1.15.152

परमानन्दरूपी च धर्माणां च प्रवर्तकः

paramānandarūpī ca dharmāṇāṃ ca pravartakaḥ

1.15.152.2

सुलभो दुर्लभश्चैव प्राणायामपरस्तथा

sulabho durlabhaścaiva prāṇāyāmaparastathā

1.15.153

प्रत्याहारो धारकश्च प्रत्याहारकरस्तथा

pratyāhāro dhārakaśca pratyāhārakarastathā

1.15.153.2

प्रभा कान्तिस्तथा ह्यर्चिः शुद्धस्फटिकसन्निभः

prabhā kāntistathā hyarciḥ śuddhasphaṭikasannibhaḥ

1.15.154

अग्राहश्चैव गौरश्च सर्वः शुचिरभिष्टुतः

agrāhaścaiva gauraśca sarvaḥ śucirabhiṣṭutaḥ

1.15.154.2

वषट्कारो वषड् वौषट् स्वधा स्वाहा रतिस्तथा

vaṣaṭkāro vaṣaḍ vauṣaṭ svadhā svāhā ratistathā

1.15.155

पक्ता नन्दयिता भोक्ता बोद्धा भावयिता तथा

paktā nandayitā bhoktā boddhā bhāvayitā tathā

1.15.155.2

ज्ञानात्मा चैव देहात्मा भूमा

jñānātmā caiva dehātmā bhūmā

1.15.156

नदी नन्दी च नन्दीशो भारतस् तरुनाशनः

nadī nandī ca nandīśo bhāratas tarunāśanaḥ

1.15.156.2

चक्रपः श्रीपतिश्चैव नृपाणां चक्रवर्तिनाम्

cakrapaḥ śrīpatiścaiva nṛpāṇāṃ cakravartinām

1.15.157

ईशश्च सर्वदेवानां द्वारकासंस्थितस्तथा

īśaśca sarvadevānāṃ dvārakāsaṃsthitastathā

1.15.157.2

पुष्करः पुष्कराध्यक्षः पुष्करद्वीप एव च

puṣkaraḥ puṣkarādhyakṣaḥ puṣkaradvīpa eva ca

1.15.158

भरतो जनको जन्यः सर्वाकारविवर्जितः

bharato janako janyaḥ sarvākāravivarjitaḥ

1.15.158.2

निराकारो निर्निमित्तो निरातङ्को निराश्रयः

nirākāro nirnimitto nirātaṅko nirāśrayaḥ

1.15.159

इति नामसहस्रं ते वृषभध्वज कीर्तितम्

iti nāmasahasraṃ te vṛṣabhadhvaja kīrtitam

1.15.159.2

देवस्य विष्णोर् ईशस्य सर्वपापविनाशनम्

devasya viṣṇor īśasya sarvapāpavināśanam

1.15.160

पठन्द्विजश्च विष्णुत्वं क्षत्रियो जयमाप्नुयात्

paṭhandvijaśca viṣṇutvaṃ kṣatriyo jayamāpnuyāt

1.15.160.2

वैश्यो धनं सुखं शूद्रो विष्णुभक्तिसमन्वितः

vaiśyo dhanaṃ sukhaṃ śūdro viṣṇubhaktisamanvitaḥ

1.15.161

इति श्रीगारुडे महापुराणे पूर्वखण्डे प्रथमांशाख्ये आचारकाण्डे श्रीविष्णुसहस्रनामस्तोत्रनिरूपणं नाम पञ्चदशो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe śrīviṣṇusahasranāmastotranirūpaṇaṃ nāma pañcadaśo 'dhyāyaḥ

1.16.1

रुद्र उवाच

rudra uvāca

Garuḍapurāṇa