1.3.12

पर्यायम् अनुद्रुत्य तस्मै स्वाहा इति पूर्वाम् आहुतिम् जुहोति ताभ्यः स्वाहा इति उत्तराम्

paryāyam anudrutya tasmai svāhā iti pūrvām āhutim juhoti tābhyaḥ svāhā iti uttarām

1.3.13

अग्रेण उत्तरम् परिधि संधिम् अश्मानम् निधाय दक्षिणेन पादेन

agreṇa uttaram paridhi saṃdhim aśmānam nidhāya dakṣiṇena pādena

1.4.1

कुमारम् आस्थापयति आतिष्ठ इमम् अश्मानम् अश्मा इव त्वम् स्थिरः भव प्रमृणीहि दुरस्यून् सहस्व पृतनायतः इति

kumāram āsthāpayati ātiṣṭha imam aśmānam aśmā iva tvam sthiraḥ bhava pramṛṇīhi durasyūn sahasva pṛtanāyataḥ iti

1.4.2

अथ एनम् अहतम् वासः परिधापयति पूर्वम् निधाय याः अकृन्तन् अवयन् याः अतन्वत याः च देवीः अन्तान् अभितस् अददन्त ताः त्वा देवीः जरसा संव्ययन्तु आयुष्मान् इदम् परिधत्स्व वासः परिधत्त धत्त वाससा एनम् शत आयुषम् कृणुत दीर्घम् आयुः बृहस्पतिः प्रायच्छत् वासः एतत् सोमाय राज्ञे परिदातवै उ जराम् गच्छासि परिधत्स्व वासः भव कृष्टीनाम् अभिशस्ति पावा शतम् च जीव शरदः सु वर्चाः रायः च पोषम् उपसंव्ययस्व इति

atha enam ahatam vāsaḥ paridhāpayati pūrvam nidhāya yāḥ akṛntan avayan yāḥ atanvata yāḥ ca devīḥ antān abhitas adadanta tāḥ tvā devīḥ jarasā saṃvyayantu āyuṣmān idam paridhatsva vāsaḥ paridhatta dhatta vāsasā enam śata āyuṣam kṛṇuta dīrgham āyuḥ bṛhaspatiḥ prāyacchat vāsaḥ etat somāya rājñe paridātavai u jarām gacchāsi paridhatsva vāsaḥ bhava kṛṣṭīnām abhiśasti pāvā śatam ca jīva śaradaḥ su varcāḥ rāyaḥ ca poṣam upasaṃvyayasva iti

1.4.3

परिधाप्य अभिमन्त्रयते परि इदम् वासः अधिधाः स्वस्तये भूः आपीणाम् अभिशस्ति पावा शतम् च जीव शरदः पुरूचीः वसूनि चाय्यः विभज स जीवन् इति

paridhāpya abhimantrayate pari idam vāsaḥ adhidhāḥ svastaye bhūḥ āpīṇām abhiśasti pāvā śatam ca jīva śaradaḥ purūcīḥ vasūni cāyyaḥ vibhaja sa jīvan iti

1.4.4

अथ एनम् मेखलया नाभि देशे त्रिस् प्रदक्षिणम् परिव्ययति या दुरिता परिबाधमाना शर्म वरूथे पुनती नः आगात् प्राण अपानाभ्याम् बलम् आवहन्ती स्वसा देवानाम् सुभगा मेखला इयम् इति

atha enam mekhalayā nābhi deśe tris pradakṣiṇam parivyayati yā duritā paribādhamānā śarma varūthe punatī naḥ āgāt prāṇa apānābhyām balam āvahantī svasā devānām subhagā mekhalā iyam iti

1.4.5

द्विस् इति एके

dvis iti eke

1.4.6

उत्तरतस् नाभेः त्रिवृतम् ग्रन्थिम् कृत्वा दक्षिणतस् नाभेः परिकर्षति

uttaratas nābheḥ trivṛtam granthim kṛtvā dakṣiṇatas nābheḥ parikarṣati

1.4.7

अथ अस्मै अजिनम् उत्तरीयम् करोति मित्रस्य चक्षुः धरुणम् धरीयः तेजः यशस्वि स्थविरम् समिद्धम् अन् आहनस्यम् वसनम् जरिष्णु परि इदम् वाजी अजिनम् धत्स्व असौ अदितिः ते कक्षाम् बध्नातु वेदस्य अनुवक्तवै मेधायै श्रद्धायै अनूक्तस्य अ निराकरणाय ब्रह्मणे ब्रह्मवर्चसाय इति

atha asmai ajinam uttarīyam karoti mitrasya cakṣuḥ dharuṇam dharīyaḥ tejaḥ yaśasvi sthaviram samiddham an āhanasyam vasanam jariṣṇu pari idam vājī ajinam dhatsva asau aditiḥ te kakṣām badhnātu vedasya anuvaktavai medhāyai śraddhāyai anūktasya a nirākaraṇāya brahmaṇe brahmavarcasāya iti

