2.67.2

मुण्डनं चोपवासं च श्राद्धं च विधिवच् चरेत्

muṇḍanaṃ copavāsaṃ ca śrāddhaṃ ca vidhivac caret

2.68

गङ्गायां भास्करक्षेत्रे चौले चैवोपनायने

gaṅgāyāṃ bhāskarakṣetre caule caivopanāyane

2.68.2

श्रीशैले यज्ञदीक्षायां प्रायश्चित्तव्रतेषु च

śrīśaile yajñadīkṣāyāṃ prāyaścittavrateṣu ca

2.69

महागुरुमृतौ चैव महास्वामिमृताव् अपि

mahāgurumṛtau caiva mahāsvāmimṛtāv api

2.69.2

जीवत्पितापि कुर्वीत वपनं श्राद्धम् एव च

jīvatpitāpi kurvīta vapanaṃ śrāddham eva ca

2.70

नवमासात् परं चैव पुनः क्षेत्रं विशेद् यदि

navamāsāt paraṃ caiva punaḥ kṣetraṃ viśed yadi

2.70.2

क्षौरोपोषणकादीनि कुर्याद् एव न संशयः

kṣauropoṣaṇakādīni kuryād eva na saṃśayaḥ

2.71

रुद्रेणाधिष्ठितं पुण्यं भास्करक्षेत्रम् उच्यते

rudreṇādhiṣṭhitaṃ puṇyaṃ bhāskarakṣetram ucyate

2.71.2

काशी पुष्पगिरिः काञ्ची निवृत्ताख्या ह्य् अलंपुरी

kāśī puṣpagiriḥ kāñcī nivṛttākhyā hy alaṃpurī

2.72

श्रीशैलः श्रीविरूपाक्षः सेतुः केदार एव च

śrīśailaḥ śrīvirūpākṣaḥ setuḥ kedāra eva ca

2.72.2

गोकर्णं च दशैतानि भास्कराण्य् आहुर् उत्तमाः

gokarṇaṃ ca daśaitāni bhāskarāṇy āhur uttamāḥ

2.73

आदौ स्नात्वा कोटितीर्थे स्थापयेद् ब्रह्मदण्डकम्

ādau snātvā koṭitīrthe sthāpayed brahmadaṇḍakam

2.73.2

क्षौरं कृत्वा विधानेन स्नानं दशविधं चरेत्

kṣauraṃ kṛtvā vidhānena snānaṃ daśavidhaṃ caret

2.74

भस्मगोमयमृद्वादि पञ्चगव्यं तथैव च

bhasmagomayamṛdvādi pañcagavyaṃ tathaiva ca

2.74.2

मलापकर्षणं चैव स्नानं दशविधं स्मृतम्

malāpakarṣaṇaṃ caiva snānaṃ daśavidhaṃ smṛtam

2.75

एवं स्नात्वा विधानेन श्राद्धं कुर्याच् च भक्तितः

evaṃ snātvā vidhānena śrāddhaṃ kuryāc ca bhaktitaḥ

2.75.2

ततः समुद्रे विधिवत् स्नात्वा पिण्डादिकं चरेत्

tataḥ samudre vidhivat snātvā piṇḍādikaṃ caret

2.76

पृथिव्यां सर्वतीर्थानि समुद्रं प्रविशन्ति हि

pṛthivyāṃ sarvatīrthāni samudraṃ praviśanti hi

2.76.2

तस्मात् समुद्रो ह्य् अधिकः स्नानमात्राद्धि मुक्तिदः

tasmāt samudro hy adhikaḥ snānamātrāddhi muktidaḥ

2.77

रवीन्दुसौम्यवारेषु यदा दर्शो भविष्यति

ravīndusaumyavāreṣu yadā darśo bhaviṣyati