukha upaviśya kṣuraṃ saṃmṛśati kṣuro nāmāsi svadhitiste pitā namaste astu mā mā hiṃsīr iti

1.9.11

वप्त्रे प्रदायोन्दनीया अपो ऽभिमृशति शिवा नो भवथ संस्पृश इति

vaptre pradāyondanīyā apo 'bhimṛśati śivā no bhavatha saṃspṛśa iti

1.9.12

आप उन्दन्तु जीवसे दीर्घायुत्वाय वर्चस इति दक्षिणं गोदानमुनत्ति

āpa undantu jīvase dīrghāyutvāya varcasa iti dakṣiṇaṃ godānamunatti

1.9.13

ओषधे त्रायस्वैनम् इत्य् ऊर्ध्वाग्राम् ओषधिम् अन्तर्दधाति

oṣadhe trāyasvainam ity ūrdhvāgrām oṣadhim antardadhāti

1.9.14

स्वधिते मैनं हिंसीर् इति क्षुरेणाभिनिदधाति

svadhite mainaṃ hiṃsīr iti kṣureṇābhinidadhāti

1.9.15

देवश्रूर् एतानि प्रवप इति प्रवपति

devaśrūr etāni pravapa iti pravapati

1.9.16

यत्क्षुरेण मर्चयता सुपेशसा वप्तर्वपसि केशश्मश्रु वर्चया मुखं मा न आयुः प्रमोषीर् इति वप्तारं समीक्षते

yatkṣureṇa marcayatā supeśasā vaptarvapasi keśaśmaśru varcayā mukhaṃ mā na āyuḥ pramoṣīr iti vaptāraṃ samīkṣate

1.9.17

श्मश्रूण्यग्रे वापयते ऽथोपपक्षावथ केशान् अथ लोमान्यथ नखानि

śmaśrūṇyagre vāpayate 'thopapakṣāvatha keśān atha lomānyatha nakhāni

1.9.18

आनडुहे शकृत्पिण्डे संयम्य केशश्मश्रुलोमनखानीदम् अहम् अमुष्यामुष्यायणस्य पाप्मानमवगूहामीति गोष्ठ उदुम्बरे दर्भस्तम्बे वा निखनति यो ऽस्य रातिर्भवति

ānaḍuhe śakṛtpiṇḍe saṃyamya keśaśmaśrulomanakhānīdam aham amuṣyāmuṣyāyaṇasya pāpmānamavagūhāmīti goṣṭha udumbare darbhastambe vā nikhanati yo 'sya rātirbhavati

1.9.19

स्नायनीयेनोत्साद्यौदुम्बरेण दन्तान् प्रक्षालयते

snāyanīyenotsādyaudumbareṇa dantān prakṣālayate

1.10.1

अन्नाद्याय व्यूहध्वं दीर्घायुत्वाय व्यूहध्वं ब्रह्मवर्चसाय व्यूहध्वं दीर्घायुर् अहम् अन्नादो ब्रह्मवर्चसी भूयासमिति

annādyāya vyūhadhvaṃ dīrghāyutvāya vyūhadhvaṃ brahmavarcasāya vyūhadhvaṃ dīrghāyur aham annādo brahmavarcasī bhūyāsamiti

Hiraṇyakeśigṛhyasūtra