Dharmalib

521–540 of 2198 verses

3.66

इत्य् उक्त्वा सनको योगी यथाकामं जगाम ह

ity uktvā sanako yogī yathākāmaṃ jagāma ha

3.66.2

ततः स राजा गोकर्णं माघादौ समपद्यत

tataḥ sa rājā gokarṇaṃ māghādau samapadyata

3.67

प्रातः स्नात्वा कोटितीर्थे पूजयित्वा महाबलम्

prātaḥ snātvā koṭitīrthe pūjayitvā mahābalam

3.67.2

कृत्वा दानानि बहुशः किंचित् कालं नृपोत्तम

kṛtvā dānāni bahuśaḥ kiṃcit kālaṃ nṛpottama

3.68

स्थित्वा तत्रस्थतीर्थेषु निमज्य च यथाविधि

sthitvā tatrasthatīrtheṣu nimajya ca yathāvidhi

3.68.2

ततः स्वराज्यम् आसाद्य भुक्त्वा भोगान् यथेप्सितान्

tataḥ svarājyam āsādya bhuktvā bhogān yathepsitān

3.69

पुत्रपौत्रैः परिवृतः कृत्वा यज्ञादिकाः क्रियाः

putrapautraiḥ parivṛtaḥ kṛtvā yajñādikāḥ kriyāḥ

3.69.2

अन्ते विमानम् आरुह्य पत्न्या सह दिवं ययौ

ante vimānam āruhya patnyā saha divaṃ yayau

3.70

इति श्री तृतीयो ऽध्यायः

iti śrī tṛtīyo 'dhyāyaḥ

4.1

शतशृङ्गस्य भागौ द्वौ समुद्रे पतितौ नृप

śataśṛṅgasya bhāgau dvau samudre patitau nṛpa

4.1.2

दुर्गाशृङ्गमिति ख्यातं गोकर्णस्योत्तरे ऽपतत्

durgāśṛṅgamiti khyātaṃ gokarṇasyottare 'patat

4.2

नागशृङ्गमिति ख्यातम् अपतद् दक्षिणे नृप

nāgaśṛṅgamiti khyātam apatad dakṣiṇe nṛpa

4.2.2

वर्तन्ते पञ्च तीर्थानि नागशृङ्गे महान्ति च

vartante pañca tīrthāni nāgaśṛṅge mahānti ca

4.3

रुद्रकुण्डं नागतीर्थं वसोर्धारम् अतः परम्

rudrakuṇḍaṃ nāgatīrthaṃ vasordhāram ataḥ param

4.3.2

शङ्खतीर्थं सिद्धकुण्डमिति तीर्थानि पञ्च वै

śaṅkhatīrthaṃ siddhakuṇḍamiti tīrthāni pañca vai

4.4

तीर्थेषु तेषु यः स्नाति सो ऽनन्तफलम् अश्नुते

tīrtheṣu teṣu yaḥ snāti so 'nantaphalam aśnute

4.4.2

दशतीर्थानि कौरव्य गौरीशृङ्गे वसन्ति च

daśatīrthāni kauravya gaurīśṛṅge vasanti ca

4.5

शतानां चैव तीर्थानां तानि मुख्यानि कौरव

śatānāṃ caiva tīrthānāṃ tāni mukhyāni kaurava

4.5.2

गङ्गाधारं वसोर्धारं माहिषं नागतीर्थकम्

gaṅgādhāraṃ vasordhāraṃ māhiṣaṃ nāgatīrthakam

4.6

गौरीह्रदं च कौमारं कालीह्रदम् अतः परम्

gaurīhradaṃ ca kaumāraṃ kālīhradam ataḥ param