1.1.14.14

स्वर्गस्य लोकस्य संधितिम् अनु तस्यार्धस्य योगक्षेमः संधीयते यस्मिन्न् अर्धे यजन्त इति ब्राह्मणम्

svargasya lokasya saṃdhitim anu tasyārdhasya yogakṣemaḥ saṃdhīyate yasminn ardhe yajanta iti brāhmaṇam

1.1.15.1

तद् उ ह स्माहाथर्वा देवो विजानन् यज्ञविरिष्टानन्दानीत्य् उपशमयेरन् यज्ञे प्रायश्चित्तिः क्रियते ऽपि च यद् उ बह्व् इव यज्ञे विलोमं क्रियते न चैवास्य काचनार्तिर् भवति न च यज्ञविष्कन्धम् उपयात्य् अपहन्ति पुनर्मृत्युम् अपात्येति पुनराजातिं कामचारो ऽस्य सर्वेषु लोकेषु भाति य एवं वेद यश् चैवं विद्वान् ब्रह्मा भवति यस्य चैवं विद्वान् ब्रह्मा दक्षिणतः सदो ऽध्यास्ते यस्य चैवं विद्वान् ब्रह्मा दक्षिणत उदङ्मुख आसीनो यज्ञ आज्याहुतीर् जुहोतीति ब्राह्मणम्

tad u ha smāhātharvā devo vijānan yajñaviriṣṭānandānīty upaśamayeran yajñe prāyaścittiḥ kriyate 'pi ca yad u bahv iva yajñe vilomaṃ kriyate na caivāsya kācanārtir bhavati na ca yajñaviṣkandham upayāty apahanti punarmṛtyum apātyeti punarājātiṃ kāmacāro 'sya sarveṣu lokeṣu bhāti ya evaṃ veda yaś caivaṃ vidvān brahmā bhavati yasya caivaṃ vidvān brahmā dakṣiṇataḥ sado 'dhyāste yasya caivaṃ vidvān brahmā dakṣiṇata udaṅmukha āsīno yajña ājyāhutīr juhotīti brāhmaṇam

1.1.16.1

ब्रह्म ह वै ब्रह्माणम् पुष्करे ससृजे

brahma ha vai brahmāṇam puṣkare sasṛje

1.1.16.2

स खलु ब्रह्मा सृष्टः चिन्ताम् आपेदे केन अहम् एकेन अक्षरेण सर्वान् च कामान् सर्वान् च लोकान् सर्वान् च देवान् सर्वान् च वेदान् सर्वान् च यज्ञान् सर्वान् च शब्दान् सर्वाः च व्युष्टीः सर्वाणि च भूतानि स्थावर जङ्गमानि अनुभवेयम् इति

sa khalu brahmā sṛṣṭaḥ cintām āpede kena aham ekena akṣareṇa sarvān ca kāmān sarvān ca lokān sarvān ca devān sarvān ca vedān sarvān ca yajñān sarvān ca śabdān sarvāḥ ca vyuṣṭīḥ sarvāṇi ca bhūtāni sthāvara jaṅgamāni anubhaveyam iti

1.1.16.3

स ब्रह्मचर्यम् अचरत्

sa brahmacaryam acarat

1.1.16.4

सः ओम् इति एतत् अक्षरम् अपश्यत् द्वि वर्णम् चतुर् मात्रम् सर्व व्यापि सर्व विभु अयातयाम ब्रह्म ब्राह्मीम् व्याहृतिम् ब्रह्म दैवताम्

saḥ om iti etat akṣaram apaśyat dvi varṇam catur mātram sarva vyāpi sarva vibhu ayātayāma brahma brāhmīm vyāhṛtim brahma daivatām

1.1.16.5

तया सर्वान् च कामान् सर्वान् च लोकान् सर्वान् च देवान् सर्वान् च वेदान् सर्वान् च यज्ञान् सर्वान् च शब्दान् सर्वाः च व्युष्टीः सर्वाणि च भूतानि स्थावर जङ्गमानि अन्वभवत्

tayā sarvān ca kāmān sarvān ca lokān sarvān ca devān sarvān ca vedān sarvān ca yajñān sarvān ca śabdān sarvāḥ ca vyuṣṭīḥ sarvāṇi ca bhūtāni sthāvara jaṅgamāni anvabhavat

1.1.16.6

तस्य प्रथमेन वर्णेन अपः स्नेहम् च अन्वभवत्

tasya prathamena varṇena apaḥ sneham ca anvabhavat

1.1.16.7

तस्य द्वितीयेन वर्णेन तेजः ज्योतींषि अन्वभवत्

tasya dvitīyena varṇena tejaḥ jyotīṃṣi anvabhavat

1.1.17.1

तस्य प्रथमया स्वर मात्रया पृथिवीम् अग्निम् ओषधि वनस्पतीन् ऋग्वेदम् भूः इति व्याहृतिम् गायत्रम् छन्दः त्रिवृतम् स्तोमम् प्राचीम् दिशम् वसन्तम् ऋतुम् वाचम् अध्यात्मम् जिह्वाम् रसम् इति इन्द्रियाणि अन्वभवत्

tasya prathamayā svara mātrayā pṛthivīm agnim oṣadhi vanaspatīn ṛgvedam bhūḥ iti vyāhṛtim gāyatram chandaḥ trivṛtam stomam prācīm diśam vasantam ṛtum vācam adhyātmam jihvām rasam iti indriyāṇi anvabhavat

