Caturthopadeśaḥ.27.2

बद्धः खेचरतां धत्ते रसो वायुश् च पार्वति

baddhaḥ khecaratāṃ dhatte raso vāyuś ca pārvati

Caturthopadeśaḥ.28

मनः स्थैर्यं स्थिरो वायुस् ततो बिन्दुः स्थिरो भवेत्

manaḥ sthairyaṃ sthiro vāyus tato binduḥ sthiro bhavet

Caturthopadeśaḥ.28.2

बिन्दुस्थैर्यात् सदा सत्त्वं पिण्डस्थैर्यं प्रजायते

bindusthairyāt sadā sattvaṃ piṇḍasthairyaṃ prajāyate

Caturthopadeśaḥ.29

इन्द्रियाणां मनो नाथो मनोनाथस् तु मारुतः

indriyāṇāṃ mano nātho manonāthas tu mārutaḥ

Caturthopadeśaḥ.29.2

मारुतस्य लयो नाथः स लयो नादम् आश्रितः

mārutasya layo nāthaḥ sa layo nādam āśritaḥ

Caturthopadeśaḥ.30

सो ऽयम् एवास्तु मोक्षाख्यो मास्तु वापि मतान्तरे

so 'yam evāstu mokṣākhyo māstu vāpi matāntare

Caturthopadeśaḥ.30.2

मनःप्राणलये कश्चिद् आनन्दः सम्प्रवर्तते

manaḥprāṇalaye kaścid ānandaḥ sampravartate

Caturthopadeśaḥ.31

प्रणष्टश्वासनिश्वासः प्रध्वस्तविषयग्रहः

praṇaṣṭaśvāsaniśvāsaḥ pradhvastaviṣayagrahaḥ

Caturthopadeśaḥ.31.2

निश्चेष्टो निर्विकारश् च लयो जयति योगिनाम्

niśceṣṭo nirvikāraś ca layo jayati yoginām

Caturthopadeśaḥ.32

उच्छिन्नसर्वसंकल्पो निःशेषाशेषचेष्टितः

ucchinnasarvasaṃkalpo niḥśeṣāśeṣaceṣṭitaḥ

Caturthopadeśaḥ.32.2

स्वावगम्यो लयः को ऽपि जायते वागगोचरः

svāvagamyo layaḥ ko 'pi jāyate vāgagocaraḥ

Caturthopadeśaḥ.33

यत्र दृष्टिर् लयस् तत्र भूतेन्द्रियसनातनी

yatra dṛṣṭir layas tatra bhūtendriyasanātanī

Caturthopadeśaḥ.33.2

सा शक्तिर् जीवभूतानां द्वे अलक्ष्ये लयं गते

sā śaktir jīvabhūtānāṃ dve alakṣye layaṃ gate

Caturthopadeśaḥ.34

लयो लय इति प्राहुः कीदृशं लयलक्षणम्

layo laya iti prāhuḥ kīdṛśaṃ layalakṣaṇam

Caturthopadeśaḥ.34.2

अपुनर्वासनोत्थानाल् लयो विषयविस्मृतिः

apunarvāsanotthānāl layo viṣayavismṛtiḥ

Caturthopadeśaḥ.35

वेदशास्त्रपुराणानि सामान्यगणिका इव

vedaśāstrapurāṇāni sāmānyagaṇikā iva

Caturthopadeśaḥ.35.2

एकैव शाम्भवी मुद्रा गुप्ता कुलवधूर् इव

ekaiva śāmbhavī mudrā guptā kulavadhūr iva

Caturthopadeśaḥ.36

अन्तर् लक्ष्यं बहिर् दृष्टिर् निमेषोन्मेषवर्जिता

antar lakṣyaṃ bahir dṛṣṭir nimeṣonmeṣavarjitā

Caturthopadeśaḥ.36.2

एषा सा शाम्भवी मुद्रा वेदशास्त्रेषु गोपिता

eṣā sā śāmbhavī mudrā vedaśāstreṣu gopitā

Caturthopadeśaḥ.37

अन्तर् लक्ष्यविलीनचित्तपवनो योगी यदा वर्तते दृष्ट्या निश्चलतारया बहिर् अधः पश्यन्न् अपश्यन्न् अपि

antar lakṣyavilīnacittapavano yogī yadā vartate dṛṣṭyā niścalatārayā bahir adhaḥ paśyann apaśyann api

Haṭhayogapradīpikā