1.6.1

मानतन्तव्यः ह उवाच अ हुता वै एतस्य मानुषी आहुतिः भवति यः औपवसथिकम् न अश्नाति अन् ईश्वरः ह क्षोधुकः भवति अ काम्यः जनानाम् पापवसीयसी ह अस्य प्रजा भवति यः औपवसथिकम् भुङ्क्ते ईश्वरः ह भवति अ क्षोधुकः काम्यः जनानाम् वसीयसी ह अस्य प्रजा भवति तस्मात् यत् कामयेत् औपवसथिकम् भुञ्जीयाताम्

mānatantavyaḥ ha uvāca a hutā vai etasya mānuṣī āhutiḥ bhavati yaḥ aupavasathikam na aśnāti an īśvaraḥ ha kṣodhukaḥ bhavati a kāmyaḥ janānām pāpavasīyasī ha asya prajā bhavati yaḥ aupavasathikam bhuṅkte īśvaraḥ ha bhavati a kṣodhukaḥ kāmyaḥ janānām vasīyasī ha asya prajā bhavati tasmāt yat kāmayet aupavasathikam bhuñjīyātām

1.6.2

अधस् एव एताम् रात्रिम् शयीयाताम्

adhas eva etām rātrim śayīyātām

1.6.3

तौ जाग्रन्मिश्रौ एव एताम् रात्रिम् विहरेयाताम् इतिहास मिश्रेण वा केनचिद् वा

tau jāgranmiśrau eva etām rātrim vihareyātām itihāsa miśreṇa vā kenacid vā

1.6.4

जुगुप्सेयाताम् तु एव अव्रत्येभ्यः कर्मभ्यः

jugupseyātām tu eva avratyebhyaḥ karmabhyaḥ

1.6.5

न प्रवसन् उपवसेत् इति आहुः

na pravasan upavaset iti āhuḥ

1.6.6

पत्न्याः व्रतम् भवति इति

patnyāḥ vratam bhavati iti

1.6.7

यथा कामयेत तथा कुर्यात्

yathā kāmayeta tathā kuryāt

1.6.8

एवम् एव आहिताग्नेः अपि उपवसथः भवति यत् च आम्नायः विदध्यात्

evam eva āhitāgneḥ api upavasathaḥ bhavati yat ca āmnāyaḥ vidadhyāt

1.6.9

अथ पूर्वाह्णे एव प्रातराहुतिम् हुत्वा अग्रेण अग्निम् परिक्रम्य दक्षिणतस् अग्नेः प्राच् अग्रान् दर्भान् आस्तीर्य तेषाम् पुरस्तात् प्रत्यक् मुखः तिष्ठन् सव्यस्य पाणेः अङ्गुष्ठेन उपकनिष्ठिकया च अङ्गुल्या ब्रह्मासनात् तृणम् अभिसंगृह्य दक्षिण अपरम् अष्टमम् देशम् निरस्यति निरस्तः परावसुः इति

atha pūrvāhṇe eva prātarāhutim hutvā agreṇa agnim parikramya dakṣiṇatas agneḥ prāc agrān darbhān āstīrya teṣām purastāt pratyak mukhaḥ tiṣṭhan savyasya pāṇeḥ aṅguṣṭhena upakaniṣṭhikayā ca aṅgulyā brahmāsanāt tṛṇam abhisaṃgṛhya dakṣiṇa aparam aṣṭamam deśam nirasyati nirastaḥ parāvasuḥ iti

1.6.10

अपः उपस्पृश्य अथ ब्रह्मासने उपविशति आ वसोः सदने सीदामि इति

apaḥ upaspṛśya atha brahmāsane upaviśati ā vasoḥ sadane sīdāmi iti

1.6.11

अग्निम् अभिमुखः वाग्यतः प्राञ्जलिः आस्ते आ कर्मणः पर्यवसानात्

agnim abhimukhaḥ vāgyataḥ prāñjaliḥ āste ā karmaṇaḥ paryavasānāt

1.6.12

भाषेत यज्ञ संसिद्धिम्

bhāṣeta yajña saṃsiddhim

1.6.13

न अ यज्ञियाम् वाचम् वदेत्

na a yajñiyām vācam vadet

1.6.14

यदि अयज्ञियाम् वाचम् वदेत् वैष्णवीम् ऋचम् यजुः वा जपेत् अपि वा नमः विष्णवे इति एवम् ब्रूयात्

yadi ayajñiyām vācam vadet vaiṣṇavīm ṛcam yajuḥ vā japet api vā namaḥ viṣṇave iti evam brūyāt

1.6.15

यदि उ वै उभयम् चिकीर्षेत् हौत्रम् च एव ब्रह्मत्वम् च एव एतेन एव कल्पेन छत्त्रम् वा उत्तरासङ्गम् वा उद कमण्डलुम् दर्भ वटुम् वा ब्रह्मासने निधाय तेन एव प्रत्याव्रज्य अथ अन्यत् चेष्टेत्

yadi u vai ubhayam cikīrṣet hautram ca eva brahmatvam ca eva etena eva kalpena chattram vā uttarāsaṅgam vā uda kamaṇḍalum darbha vaṭum vā brahmāsane nidhāya tena eva pratyāvrajya atha anyat ceṣṭet

1.7.1

अथोलूखलमुसले प्रक्षाल्य शूर्पं च पश्चाद् अग्नेः प्रागग्रान् दर्भान् आस्तीर्योपसादयति

atholūkhalamusale prakṣālya śūrpaṃ ca paścād agneḥ prāgagrān darbhān āstīryopasādayati

1.7.2

अथ हविर् निर्वपति व्रीहीन् वा यवान् वा कंसेन वा चरुस्थाल्या वा

atha havir nirvapati vrīhīn vā yavān vā kaṃsena vā carusthālyā vā

1.7.3

अमुष्मै त्वा जुष्टं निर्वपामीति देवतानामादेशं सकृद् द्विस् तूष्णीम्

amuṣmai tvā juṣṭaṃ nirvapāmīti devatānāmādeśaṃ sakṛd dvis tūṣṇīm

1.7.4

अथ पश्चात् प्राङ्मुखो ऽवहन्तुम् उपक्रमते दक्षिणोत्तराभ्यां पाणिभ्याम्

atha paścāt prāṅmukho 'vahantum upakramate dakṣiṇottarābhyāṃ pāṇibhyām

1.7.5

त्रिःफलीकृतांस् तण्डुलान् त्रिर् देवेभ्यः प्रक्षालयेद् इत्य् आहुर् द्विर् मनुष्येभ्यः सकृत् पितृभ्य इति

triḥphalīkṛtāṃs taṇḍulān trir devebhyaḥ prakṣālayed ity āhur dvir manuṣyebhyaḥ sakṛt pitṛbhya iti

Gobhilagṛhyasūtra