1.27.2

इति श्रीगारुडे महापुराणे पूर्वखण्डे प्रथमांशाख्ये आचारकाण्डे नागादिविविधविषहरमन्त्रनिरूपणं नाम सप्तविंशो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe nāgādivividhaviṣaharamantranirūpaṇaṃ nāma saptaviṃśo 'dhyāyaḥ

1.28.1

सूत उवाच

sūta uvāca

1.28.1.2

गोपालपूजां वक्ष्यामि भुक्तिमुक्तिप्रदायिनीम्

gopālapūjāṃ vakṣyāmi bhuktimuktipradāyinīm

1.28.1.3

द्वारे धाता विधाता च गङ्गायमुनया सह

dvāre dhātā vidhātā ca gaṅgāyamunayā saha

1.28.2

शङ्खपद्मनिधी चैव सारङ्गः शरभः श्रिया

śaṅkhapadmanidhī caiva sāraṅgaḥ śarabhaḥ śriyā

1.28.2.2

पूर्वे भद्रः सुभद्रो द्वौ दक्षे चण्डप्रचण्डकौ

pūrve bhadraḥ subhadro dvau dakṣe caṇḍapracaṇḍakau

1.28.3

पश्चिमे बलप्रबलौ जयश्च विजयो यजेत्

paścime balaprabalau jayaśca vijayo yajet

1.28.3.2

उत्तरे श्रीश्चतुर्द्वारे गणो दुर्गा सरस्वती

uttare śrīścaturdvāre gaṇo durgā sarasvatī

1.28.4

क्षेत्रस्याग्न्यादिकोणेषु दिक्षु नारदपूर्वकम्

kṣetrasyāgnyādikoṇeṣu dikṣu nāradapūrvakam

1.28.4.2

सिद्धो गुरुर्नलकूबरं कोणे भगवतं यजेत्

siddho gururnalakūbaraṃ koṇe bhagavataṃ yajet

1.28.5

पूर्वे विष्णुं विष्णुतपो विष्णुशक्तिं समर्चयेत्

pūrve viṣṇuṃ viṣṇutapo viṣṇuśaktiṃ samarcayet

1.28.5.2

ततो विष्णुपरीवारं मध्ये शक्तिं च कूर्मकम्

tato viṣṇuparīvāraṃ madhye śaktiṃ ca kūrmakam

1.28.6

अनन्तं पृथिवीं धर्मं ज्ञानं वैराग्यमग्नितः

anantaṃ pṛthivīṃ dharmaṃ jñānaṃ vairāgyamagnitaḥ

1.28.6.2

ऐश्वर्यं वायुपूर्वं च प्रकाशात्मानमुत्तरे

aiśvaryaṃ vāyupūrvaṃ ca prakāśātmānamuttare

1.28.7

सत्त्वाय प्रकृतात्मने रजसे मोहरूपिणे

sattvāya prakṛtātmane rajase moharūpiṇe

1.28.7.2

तमसे कन्दपद्माय यजेत् कं काकतत्त्वकम्

tamase kandapadmāya yajet kaṃ kākatattvakam

1.28.8

विद्यातत्त्वं परं तत्त्वं सूर्येन्दुवह्निमण्डलम्

vidyātattvaṃ paraṃ tattvaṃ sūryenduvahnimaṇḍalam

1.28.8.2

विमलाद्या आसनं च प्राच्यां श्रीं ह्रीं प्रपूजयेत्

vimalādyā āsanaṃ ca prācyāṃ śrīṃ hrīṃ prapūjayet

1.28.9

गोपीजनवल्लभाय स्वाहान्तो मनुरुच्यते

gopījanavallabhāya svāhānto manurucyate

1.28.9.2

अङ्गानि यथा चक्रं च सुचक्रं च विचक्रं च

aṅgāni yathā cakraṃ ca sucakraṃ ca vicakraṃ ca

Garuḍapurāṇa