1.1.18.1

तस्य द्वितीयया स्वरमात्रयान्तरिक्षं वायुं यजुर्वेदं भुव इति व्याहृतिं त्रैष्टुभं छन्दः पञ्चदशं स्तोमं प्रतीचीं दिशं ग्रीष्मम् ऋतुं प्राणम् अध्यात्मं नासिके गन्धघ्राणम् इतीन्द्रियाण्य् अन्वभवत्

tasya dvitīyayā svaramātrayāntarikṣaṃ vāyuṃ yajurvedaṃ bhuva iti vyāhṛtiṃ traiṣṭubhaṃ chandaḥ pañcadaśaṃ stomaṃ pratīcīṃ diśaṃ grīṣmam ṛtuṃ prāṇam adhyātmaṃ nāsike gandhaghrāṇam itīndriyāṇy anvabhavat

1.1.19.1

तस्य तृतीयया स्वरमात्रया दिवम् आदित्यं सामवेदं स्वर् इति व्याहृतिं जागतं छन्दः सप्तदशं स्तोमम् उदीचीं दिशं वर्षा ऋतुं ज्योतिर् अध्यात्मं चक्षुषी दर्शनम् इतीन्द्रियान्य् अन्वभवत्

tasya tṛtīyayā svaramātrayā divam ādityaṃ sāmavedaṃ svar iti vyāhṛtiṃ jāgataṃ chandaḥ saptadaśaṃ stomam udīcīṃ diśaṃ varṣā ṛtuṃ jyotir adhyātmaṃ cakṣuṣī darśanam itīndriyāny anvabhavat

1.1.20.1

तस्य वकारमात्रयापश् चन्द्रमसम् अथर्ववेदं नक्षत्राण्य् ओम् इति स्वम् आत्मानं जनद् इत्य् अङ्गिरसाम् आनुष्टुभं छन्द एकविंशं स्तोमं दक्षिणां दिशं शरदम् ऋतुं मनो ऽध्यात्मं ज्ञानं ज्ञेयम् इतीन्द्रियाण्य् अन्वभवत्

tasya vakāramātrayāpaś candramasam atharvavedaṃ nakṣatrāṇy om iti svam ātmānaṃ janad ity aṅgirasām ānuṣṭubhaṃ chanda ekaviṃśaṃ stomaṃ dakṣiṇāṃ diśaṃ śaradam ṛtuṃ mano 'dhyātmaṃ jñānaṃ jñeyam itīndriyāṇy anvabhavat

1.1.21.1

तस्य मकारश्रुत्येतिहासपुराणं वाकोवाक्यं गाथा नाराशंसीर् उपनिषदो ऽनुशासनानीति वृधत् करद् रुहन् महत् तच् छम् ओम् इति व्याहृतीः स्वरशम्यनानातन्त्रीः स्वरनृत्यगीतवादित्राण्य् अन्वभवच् चैत्ररथं दैवतं वैद्युतं ज्योतिर् बार्हतं छन्दस् त्रिणवत्रयस्त्रिंशौ स्तोमौ ध्रुवाम् ऊर्ध्वां दिशं हेमन्तशिशिराव् ऋतू श्रोत्रम् अध्यात्मं शब्दश्रवणम् इतीन्द्रियाण्य् अन्वभवत्

tasya makāraśrutyetihāsapurāṇaṃ vākovākyaṃ gāthā nārāśaṃsīr upaniṣado 'nuśāsanānīti vṛdhat karad ruhan mahat tac cham om iti vyāhṛtīḥ svaraśamyanānātantrīḥ svaranṛtyagītavāditrāṇy anvabhavac caitrarathaṃ daivataṃ vaidyutaṃ jyotir bārhataṃ chandas triṇavatrayastriṃśau stomau dhruvām ūrdhvāṃ diśaṃ hemantaśiśirāv ṛtū śrotram adhyātmaṃ śabdaśravaṇam itīndriyāṇy anvabhavat

1.1.22.1

सा एषा एक अक्षरा ऋच् ब्रह्मणः तपसः अग्रे प्रादुर्बभूव ब्रह्मवेदस्य आथर्वणम् शुक्रम्

sā eṣā eka akṣarā ṛc brahmaṇaḥ tapasaḥ agre prādurbabhūva brahmavedasya ātharvaṇam śukram

1.1.22.2

अतस् एव मन्त्राः प्रादुर्बभूवुः

atas eva mantrāḥ prādurbabhūvuḥ

1.1.22.3

स तु खलु मन्त्राणाम् अ तपसा अ शुश्रूषा अनध्याय अध्ययनेन यत् ऊनम् च विरिष्टम् च यातयामम् च करोति तत् अथर्वणाम् तेजसा प्रत्याप्याययेत्

sa tu khalu mantrāṇām a tapasā a śuśrūṣā anadhyāya adhyayanena yat ūnam ca viriṣṭam ca yātayāmam ca karoti tat atharvaṇām tejasā pratyāpyāyayet

1.1.22.4

मन्त्राः च माम् अभिमुखीभवेयुः

mantrāḥ ca mām abhimukhībhaveyuḥ

1.1.22.5

पुरस्तात् ॐकारम् प्रयुङ्क्ते

purastāt oṃkāram prayuṅkte

1.1.22.6

एतया एव तत् ऋचा प्रत्याप्याययेत्

etayā eva tat ṛcā pratyāpyāyayet

Gopathabrāhmaṇa