Caturthopadeśaḥ.7.2

प्रणष्टसर्वसंकल्पः समाधिः सो ऽभिधीयते

praṇaṣṭasarvasaṃkalpaḥ samādhiḥ so 'bhidhīyate

Caturthopadeśaḥ.8

राजयोगस्य माहात्म्यं को वा जानाति तत्त्वतः

rājayogasya māhātmyaṃ ko vā jānāti tattvataḥ

Caturthopadeśaḥ.8.2

ज्ञानं मुक्तिः स्थितिः सिद्धिर् गुरुवाक्येन लभ्यते

jñānaṃ muktiḥ sthitiḥ siddhir guruvākyena labhyate

Caturthopadeśaḥ.9

दुर्लभो विषयत्यागो दुर्लभं तत्त्वदर्शनम्

durlabho viṣayatyāgo durlabhaṃ tattvadarśanam

Caturthopadeśaḥ.9.2

दुर्लभा सहजावस्था सद्गुरोः करुणां विना

durlabhā sahajāvasthā sadguroḥ karuṇāṃ vinā

Caturthopadeśaḥ.10

विविधैर् आसनैः कुम्भैर् विचित्रैः करणैर् अपि

vividhair āsanaiḥ kumbhair vicitraiḥ karaṇair api

Caturthopadeśaḥ.10.2

प्रबुद्धायां महाशक्तौ प्राणः शून्ये प्रलीयते

prabuddhāyāṃ mahāśaktau prāṇaḥ śūnye pralīyate

Caturthopadeśaḥ.11

उत्पन्नशक्तिबोधस्य त्यक्तनिःशेषकर्मणः

utpannaśaktibodhasya tyaktaniḥśeṣakarmaṇaḥ

Caturthopadeśaḥ.11.2

योगिनः सहजावस्था स्वयम् एव प्रजायते

yoginaḥ sahajāvasthā svayam eva prajāyate

Caturthopadeśaḥ.12

सुषुम्णावाहिनि प्राणे शून्ये विशति मानसे

suṣumṇāvāhini prāṇe śūnye viśati mānase

Caturthopadeśaḥ.12.2

तदा सर्वाणि कर्माणि निर्मूलयति योगवित्

tadā sarvāṇi karmāṇi nirmūlayati yogavit

Caturthopadeśaḥ.13

अमराय नमस् तुभ्यं सो ऽपि कालस् त्वया जितः

amarāya namas tubhyaṃ so 'pi kālas tvayā jitaḥ

Caturthopadeśaḥ.13.2

पतितं वदने यस्य जगद् एतच् चराचरम्

patitaṃ vadane yasya jagad etac carācaram

Caturthopadeśaḥ.14

चित्ते समत्वम् आपन्ने वायौ व्रजति मध्यमे

citte samatvam āpanne vāyau vrajati madhyame

Caturthopadeśaḥ.14.2

तदामरोली वज्रोली सहजोली प्रजायते

tadāmarolī vajrolī sahajolī prajāyate

Caturthopadeśaḥ.15

ज्ञानं कुतो मनसि सम्भवतीह तावत् प्राणोऽपि जीवति मनो म्रियते न यावत्

jñānaṃ kuto manasi sambhavatīha tāvat prāṇo'pi jīvati mano mriyate na yāvat

Caturthopadeśaḥ.15.2

प्राणो मनो द्वयम् इदं विलयं नयेद् यो मोक्षं स गच्छति नरो न कथंचिद् अन्यः

prāṇo mano dvayam idaṃ vilayaṃ nayed yo mokṣaṃ sa gacchati naro na kathaṃcid anyaḥ

Caturthopadeśaḥ.16

ज्ञात्वा सुषुम्णासद्भेदं कृत्वा वायुं च मध्यगम्

jñātvā suṣumṇāsadbhedaṃ kṛtvā vāyuṃ ca madhyagam

Caturthopadeśaḥ.16.2

स्थित्वा सदैव सुस्थाने ब्रह्मरन्ध्रे निरोधयेत्

sthitvā sadaiva susthāne brahmarandhre nirodhayet

Caturthopadeśaḥ.17

सूर्यचन्द्रमसौ धत्तः कालं रात्रिंदिवात्मकम्

sūryacandramasau dhattaḥ kālaṃ rātriṃdivātmakam

Haṭhayogapradīpikā