1.19.32

सर्वाङ्गलेपतश् चापि पानाद्वा विषहृद्भवेत्

sarvāṅgalepataś cāpi pānādvā viṣahṛdbhavet

1.19.32.2

ह्रीं गोनसादिविषहृत्

hrīṃ gonasādiviṣahṛt

1.19.33

हृल्ललाटविसर्गान्तं ध्यातं वश्यादिकृद् भवेत्

hṛllalāṭavisargāntaṃ dhyātaṃ vaśyādikṛd bhavet

1.19.33.2

न्यस्तं योनौ वशेत् कन्यां

nyastaṃ yonau vaśet kanyāṃ

1.19.34

जप्त्वा सप्ताष्टसाहस्रं गरुत्मानिव सर्वगः

japtvā saptāṣṭasāhasraṃ garutmāniva sarvagaḥ

1.19.34.2

कविः स्याच्छ्रुतिधरी च वश्याः

kaviḥ syācchrutidharī ca vaśyāḥ

1.19.34.3

विषहृत्स्यात्कथा तद्वन्मणिर्व्यासः स्मृतो ध्रुवम्

viṣahṛtsyātkathā tadvanmaṇirvyāsaḥ smṛto dhruvam

1.19.35

इति श्रीगारुडे महापुराणे पूर्वखण्डे प्रथमांशाख्ये आचारकाण्डे सर्पविषहरोपायनिरूपणं नामैकोनविंशो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe sarpaviṣaharopāyanirūpaṇaṃ nāmaikonaviṃśo 'dhyāyaḥ

1.20.1

सूत उवाच

sūta uvāca

1.20.1.2

वक्ष्ये तत्परमं गुह्यं शिवोक्तं मन्त्रवृन्दकम्

vakṣye tatparamaṃ guhyaṃ śivoktaṃ mantravṛndakam

1.20.1.3

पाशं धनुश्च चक्रं च मुद्ररं

pāśaṃ dhanuśca cakraṃ ca mudraraṃ

1.20.2

एतैरेवायुधैर्युद्धे मन्त्रैः शत्रूञ्जयेन्नृपः

etairevāyudhairyuddhe mantraiḥ śatrūñjayennṛpaḥ

1.20.2.2

मन्त्रोद्धारः पद्मपात्रे आदिपूर्वादिके लिखेत्

mantroddhāraḥ padmapātre ādipūrvādike likhet

1.20.3

अष्टवर्गं चाष्टमं च ख्यातमीशानपत्रके

aṣṭavargaṃ cāṣṭamaṃ ca khyātamīśānapatrake

1.20.3.2

ॐकारो ब्रह्मबीजं स्याद्ध्रीङ्कारो विष्णुरेव च

oṃkāro brahmabījaṃ syāddhrīṅkāro viṣṇureva ca

1.20.4

ह्रीङ्कारश्च शिवः शूले त्रिशाखे तु क्रमान्न्यसेत्

hrīṅkāraśca śivaḥ śūle triśākhe tu kramānnyaset

1.20.4.2

ॐ ह्रीं ह्रीं

oṃ hrīṃ hrīṃ

1.20.5

शूलं गृहीत्वा हस्तेनाभ्राम्य चाकाशसंमुखम्

śūlaṃ gṛhītvā hastenābhrāmya cākāśasaṃmukham

1.20.5.2

तद्दर्शनान्द्रहा नागा दृष्ट्वा वा

nāgā dṛṣṭvā vā nāśamāpnuyuḥ

1.20.6

धूमारक्ते करं मध्ये ध्यात्वा खे चिन्तयेन्नरः

dhūmārakte karaṃ madhye dhyātvā khe cintayennaraḥ

Garuḍapurāṇa