8.86

इति श्रीस्कान्दे गोकर्णखण्डे श्रीगोकर्णमाहात्म्ये अष्टमो ऽध्यायः

iti śrīskānde gokarṇakhaṇḍe śrīgokarṇamāhātmye aṣṭamo 'dhyāyaḥ

9.1

सूत उवाच

sūta uvāca

9.1.2

सनत्कुमारो भगवान् गोकर्णात् क्रोशमात्रतः

sanatkumāro bhagavān gokarṇāt krośamātrataḥ

9.1.3

कृत्वाश्रमपदं तत्र तपस् तेपे सुदुश्चरं

kṛtvāśramapadaṃ tatra tapas tepe suduścaraṃ

9.2

ततस् तस्यापि भगवान् आविरासीत् सदाशिवः

tatas tasyāpi bhagavān āvirāsīt sadāśivaḥ

9.2.2

सनत्कुमारं भगवांस् तुष्टो ऽस्मीत्य् आह तं नृप

sanatkumāraṃ bhagavāṃs tuṣṭo 'smīty āha taṃ nṛpa

9.3

सनत्कुमार उवाच

sanatkumāra uvāca

9.3.2

लिङ्गम् एतन् नराः स्पृष्ट्वा स्वर्गं गच्छन्त्य् अवारिताः

liṅgam etan narāḥ spṛṣṭvā svargaṃ gacchanty avāritāḥ

9.3.3

योगेश्वराभिधानेन त्रैलोक्ये विश्रुतं भवेत्

yogeśvarābhidhānena trailokye viśrutaṃ bhavet

9.4

तथास्त्व् इति हरेणोक्त्वा लिङ्गे तस्मिन् व्यलीयत

tathāstv iti hareṇoktvā liṅge tasmin vyalīyata

9.4.2

सनत्कुमारो नृपते यथाकामं जगाम ह

sanatkumāro nṛpate yathākāmaṃ jagāma ha

9.5

तत् स्पृष्ट्वा सर्वभूतानि स्वर्गं गच्छन्त्य् अहर्निशम्

tat spṛṣṭvā sarvabhūtāni svargaṃ gacchanty aharniśam

9.5.2

महापातकयुक्ताश् च ह्य् उपपातकिनस् तथा

mahāpātakayuktāś ca hy upapātakinas tathā

9.6

तिर्यग्योनिगताश् चापि सर्वे ऽपि नृपसत्तम

tiryagyonigatāś cāpi sarve 'pi nṛpasattama

9.6.2

पूर्ण आसीन् नाकलोको नावकाशो ह्य् अभून् नृप

pūrṇa āsīn nākaloko nāvakāśo hy abhūn nṛpa

9.7

ततो ब्रह्मा समागम्य देवैश् च ऋषिभिः सह

tato brahmā samāgamya devaiś ca ṛṣibhiḥ saha

9.7.2

प्रत्यक्षीकृत्य लक्ष्मीशम् इदं वचनम् अब्रवीत्

pratyakṣīkṛtya lakṣmīśam idaṃ vacanam abravīt

9.8

सनत्कुमारेण विभो गोकर्णे स्थापितं शुभम्

sanatkumāreṇa vibho gokarṇe sthāpitaṃ śubham

9.8.2

योगेश्वराभिधं लिङ्गं तत् स्पृष्ट्वा प्राणिनो ध्रुवम्

yogeśvarābhidhaṃ liṅgaṃ tat spṛṣṭvā prāṇino dhruvam

9.9

सशरीरा दिवं प्राप्तास् तैर् वयं बाधिता भृशम्

saśarīrā divaṃ prāptās tair vayaṃ bādhitā bhṛśam