Prathama upadeśaḥ.30

अभ्यासतः कुण्डलिनीप्रबोधं चन्द्रस्थिरत्वं च ददाति पुंसाम्

abhyāsataḥ kuṇḍalinīprabodhaṃ candrasthiratvaṃ ca dadāti puṃsām

Prathama upadeśaḥ.30.2

प्रसार्य पादौ भुवि दण्डरूपौ दोर्भ्यां पदाग्रद्वितयं गृहीत्वा

prasārya pādau bhuvi daṇḍarūpau dorbhyāṃ padāgradvitayaṃ gṛhītvā

Prathama upadeśaḥ.31

जानूपरिन्यस्तललाटदेशो वसेद् इदं पश्चिमतानम् आहुः

jānūparinyastalalāṭadeśo vased idaṃ paścimatānam āhuḥ

Prathama upadeśaḥ.31.2

इति पश्चिमतानम् आसनाग्र्यं पवनं पश्चिमवाहिनं करोति

iti paścimatānam āsanāgryaṃ pavanaṃ paścimavāhinaṃ karoti

Prathama upadeśaḥ.32

उदयं जठरानलस्य कुर्याद् उदरे कार्श्यम् अरोगतां च पुंसाम्

udayaṃ jaṭharānalasya kuryād udare kārśyam arogatāṃ ca puṃsām

Prathama upadeśaḥ.32.2

धराम् अवष्टभ्य करद्वयेन तत्कूर्परस्थापितनाभिपार्श्वः

dharām avaṣṭabhya karadvayena tatkūrparasthāpitanābhipārśvaḥ

Prathama upadeśaḥ.33

उच्चासनो दण्डवद् उत्थितः खे मायूरम् एतत् प्रवदन्ति पीठम्

uccāsano daṇḍavad utthitaḥ khe māyūram etat pravadanti pīṭham

Prathama upadeśaḥ.33.2

हरति सकलरोगान् आशु गुल्मोदरादीन् अभिभवति च दोषान् आसनं श्रीमयूरम्

harati sakalarogān āśu gulmodarādīn abhibhavati ca doṣān āsanaṃ śrīmayūram

Prathama upadeśaḥ.34

बहु कदशनभुक्तं भस्म कुर्याद् अशेषं जनयति जठराग्निं जारयेत् कालकूटम्

bahu kadaśanabhuktaṃ bhasma kuryād aśeṣaṃ janayati jaṭharāgniṃ jārayet kālakūṭam

Prathama upadeśaḥ.34.2

उत्तानं शववद् भूमौ शयनं तच् छवासनम्

uttānaṃ śavavad bhūmau śayanaṃ tac chavāsanam

Prathama upadeśaḥ.35

शवासनं श्रान्तिहरं चित्तविश्रान्तिकारकम्

śavāsanaṃ śrāntiharaṃ cittaviśrāntikārakam

Prathama upadeśaḥ.35.2

चतुरशीत्य् आसनानि शिवेन कथितानि च

caturaśīty āsanāni śivena kathitāni ca

Prathama upadeśaḥ.36

तेभ्यश् चतुष्कम् आदाय सारभूतं ब्रवीम्य् अहम्

tebhyaś catuṣkam ādāya sārabhūtaṃ bravīmy aham

Prathama upadeśaḥ.36.2

सिद्धं पद्मं तथा सिंहं भद्रं वेति चतुष्टयम्

siddhaṃ padmaṃ tathā siṃhaṃ bhadraṃ veti catuṣṭayam

Prathama upadeśaḥ.36.3

श्रेष्ठं तत्रापि च सुखे तिष्ठेत् सिद्धासने सदा

śreṣṭhaṃ tatrāpi ca sukhe tiṣṭhet siddhāsane sadā

Prathama upadeśaḥ.37

योनिस्थानकम् अङ्घ्रिमूलघटितं कृत्वा दृढं विन्यसेत् मेण्ढ्रे पादम् अथैकम् एव हृदये कृत्वा हनुं सुस्थिरम्

yonisthānakam aṅghrimūlaghaṭitaṃ kṛtvā dṛḍhaṃ vinyaset meṇḍhre pādam athaikam eva hṛdaye kṛtvā hanuṃ susthiram

Prathama upadeśaḥ.37.2

स्थाणुः संयमितेन्द्रियो ऽचलदृशा पश्येद् भ्रुवोर् अन्तरं ह्य् एतन् मोक्षकपाटभेदजनकं सिद्धासनं प्रोच्यते

sthāṇuḥ saṃyamitendriyo 'caladṛśā paśyed bhruvor antaraṃ hy etan mokṣakapāṭabhedajanakaṃ siddhāsanaṃ procyate

Prathama upadeśaḥ.38

मेण्ढ्राद् उपरि विन्यस्य सव्यं गुल्फं तथोपरि

meṇḍhrād upari vinyasya savyaṃ gulphaṃ tathopari

Prathama upadeśaḥ.38.2

गुल्फान्तरं च निक्षिप्य सिद्धासनम् इदं भवेत्

gulphāntaraṃ ca nikṣipya siddhāsanam idaṃ bhavet

Prathama upadeśaḥ.39

एतत् सिद्धासनं प्राहुर् अन्ये वज्रासनं विदुः

etat siddhāsanaṃ prāhur anye vajrāsanaṃ viduḥ

Haṭhayogapradīpikā