2.4

तथात्रादीक्षितानां तु मन्त्रदेवार्चनादिषु

tathātrādīkṣitānāṃ tu mantradevārcanādiṣu

2.4.2

नाधिकारो ऽस्त्य् अतः कुर्याद् आत्मानं शिवसंस्तुतम्

nādhikāro 'sty ataḥ kuryād ātmānaṃ śivasaṃstutam

2.5

स्कान्दे कार्त्तिकप्रसङ्गे श्रीब्रह्मनारदसंवादे

skānde kārttikaprasaṅge śrībrahmanāradasaṃvāde

2.5.2

ते नराः पशवो लोके किं तेषां जीवने फलम्

te narāḥ paśavo loke kiṃ teṣāṃ jīvane phalam

2.5.3

यैर् न लब्धा हरेर् दीक्षा नार्चितो वा जनार्दनः

yair na labdhā harer dīkṣā nārcito vā janārdanaḥ

2.6

तत्रैव श्रीरुक्माङ्गदमोहिनीसंवादे विष्णुयामले च

tatraiva śrīrukmāṅgadamohinīsaṃvāde viṣṇuyāmale ca

2.6.2

अदीक्षितस्य वामोरु कृतं सर्वं निरर्थकम्

adīkṣitasya vāmoru kṛtaṃ sarvaṃ nirarthakam

2.6.3

पशुयोनिम् अवाप्नोति दीक्षाविरहितो जनः

paśuyonim avāpnoti dīkṣāvirahito janaḥ

2.7

विशेषतो विष्णुयामले

viśeṣato viṣṇuyāmale

2.7.2

स्नेहाद् वा लोभतो वापि यो गृह्णीयाद् अदीक्षया

snehād vā lobhato vāpi yo gṛhṇīyād adīkṣayā

2.7.3

तस्मिन् गुरौ सशिष्ये तु देवताशाप आपतेत्

tasmin gurau saśiṣye tu devatāśāpa āpatet

2.8

विष्णुरहस्ये च

viṣṇurahasye ca

2.8.2

अविज्ञाय विधानोक्तं हरिपूजाविधिक्रियाम्

avijñāya vidhānoktaṃ haripūjāvidhikriyām

2.8.3

कुर्वन् भक्त्या समाप्नोति शतभागं विधानतः

kurvan bhaktyā samāpnoti śatabhāgaṃ vidhānataḥ

2.9

दिव्यं ज्ञानं यतो दद्यात् कुर्यात् पापस्य सङ्क्षयम्

divyaṃ jñānaṃ yato dadyāt kuryāt pāpasya saṅkṣayam

2.9.2

तस्माद् दीक्षेति सा प्रोक्ता देशिकैस् तत्त्वकोविदैः

tasmād dīkṣeti sā proktā deśikais tattvakovidaiḥ

2.10

अतो गुरुं प्रणम्यैवं सर्वस्वं विनिवेद्य च

ato guruṃ praṇamyaivaṃ sarvasvaṃ vinivedya ca

2.10.2

गृह्णीयाद् वैष्णवं मन्त्रं दीक्षापूर्वं विधानतः

gṛhṇīyād vaiṣṇavaṃ mantraṃ dīkṣāpūrvaṃ vidhānataḥ

2.11

स्कान्दे तत्रैव श्रीब्रह्मनारदसंवादे

skānde tatraiva śrībrahmanāradasaṃvāde

2.11.2

तपस्विनः कर्मनिष्ठाः श्रेष्ठास् ते वै नरा भुवि

tapasvinaḥ karmaniṣṭhāḥ śreṣṭhās te vai narā bhuvi

Haribhaktivilāsa