Caturthopadeśaḥ.67.2

शृणुयाद् दक्षिणे कर्णे नादम् अन्तस्थम् एकधीः

śṛṇuyād dakṣiṇe karṇe nādam antastham ekadhīḥ

Caturthopadeśaḥ.68

श्रवणपुटनयनयुगलघ्राणमुखानां निरोधनं कार्यम्

śravaṇapuṭanayanayugalaghrāṇamukhānāṃ nirodhanaṃ kāryam

Caturthopadeśaḥ.68.2

शुद्धसुषुम्णासरणौ स्फुटम् अमलः श्रूयते नादः

śuddhasuṣumṇāsaraṇau sphuṭam amalaḥ śrūyate nādaḥ

Caturthopadeśaḥ.69

आरम्भश् च घटश् चैव तथा परिचयोऽपि च

ārambhaś ca ghaṭaś caiva tathā paricayo'pi ca

Caturthopadeśaḥ.69.2

निष्पत्तिः सर्वयोगेषु स्याद् अवस्थाचतुष्टयम्

niṣpattiḥ sarvayogeṣu syād avasthācatuṣṭayam

Caturthopadeśaḥ.70

ब्रह्मग्रन्थेर् भवेद् भेदो ह्य् आनन्दः शून्यसम्भवः

brahmagranther bhaved bhedo hy ānandaḥ śūnyasambhavaḥ

Caturthopadeśaḥ.70.2

विचित्रः क्वणको देहेऽनाहतः श्रूयते ध्वनिः

vicitraḥ kvaṇako dehe'nāhataḥ śrūyate dhvaniḥ

Caturthopadeśaḥ.71

दिव्यदेहश् च तेजस्वी दिव्यगन्धस् त्वरोगवान्

divyadehaś ca tejasvī divyagandhas tvarogavān

Caturthopadeśaḥ.71.2

सम्पूर्णहृदयः शून्य आरम्भे योगवान् भवेत्

sampūrṇahṛdayaḥ śūnya ārambhe yogavān bhavet

Caturthopadeśaḥ.72

द्वितीयायां घटीकृत्य वायुर् भवति मध्यगः

dvitīyāyāṃ ghaṭīkṛtya vāyur bhavati madhyagaḥ

Caturthopadeśaḥ.72.2

दृढासनो भवेद् योगी ज्ञानी देवसमस् तदा

dṛḍhāsano bhaved yogī jñānī devasamas tadā

Caturthopadeśaḥ.73

विष्णुग्रन्थेस् ततो भेदात् परमानन्दसूचकः

viṣṇugranthes tato bhedāt paramānandasūcakaḥ

Caturthopadeśaḥ.73.2

अतिशून्ये विमर्दश् च भेरीशब्दस् तदा भवेत्

atiśūnye vimardaś ca bherīśabdas tadā bhavet

Caturthopadeśaḥ.74

तृतीयायां तु विज्ञेयो विहायो मर्दलध्वनिः

tṛtīyāyāṃ tu vijñeyo vihāyo mardaladhvaniḥ

Caturthopadeśaḥ.74.2

महाशून्यं तदा याति सर्वसिद्धिसमाश्रयम्

mahāśūnyaṃ tadā yāti sarvasiddhisamāśrayam

Caturthopadeśaḥ.75

चित्तानन्दं तदा जित्वा सहजानन्दसम्भवः

cittānandaṃ tadā jitvā sahajānandasambhavaḥ

Caturthopadeśaḥ.75.2

दोषदुःखजराव्याधिक्षुधानिद्राविवर्जितः

doṣaduḥkhajarāvyādhikṣudhānidrāvivarjitaḥ

Caturthopadeśaḥ.76

रुद्रग्रन्थिं यदा भित्त्वा शर्वपीठगतोऽनिलः

rudragranthiṃ yadā bhittvā śarvapīṭhagato'nilaḥ

Caturthopadeśaḥ.76.2

निष्पत्तौ वैणवः शब्दः क्वणद्वीणाक्वणो भवेत्

niṣpattau vaiṇavaḥ śabdaḥ kvaṇadvīṇākvaṇo bhavet

Caturthopadeśaḥ.77

एकीभूतं तदा चित्तं राजयोगाभिधानकम्

ekībhūtaṃ tadā cittaṃ rājayogābhidhānakam

Haṭhayogapradīpikā