1.4.8

कृष्णाजिनम् ब्राह्मणस्य रौरवम् राजन्यस्य बस्त अजिनम् वैश्यस्य

kṛṣṇājinam brāhmaṇasya rauravam rājanyasya basta ajinam vaiśyasya

1.4.9

अथ एनम् परिददाति परि इमम् इन्द्र ब्रह्मणे महे श्रोत्राय दध्मसि अथ एनम् जरिमा नयेत् ज्योक् श्रोत्रे अधिजागरत् इति ब्राह्मणम् परि इमम् इन्द्र ब्रह्मणे महे राष्ट्राय दध्मसि अथ एनम् जरिमा नयेत् ज्योक् राष्ट्रे अधिजागरत् इति राजन्यम् परि इमम् इन्द्र ब्रह्मणे महे पोषाय दध्मसि अथ एनम् जरिमा नयेत् ज्योक् पोषे अधिजागरत् इति वैश्यम्

atha enam paridadāti pari imam indra brahmaṇe mahe śrotrāya dadhmasi atha enam jarimā nayet jyok śrotre adhijāgarat iti brāhmaṇam pari imam indra brahmaṇe mahe rāṣṭrāya dadhmasi atha enam jarimā nayet jyok rāṣṭre adhijāgarat iti rājanyam pari imam indra brahmaṇe mahe poṣāya dadhmasi atha enam jarimā nayet jyok poṣe adhijāgarat iti vaiśyam

1.4.10

तम् अपरेण अग्निम् उदञ्चम् उपवेश्य हुत उच्छेषणम् प्राशयति त्वयि मेधाम् त्वयि प्रजाम् इति एतैः संनतैः

tam apareṇa agnim udañcam upaveśya huta uccheṣaṇam prāśayati tvayi medhām tvayi prajām iti etaiḥ saṃnataiḥ

1.4.11

पृषदाज्यम् एके प्राशयन्ति

pṛṣadājyam eke prāśayanti

1.4.12

योगे योगे तवस्तरम् इमम् अग्ने आयुषे वर्चसे कृधी इति द्वाभ्याम् प्राश्नन्तम् समीक्षते

yoge yoge tavastaram imam agne āyuṣe varcase kṛdhī iti dvābhyām prāśnantam samīkṣate

1.4.13

प्राशयन्ति एके

prāśayanti eke

1.4.14

आचान्तम् उपस्पर्शयित्वा अभिमन्त्रयते शतम् इद् नु शरदः अन्ति देवाः यत्र नः चक्र जरसम् तनूनाम् पुत्रासः यत्र पितरः भवन्ति मा नः मध्या रीरिषत आयुः गन्तोः इति

ācāntam upasparśayitvā abhimantrayate śatam id nu śaradaḥ anti devāḥ yatra naḥ cakra jarasam tanūnām putrāsaḥ yatra pitaraḥ bhavanti mā naḥ madhyā rīriṣata āyuḥ gantoḥ iti

1.5.1

आगन्त्रा समगन्महि प्र स मृत्युं युयोतनारिष्टाः संचरेमहि स्वस्ति चरताद् इह स्वस्त्या गृहेभ्य इति प्रदक्षिणम् अग्निं परिक्रामन्तम् अभिमन्त्रयते

āgantrā samaganmahi pra sa mṛtyuṃ yuyotanāriṣṭāḥ saṃcaremahi svasti caratād iha svastyā gṛhebhya iti pradakṣiṇam agniṃ parikrāmantam abhimantrayate

1.5.2

अथैनम् अभिव्याहारयति ब्रह्मचर्यम् आगाम् उप मा नयस्व ब्रह्मचारी भवानि देवेन सवित्रा प्रसूत इति

athainam abhivyāhārayati brahmacaryam āgām upa mā nayasva brahmacārī bhavāni devena savitrā prasūta iti

1.5.3

तं पृच्छति

taṃ pṛcchati

1.5.4

को नामासीति

ko nāmāsīti

Hiraṇyakeśigṛhyasūtra