Gāndharvalakṣaṇa.11

वसिष्ठः

vasiṣṭhaḥ

Gāndharvalakṣaṇa.11.2

सकामां कामयमानः सदृशीं यो निरुन्ध्यात् स गान्धर्वः

sakāmāṃ kāmayamānaḥ sadṛśīṃ yo nirundhyāt sa gāndharvaḥ

Gāndharvalakṣaṇa.12

अत्र कन्यावरयोः परस्पररागप्रयुक्तसमयबन्धकृत उपगमो गान्धर्वविवाह इति तात्पर्यम्

atra kanyāvarayoḥ paraspararāgaprayuktasamayabandhakṛta upagamo gāndharvavivāha iti tātparyam

Rākṣasalakṣaṇa.1

तत्र मनुः

tatra manuḥ

Rākṣasalakṣaṇa.1.2

हत्वा छित्त्वा च भित्त्वा च क्रोशन्तीं रुदतीं गृहात्

hatvā chittvā ca bhittvā ca krośantīṃ rudatīṃ gṛhāt

Rākṣasalakṣaṇa.1.3

प्रसह्य कन्यां हरतो राक्षसो विधिरुच्यते

prasahya kanyāṃ harato rākṣaso vidhirucyate

Rākṣasalakṣaṇa.2

हत्वा छित्त्वा भित्त्वा कन्यासम्बन्धिनमिति शेषः

hatvā chittvā bhittvā kanyāsambandhinamiti śeṣaḥ

Rākṣasalakṣaṇa.3

छेदादन्यहिंसापरो हत्वेति शब्दः ता उषित्वेति लक्ष्मीधरः

chedādanyahiṃsāparo hatveti śabdaḥ tā uṣitveti lakṣmīdharaḥ

Rākṣasalakṣaṇa.4

क्रोशन्तीं भयात् स्वजनमाह्वयन्तीं प्रसह्य हरणे तात्पर्य्यम्

krośantīṃ bhayāt svajanamāhvayantīṃ prasahya haraṇe tātparyyam

Rākṣasalakṣaṇa.5

देवलः

devalaḥ

Rākṣasalakṣaṇa.5.2

विक्रमेण प्रसह्य स्यात् कुमारीहरणं पुनः

vikrameṇa prasahya syāt kumārīharaṇaṃ punaḥ

Rākṣasalakṣaṇa.5.3

वीर्य्यहेतुर् विवाहः सः राक्षसः सप्तमो मतः

vīryyahetur vivāhaḥ saḥ rākṣasaḥ saptamo mataḥ

Rākṣasalakṣaṇa.6

प्रसह्य अभिभूय

prasahya abhibhūya

Rākṣasalakṣaṇa.7

आश्वलायनः

āśvalāyanaḥ

Rākṣasalakṣaṇa.7.2

हत्वा छित्त्वा च शीर्षाणि रुदन्तीं रुदद्भ्यो हरेत्

hatvā chittvā ca śīrṣāṇi rudantīṃ rudadbhyo haret

Rākṣasalakṣaṇa.7.3

स राक्षसः

sa rākṣasaḥ

Rākṣasalakṣaṇa.8

रुदद्भ्यः कन्याबन्धुभ्यः

rudadbhyaḥ kanyābandhubhyaḥ

Rākṣasalakṣaṇa.9

हारीतः

hārītaḥ

Rākṣasalakṣaṇa.9.2

राजाश्रयेण वधदण्डाभिघातभयविशेषाद्राक्षसः

rājāśrayeṇa vadhadaṇḍābhighātabhayaviśeṣādrākṣasaḥ

Rākṣasalakṣaṇa.10

राजानमालम्ब्य वधादिभयम् उत्पाद्य कन्याहरणं राक्षसः

rājānamālambya vadhādibhayam utpādya kanyāharaṇaṃ rākṣasaḥ

Gṛhastharatnākara