Vivāhyāvivāhyakanyānirūpaṇa.1

तत्र मनुशातातपौ

tatra manuśātātapau

Vivāhyāvivāhyakanyānirūpaṇa.1.2

असपिण्डा तु या मातुरसगोत्रा च या

asapiṇḍā tu yā māturasagotrā ca yā

Vivāhyāvivāhyakanyānirūpaṇa.1.3

पितुः सा प्रशस्ता द्विजातीनां दारकर्मणि मैथुने

pituḥ sā praśastā dvijātīnāṃ dārakarmaṇi maithune

Vivāhyāvivāhyakanyānirūpaṇa.2

मातुरसपिण्डा मातुलदुहित्रादिभ्यो ऽन्या असपिण्डेति समान एकः पिण्डो देहो यस्याः सा सपिण्डा न तथा

māturasapiṇḍā mātuladuhitrādibhyo 'nyā asapiṇḍeti samāna ekaḥ piṇḍo deho yasyāḥ sā sapiṇḍā na tathā

Vivāhyāvivāhyakanyānirūpaṇa.3

तथाहि

tathāhi

Vivāhyāvivāhyakanyānirūpaṇa.3.2

पुत्रस्य पितृशरीरावयवान्वयेन पित्रा सह

putrasya pitṛśarīrāvayavānvayena pitrā saha

Vivāhyāvivāhyakanyānirūpaṇa.4

एवं पितामहादिभिरपि पितृद्वारेण शरीरावयवान्वयतः

evaṃ pitāmahādibhirapi pitṛdvāreṇa śarīrāvayavānvayataḥ

Vivāhyāvivāhyakanyānirūpaṇa.5

एवं मातृशरीरावयवान्वयेन मात्रा तथा मातामहादिभिरपि मातृद्वारेण

evaṃ mātṛśarīrāvayavānvayena mātrā tathā mātāmahādibhirapi mātṛdvāreṇa

Vivāhyāvivāhyakanyānirūpaṇa.6

तथा मातृस्वसृमातुलादिभिर् अप्येकशरीरावयवान्वयात् तथा पितृस्वस्रादिभिरपि

tathā mātṛsvasṛmātulādibhir apyekaśarīrāvayavānvayāt tathā pitṛsvasrādibhirapi

Vivāhyāvivāhyakanyānirūpaṇa.7

तथा पत्या सह पत्न्या एकशरीरारम्भकतया

tathā patyā saha patnyā ekaśarīrārambhakatayā

Vivāhyāvivāhyakanyānirūpaṇa.8

एवं भ्रातृभार्य्याणामपि एकशरीरारम्भकैः स्वस्वपतिभिः सहैकशरीरारम्भकत्वेन

evaṃ bhrātṛbhāryyāṇāmapi ekaśarīrārambhakaiḥ svasvapatibhiḥ sahaikaśarīrārambhakatvena

Vivāhyāvivāhyakanyānirūpaṇa.9

एवं यत्र यत्र सपिण्डशब्दस्तत्र साक्षात् परम्परया एकशरीरावयवान्वयेन ज्ञेय इति

evaṃ yatra yatra sapiṇḍaśabdastatra sākṣāt paramparayā ekaśarīrāvayavānvayena jñeya iti

Vivāhyāvivāhyakanyānirūpaṇa.10

दारकर्म्मणि दारत्वजनके विवाहे मैथुने मिथुनसाध्यधर्म्मपुत्रोत्पत्त्यादौ

dārakarmmaṇi dāratvajanake vivāhe maithune mithunasādhyadharmmaputrotpattyādau

Vivāhyāvivāhyakanyānirūpaṇa.11

मैथुने मिथुनशब्दवाच्यस्त्रीपुंससाध्ये स्वाश्रमादिकर्म्मणि न केवलं स्त्रीसाध्यपाकादिकर्म्मणि अपि तूभयसाध्ये ऽपीति कल्पतरुः

maithune mithunaśabdavācyastrīpuṃsasādhye svāśramādikarmmaṇi na kevalaṃ strīsādhyapākādikarmmaṇi api tūbhayasādhye 'pīti kalpataruḥ

Vivāhabhedāḥ.1

तत्र मनुः

tatra manuḥ

Vivāhabhedāḥ.1.2

चतुर्णामपि वर्णानां प्रत्येकं च हिताहितान्

caturṇāmapi varṇānāṃ pratyekaṃ ca hitāhitān

Vivāhabhedāḥ.1.3

अष्टाविमान् समासेन स्त्रीविवाहान् निबोधत

aṣṭāvimān samāsena strīvivāhān nibodhata

Vivāhabhedāḥ.2

स्त्रीपदं स्त्रीत्वेन प्रसक्ता संस्कार्यत्वनिवारणार्थं संस्कार्यत्वार्थम् इति कल्पतरुकारः

strīpadaṃ strītvena prasaktā saṃskāryatvanivāraṇārthaṃ saṃskāryatvārtham iti kalpatarukāraḥ

Vivāhabhedāḥ.3

नारदः

nāradaḥ

Vivāhabhedāḥ.3.2

अष्टौ विवाहा वर्णानां संस्कारार्थं प्रकीर्तिताः

aṣṭau vivāhā varṇānāṃ saṃskārārthaṃ prakīrtitāḥ

Gṛhastharatnākara