5.59.2

परमेष्ठिगुरुं चेति नमेद् गुरुपरम्पराम्

parameṣṭhiguruṃ ceti named guruparamparām

5.60

गणेशं दक्षिणे भागे दुर्गाम् अग्रेऽथ पृष्ठतः

gaṇeśaṃ dakṣiṇe bhāge durgām agre'tha pṛṣṭhataḥ

5.60.2

क्षेत्रपालं नमेद् भक्त्या मध्ये चात्मेष्टदैवतम्

kṣetrapālaṃ named bhaktyā madhye cātmeṣṭadaivatam

5.61

ततश् चास्त्रेण संशोध्य करौ कुर्वीत तेन हि

tataś cāstreṇa saṃśodhya karau kurvīta tena hi

5.61.2

तालत्रयं दिशां बन्धम् अग्निप्राकारम् एव च

tālatrayaṃ diśāṃ bandham agniprākāram eva ca

5.62

शरीराकारभूतानां भूतानां यद् विशोधनम्

śarīrākārabhūtānāṃ bhūtānāṃ yad viśodhanam

5.62.2

अव्ययब्रह्मसम्पर्काद् भूतशुद्धिर् इयं मता

avyayabrahmasamparkād bhūtaśuddhir iyaṃ matā

5.63

भूतशुद्धिं विना कर्तुर् जपहोमादिकाः क्रियाः

bhūtaśuddhiṃ vinā kartur japahomādikāḥ kriyāḥ

5.63.2

भवन्ति निष्फलाः सर्वा यथाविध्य् अप्य् अनिष्ठिताः

bhavanti niṣphalāḥ sarvā yathāvidhy apy aniṣṭhitāḥ

5.64

करकच्छपिकां कृत्वात्मानं बुद्ध्या हृदब्जतः

karakacchapikāṃ kṛtvātmānaṃ buddhyā hṛdabjataḥ

5.64.2

शिरःसहस्रपत्राब्जे परमात्मनि योजयेत्

śiraḥsahasrapatrābje paramātmani yojayet

5.64.3

पृथिव्यादीनि तत्त्वानि तस्मिन् लीनानि भावयेत्

pṛthivyādīni tattvāni tasmin līnāni bhāvayet

5.65

वामहस्तं तथोत्तानम् अधो दक्षिणबन्धितम्

vāmahastaṃ tathottānam adho dakṣiṇabandhitam

5.65.2

करकच्छपिका मुद्रा भूतशुद्धौ प्रकीर्तिता

karakacchapikā mudrā bhūtaśuddhau prakīrtitā

5.66

देहं संशोष्य दग्ध्वेदम् आप्लाव्यामृतवर्षतः

dehaṃ saṃśoṣya dagdhvedam āplāvyāmṛtavarṣataḥ

5.66.2

उत्पाद्य द्रढयित्वा सुप्रतिष्ठां विधिनाचरेत्

utpādya draḍhayitvā supratiṣṭhāṃ vidhinācaret

5.67

आत्मानम् एवं संशोध्य नीत्वा कृष्णार्चनार्हताम्

ātmānam evaṃ saṃśodhya nītvā kṛṣṇārcanārhatām

5.67.2

वात्सल्याद्धृद्गतं कृष्णं यष्टुं हृत् पुनर्

vātsalyāddhṛdgataṃ kṛṣṇaṃ yaṣṭuṃ hṛt punar

5.68

तथा च त्रैलोक्यसंमोहनतन्त्रे

tathā ca trailokyasaṃmohanatantre

5.68.2

नाभिस्थवायुना देहं सपापं शोधयेद् बुधः

nābhisthavāyunā dehaṃ sapāpaṃ śodhayed budhaḥ

Haribhaktivilāsa